ਸਿਆਟਲ, 26 ਅਕਤੂਬਰ (ਪੋਸਟ ਬਿਊਰੋ)- ਅਮਰੀਕਾ ਦੇ ਸਾਬਕਾ ਉਪ-ਰਾਸ਼ਟਰਪਤੀ ਅਤੇ ਡੈਮੋਕ੍ਰੇਟਿਕ ਪਾਰਟੀ ਦੇ ਰਾਸ਼ਟਰਪਤੀ ਅਹੁਦੇ ਦੇ ਉਮੀਦਵਾਰ ਜੋ ਬਾਈਡਨ ਨੇ ਅਤੇ ਉਨ੍ਹਾਂ ਦੀ ਉਪ-ਰਾਸ਼ਟਰਪਤੀ ਦੀ ਉਮੀਦਵਾਰ ਕਮਲਾ ਹੈਰਿਸ ਨੇ ਰਾਸ਼ਟਰਪਤੀ ਟਰੰਪ ਦੀ ਉਸ ਟਿੱਪਣੀ ਕਿ ‘ਭਾਰਤ ਗੰਦਾ ਤੇ ਉਥੋਂ ਦੀ ਹਵਾ ਵੀ ਗੰਦੀ` ਬਾਰੇ ਕਿਹਾ ਕਿ ਆਪਣੇ ਦੋਸਤ ਮੁਲਕ ਬਾਰੇ ਇਸ ਤਰ੍ਹਾਂ ਬੋਲਣਾ ਸ਼ੋਭਾ ਨਹੀਂ ਦਿੰਦਾ ਅਤੇ ਇਹ ਸ਼ਰਮਨਾਕ ਹੈ।
ਇਨ੍ਹਾਂ ਦੋਵਾਂ ਆਗੂਆਂ ਨੇ ਕਿਹਾ ਕਿ ਅਸੀਂ ਅਮਰੀਕਾ ਦੀ ਭਾਰਤ ਨਾਲ ਭਾਈਵਾਲੀ ਦੀ ਡੂੰਘੀ ਕਦਰ ਕਰਦੇ ਹਾਂ ਤੇ ਜੇ ਅਸੀਂ ਜਿੱਤ ਗਏ ਤਾਂ ਭਾਰਤ ਨਾਲ ਰਿਸ਼ਤੇ ਅਸੀਂ ਪ੍ਰਸ਼ਾਸਨ ਦੇ ਸਮੇਂ ਤੋਂ ਵਧੇਰੇ ਵਧਾਵਾਂਗੇ।ਅਮਰੀਕਾ ਤੇ ਭਾਰਤ ਮਿਲ ਕੇ ਅੱਤਵਾਦ ਦੇ ਖ਼ਿਲਾਫ਼ ਜੰਗ ਲੜਨਗੇ। ਬਾਈਡਨ ਨੇ ਕਿਹਾ ਸਾਡੀ ਵਿਦੇਸ਼ ਨੀਤੀ ਸਭ ਨੂੰ ਸਤਿਕਾਰ ਦੇਣ ਦੀ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਅਮਰੀਕਾ ਤੇ ਭਾਰਤ ਵਿੱਚ ਬਾਜ਼ਾਰ ਖੁੱਲਣਗੇ ਅਤੇ ਮੌਸਮ ਵਿੱਚ ਤਬਦੀਲੀ, ਵਿਸ਼ਵ ਵਿਆਪੀ ਸਿਹਤ, ਅੰਤਰ ਰਾਸ਼ਟਰੀ ਅੱਤਵਾਦ ਅਤੇ ਐਟਮੀਪ੍ਰਸਾਰ ਵਰਗੇ ਹੋਰ ਮੁੱਦਿਆਂ ਦਾ ਦੋਵੇਂ ਦੇਸ਼ ਮਿਲ ਕੇ ਸਾਹਮਣਾ ਕਰਾਂਗੇ।