ਡਿਜੀਟਲ ਪਲੇਟਫਾਰਮ ਲਗਾਤਾਰ ਕਲਾਕਾਰਾਂ ਤੋਂ ਲੈ ਕੇ ਨਿਰਮਾਤਾ ਅਤੇ ਨਿਰਦੇਸ਼ਕਾਂ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰ ਰਿਹਾ ਹੈ। ਕਾਮੇਡੀਅਨ ਕਪਿਲ ਸ਼ਰਮਾ ਫਿਲਮਾਂ ਵਿੱਚ ਐਕਟਿੰਗ ਕਰ ਚੁੱਕੇ ਹਨ। ਅੱਗੋਂ ਉਹ ਡਿਜੀਟਲ ਪਲੇਟਫਾਰਮ 'ਤੇ ਕਦਮ ਰੱਖਣ ਲਈ ਵੀ ਤਿਆਰ ਹਨ। ਉਸ ਵੈੱਬ ਸੀਰੀਜ਼ ਲਈ ਉਹ ਕਾਫੀ ਮੋਟੀ ਫੀਸ ਵੀ ਲੈ ਰਹੇ ਹਨ। ਇਸ ਦਾ ਖੁਲਾਸਾ ਦ ਕਪਿਲ ਸ਼ਰਮਾ ਸ਼ੋਅ ਉੱਤੇ ਕਾਮੇਡੀਅਨ ਅਤੇ ਅਭਿਨੇਤਾ ਕ੍ਰਿਸ਼ਨਾ ਅਭਿਸ਼ੇਕ ਨੇ ਹੀ ਕਰ ਦਿੱਤਾ ਹੈ।
ਪਿੱਛੇ ਜਿਹੇ ਇੱਕ ਐਪੀਸੋਡ ਵਿੱਚ ਸ਼ਤਰੂਘਨ ਸਿਨ੍ਹਾ ਅਤੇ ਉਸ ਦੇ ਬੇਟੇ ਲਵ ਪਹੁੰਚੇ ਸਨ। ਇਸ ਮੌਕੇ ਕ੍ਰਿਸ਼ਨਾ ਨੇ ਕਿਹਾ ਕਿ ਕਪਿਲ ਆਪਣੀ ਵੈੱਬ ਸੀਰੀਜ਼ ਲਈ ਵੀਹ ਕਰੋੜ ਫੀਸ ਲੈ ਰਹੇ ਹਨ। ਵੈੱਬ ਸੀਰੀਜ਼ ਬਾਰੇ ਜੋ ਖਬਰਾਂ ਸਾਹਮਣੇ ਆ ਰਹੀਆਂ ਹਨ, ਉਨ੍ਹਾਂ ਮੁਤਾਬਕ ਇਹ ਸਟੈਂਡਅਪ ਕਾਮੇਡੀ ਸ਼ੋਅ ਨਹੀਂ ਹੋਵੇਗਾ। ਇਹ ਸਿਟਕਾਮ ਯਾਨੀ ਸ਼ਿਚੁਏਸ਼ਨਲ ਕਾਮੇਡੀ ਸ਼ੋਅ ਹੋਵੇਗਾ, ਜਿਸ ਨੂੰ ਸੋਨੀ ਲਾਈਵ ਡਿਜੀਟਲ ਪਲੇਟਫਾਰਮ ਲਈ ਬਣਾਇਆ ਜਾ ਰਿਹਾ ਹੈ। ਇਸ ਸ਼ੋਅ ਵਿੱਚ ਕਪਿਲ ਲੀਡ ਰੋਲ ਵਿੱਚ ਹੋਣਗੇ।