ਕੈਲਗਰੀ, 26 ਅਕਤੂਬਰ (ਪੋਸਟ ਬਿਊਰੋ) : ਕੈਲਗਰੀ ਸਥਿਤ ਕੰਪਨੀ ਸੈਨੋਵਸ ਐਨਰਜੀ ਇਨਕਾਰਪੋਰੇਸ਼ਨ ਵੱਲੋਂ 23æ6 ਬਿਲੀਅਨ ਡਾਲਰ ਵਿੱਚ ਹਸਕੀ ਐਨਰਜੀ ਇਨਕਾਰਪੋਰੇਸ਼ਨ ਨੂੰ ਖਰੀਦਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ| ਇਹ ਜਾਣਕਾਰੀ ਇੱਕ ਸਾਂਝੇ ਬਿਆਨ ਵਿੱਚ ਦੋਵਾਂ ਕੰਪਨੀਆਂ ਨੇ ਦਿੱਤੀ|
ਰਲੇਵੇਂ ਤੋਂ ਬਾਅਦ ਸੈਨੋਵਸ ਐਨਰਜੀ ਇਨਕਾਰਪੋਰੇਸ਼ਨ ਦਾ ਹੈੱਡਕੁਆਰਟਰ ਅਲਬਰਟਾ ਵਿੱਚ ਹੀ ਰਹੇਗਾ| ਬਿਆਨ ਵਿੱਚ ਆਖਿਆ ਗਿਆ ਕਿ ਇਸ ਡੀਲ ਤੋਂ ਬਾਅਦ ਇਹ ਦੋਵੇਂ ਕੰਪਨੀਆਂ ਨਵੇਂ ਤੇਲ ਤੇ ਗੈਸ ਬਿਜ਼ਨਸ ਵਿੱਚ ਹੋਰ ਵੱਡੇ ਨਾਂ ਵਜੋਂ ਉਭਰਨਗੀਆਂ| ਜਿਸ ਕੋਲ ਵਧੇਰੇ ਸਥਾਈ ਕੈਸ਼ ਹੋਵੇਗਾ| ਸੈਨੋਵਸ ਦੇ ਸੀਈਓ ਐਲੈਕਸ ਪੁਰਬਾਇਕਸ ਇਸ ਸਾਂਝੀ ਕੰਪਨੀ ਦੇ ਮੁਖੀ ਹੋਣਗੇ ਜਦਕਿ ਹਸਕੀ ਦੇ ਚੀਫ ਫਾਇਨਾਂਸ਼ੀਅਲ ਆਫੀਸਰ ਜੈੱਫ ਹਾਰਟ ਨਵੀਂ ਥਾਂ ਉੱਤੇ ਇਹੋ ਭੂਮਿਕਾ ਨਿਭਾਉਣਗੇ|
ਪੁਰਬਾਇਕਸ ਨੇ ਆਖਿਆ ਕਿ ਸਾਡੀ ਕੰਪਨੀ ਵਧੇਰੇ ਮਜ਼ਬੂਤ, ਇੱਕਜੁੱਟ ਕੰਪਨੀ ਵਜੋਂ ਉਭਰੇਗੀ ਤੇ ਐਨਰਜੀ ਦੇ ਖੇਤਰ ਵਿੱਚ ਅਹਿਮ ਭੂਮਿਕਾ ਨਿਭਾਵੇਗੀ| ਇੱਥੇ ਦੱਸਣਾ ਬਣਦਾ ਹੈ ਕਿ ਹਸਕੀ ਨੂੰ ਹਾਂਗਕਾਂਗ ਸਥਿਤ ਬਿਲੀਅਨੇਅਰ ਲੀ ਕਾ-ਸਿੰਗ ਵੱਲੋਂ ਹਚਿਸਨ ਵ੍ਹਾਮਪੋਆ ਯੂਰਪ ਇਨਵੈਸਟਮੈਂਟ ਐਸ ਏ ਆਰ ਐਲ ((SARL) ਵੱਲੋਂ ਨਿਯੰਤਰਿਤ ਕੀਤਾ ਜਾਂਦਾ ਹੈ, ਜਿਸ ਕੋਲ ਕੰਪਨੀ ਦੇ 29æ32 ਫੀ ਸਦੀ ਸ਼ੇਅਰ ਹਨ|