ਮਾਂਟਰੀਅਲ, 23 ਅਕਤੂਬਰ (ਪੋਸਟ ਬਿਊਰੋ) : ਲੇ ਸ਼ੈਟਿਓ ਇਨਕਾਰਪੋਰੇਸ਼ਨ ਦਾ ਕਹਿਣਾ ਹੈ ਕਿ ਉਹ ਕ੍ਰੈਡੇਟਰਜ਼ ਤੋਂ ਬਚਣ ਲਈ ਅਦਾਲਤ ਦਾ ਸਹਾਰਾ ਲੈ ਰਹੀ ਹੈ ਤਾਂ ਕਿ ਆਪਣੀ ਸੰਪਤੀ ਨੂੰ ਲਿਕੁਈਡੇਟ ਕਰਕੇ ਦੇਣਦਾਰੀਆਂ ਦਿੱਤੀਆਂ ਜਾ ਸਕਣ|
ਕੰਪਨੀਜ਼ ਕ੍ਰੈਡੇਟਰਜ਼ ਅਰੇਂਜਮੈਂਟ ਐਕਟ ਤਹਿਤ ਇਸ ਸਬੰਧ ਵਿੱਚ ਲੇ ਸ਼ੈਟਿਓ ਦੀ ਅਰਜ਼ੀ ਅੱਜ ਕਿਊਬਿਕ ਦੀ ਅਦਾਲਤ ਵੱਲੋਂ ਸੁਣੀ ਜਾਵੇਗੀ| ਕੱਪੜਿਆਂ ਦੀ ਇਸ ਰਿਟੇਲਰ ਕੰਪਨੀ ਦਾ ਕਹਿਣਾ ਹੈ ਕਿ ਮੌਜੂਦਾ ਚਿੰਤਾ ਕਾਰਨ ਉਹ ਆਪਣਾ ਕੰਮਕਾਰ ਹੋਰ ਜਾਰੀ ਨਹੀਂ ਰੱਖ ਸਕਦੀ| ਕੰਪਨੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਲਿਕੁਇਡੇਸ਼ਨ ਪ੍ਰਕਿਰਿਆ ਸ਼ੁਰੂ ਕਰਨ ਤੋਂ ਇਲਾਵਾ ਹੋਰ ਕੋਈ ਰਾਹ ਨਹੀਂ ਬਚਦਾ|
ਲੇ ਸ਼ੈਟਿਓ ਦੀਆਂ ਕੈਨੇਡਾ ਭਰ ਵਿੱਚ 123 ਲੋਕੇਸ਼ਨਜ਼ ਹਨ ਤੇ ਈ-ਕਾਮਰਸ ਪਲੇਟਫਾਰਮ ਹੈ ਜਿਹੜਾ ਕੈਨੇਡਾ ਤੇ ਅਮਰੀਕਾ ਵਿੱਚ ਸੇਵਾਵਾਂ ਦਿੰਦਾ ਹੈ| ਇਸ ਦੇ ਹੈੱਡ ਆਫਿਸ ਵਿੱਚ 500 ਕਰਮਚਾਰੀ ਹਨ ਤੇ ਰੀਟੇਲ ਸਟੋਰ ਵਿੱਚ 900 ਕਰਮਚਾਰੀ ਹਨ|