ਪਾਣੀਪਤ, 24 ਅਕਤੂਬਰ (ਪੋਸਟ ਬਿਊਰੋ)- ਇਸ ਸ਼ਹਿਰ ਵਿੱਚ ਕੱਲ੍ਹ ਫਿਲਮ ਵਰਗੀ ਕਹਾਣੀ ਸਾਹਮਣੇ ਆਈ ਹੈ। ਐਨ ਐਫ ਐਲ ਦੇ ਪਿੱਛੇ ਵਿਕਾਸ ਨਗਰ ਵਿੱਚ 18 ਮਹੀਨੇ ਤੋਂ ਲਾਪਤਾ 31 ਸਾਲ ਟੈਕਨੀਸ਼ਨ ਹਰਬੀਰ ਸਿੰਘ ਦੇ ਘਰ ਵਿੱਚ ਖੁਦਾਈ ਦੌਰਾਨ ਮਨੁੱਖੀ ਪਿੰਜਰ ਮਿਲਿਆ ਹੈ। ਸ਼ੱਕ ਹੈ ਕਿ ਇਹ ਪਿੰਜਰ ਉਸੇ ਟੈਕਨੀਸ਼ਨ ਦਾ ਹੈ ਅਤੇ ਹੱਤਿਆ ਦਾ ਸ਼ੱਕ ਉਸ ਦੀ ਪਤਨੀ ਉੱਤੇ ਹੈ, ਪਰ ਡੀ ਐਨ ਏ ਟੈੱਸਟ ਤੋਂ ਹੀ ਕੇਸ ਸਪੱਸ਼ਟ ਹੋ ਸਕੇਗਾ।
ਟੈਕਨੀਸ਼ਨ ਹਰਬੀਰ ਸਿੰਘ ਦੇ ਵੱਡੇ ਭਰਾ ਹਰੀ ਓਮ ਨੇ ਦੋਸ਼ ਲਾਇਆ ਕਿ ਹਰਬੀਰ ਸਿੰਘ ਦੀ ਪਤਨੀ ਅਤੇ ਕਿਸੇ ਹੋਰ ਨੇ ਗੁਪਤ ਤਰੀਕੇ ਨਾਲ ਉਸ ਦਾ ਪਿੰਜਰ ਘਰ ਵਿੱਚ ਕਿਸੇ ਹੋਰ ਥਾਂ ਦਬਾ ਦਿੱਤਾ ਸੀ। ਉਸ ਦੇ ਬੇਟੇ ਨੇ ਮਕਾਨ ਉਸਾਰੀ ਦੇ ਕੰਮ ਲਈ ਹੋ ਰਹੀ ਖੁਦਾਈ ਦੌਰਾਨ ਖੋਪੜੀ ਦੇਖੀ ਤਾਂ ਆ ਕੇ ਦੱਸਿਆ ਅਤੇ ਫਿਰ ਖੁਦਾਈ ਕਰ ਕੇ ਪਿੰਜਰ ਕੱਢਿਆ ਗਿਆ। ਫੋਰੈਂਸਿਕ ਐਕਸਪਰਟ ਅਤੇ ਥਾਣਾ ਇੰਚਾਰਜ ਮੌਕੇ ਉੱਤੇ ਪਹੁੰਚੇ ਅਤੇ ਡਿਊਟੀ ਮਜਿਸਟ੍ਰੇਟ ਨਿਯੁਕਤ ਕਰਵਾ ਕੇ ਪਿੰਜਰ ਨੂੰ ਕਬਜ਼ੇ ਵਿੱਚ ਲਿਆ। ਪੋਸਟਮਾਰਟਮ ਤੋਂ ਪਤਾ ਚਲੇਗਾ ਕਿ ਪਿੰਜਰ ਮਰਦ ਦਾ ਹੈ ਜਾ ਔਰਤ ਦਾ। ਉਥੇ ਹੀ ਪੁੱਛਣ ਉੱਤੇ ਹਰਬੀਰ ਦੀ ਪਤਨੀ ਨੇ ਬੱਚੇ ਨੂੰ ਦੱਸਿਆ ਕਿ ਤੇਰੇ ਚਾਚਾ ਹਰਬੀਰ ਸਿੰਘ ਨੇ ਕੁੱਤਾ ਦਬਾ ਰੱਖਿਆ ਸੀ। ਜਦੋਂ ਬੱਚੇ ਨੇ ਘਰ ਜਾ ਕੇ ਆਪਣੇ ਪਿਤਾ ਹਰੀ ਓਮ ਨੂੰ ਇਸ ਬਾਰੇ ਦੱਸਿਆ ਤਾਂ ਹਰੀ ਓਮ ਨੇ ਕਿਹਾ ਕਿ ਪਿੰਜਰ ਹਰਬੀਰ ਸਿੰਘ ਦਾ ਵੀ ਹੋ ਸਕਦਾ ਹੈ। ਪੁਲਸ ਡੀ ਐਨ ਏ ਟੈੱਸਸਟ ਕਰਵਾ ਕੇਸ ਕੇਸ ਦੀ ਗਹਿਰਾਈ ਨਾਲ ਜਾਂਚ ਕਰੇ ਤਾਂ ਕਿ ਪਤਾ ਚਲ ਸਕੇ ਕਿ ਪਿੰਜਰ ਕਿਸ ਦਾ ਹੈ। ਇਸ ਪਿੰਜਰ ਨੂੰ ਦੋਬਾਰਾ ਦਬਾਉਣ ਨਾਲ ਸ਼ੱਕ ਦੇ ਘੇਰੇ ਵਿੱਚ ਆਈ ਪਤਨੀ ਨੂੰ ਪੁਲਸ ਨੇ ਹਿਰਾਸਤ ਵਿੱਚ ਲੈ ਕੇ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ ਅਤੇ ਜਾਂਚ ਜਾਰੀ ਹੈ।