ਬਾਲੀਵੁੱਡ ਵਿੱਚ ਆਏ ਦਿਨ ਕੋਈ ਨਾ ਕੋਈ ਫਿਲਮ ਵਿਵਾਦਾਂ ਦੇ ਘੇਰੇ ਵਿੱਚ ਆ ਜਾਂਦੀ ਹੈ। ਪ੍ਰਿਅੰਕਾ ਚੋਪੜਾ ਦੇ ਬੈਨਰ ਦੀ ਪਹਿਲੀ ਅਸਮੀਆ ਫਿਲਮ ‘ਪਾਹੁਨਾ’ ਵੀ ਇਸੇ ਤਰ੍ਹਾਂ ਵਿਵਾਦਾਂ ਵਿੱਚ ਫਸ ਗਈ ਹੈ। ਮੇਕਰਸ ਨੇ ਕੱਲ੍ਹ ਦੁਪਹਿਰ ਫਿਲਮ ਦਾ ਟ੍ਰੇਲਰ ਜਾਰੀ ਕੀਤਾ, ਪਰ ਕੁਝ ਮਿੰਟਾਂ ਬਾਅਦ ਹੀ ਇਸ ਨੂੰ ਹਟਾ ਲਿਆ ਗਿਆ। ਫਿਲਮ ਨਾਲ ਜੁੜੇ ਸੂਤਰਾਂ ਦੀ ਮੰਨੀਏ ਤਾਂ ਤਕਨੀਕੀ ਦਿੱਕਤਾਂ ਦੇ ਕਾਰਨ ਅਜਿਹਾ ਹੋਇਆ ਹੈ।
ਫਿਲਮ ਨਾਲ ਜੁੜੇ ਜਾਣਕਾਰਾਂ ਦਾ ਕਹਿਣਾ ਹੈ ਕਿ ਪ੍ਰਿਅੰਕਾ ਨੂੰ ਅਸਮ ਟੂਰਿਜ਼ਮ ਦੇ ਇੱਕ ਇਸ਼ਤਿਹਾਰ ਲਈ ਕਾਫੀ ਆਲੋਚਨਾਵਾਂ ਦਾ ਸਾਹਮਣਾ ਕਰਨਾ ਪਿਆ ਸੀ। ਹੋ ਸਕਦਾ ਹੈ ਕਿ ਇਨ੍ਹਾਂ ਕਾਰਨਾਂ ਕਰ ਕੇ ਹੀ ਟ੍ਰੇਲਰ ਹਟਾਇਆ ਗਿਆ ਹੈ। ਪਾਖੀ ਏ ਟਾਇਰਵਾਲਾ ਦੇ ਨਿਰਦੇਸ਼ਨ ਵਿੱਚ ਬਣੀ ਇਹ ਫਿਲਮ ਸੱਤ ਦਸੰਬਰ ਨੰ ਰਿਲੀਜ਼ ਹੋਵੇਗੀ। ਇਹ ਜਰਮਨੀ, ਟੋਰਾਂਟੋ ਅਤੇ ਨਿਊ ਯਾਰਕ ਦੇ ਫਿਲਮ ਫੈਸਟੀਵਲ ਵਿੱਚ ਕਾਫੀ ਸੁਰਖੀਆ ਖੱਟ ਚੁੱਕੀ ਹੈ। ਇਸ ਦੀ ਕਹਾਣੀ ਤਿੰਨ ਸਾਹਸੀ ਬੱਚਿਆਂ 'ਤੇ ਆਧਾਰਤ ਹੈ, ਜੋ ਮਾਓਵਾਦੀਆਂ ਦੇ ਅੰਦੋਲਨ ਤੋਂ ਬਚ ਕੇ ਨੇਪਾਲ ਤੋਂ ਸਿੱਕਮ ਜਾਂਦੇ ਸਮੇਂ ਆਪਣੇ ਮਾਪਿਆਂ ਨਾਲੋਂ ਵਿਛੜ ਜਾਂਦੇ ਨਹ।