* ਯੂ-ਟਿਊਬ ਉੱਤੇਮੋਦੀ ਦੇ ਭਾਸ਼ਣ ਨੂੰ ਡਿਸਲਈਕ ਵੱਧ ਮਿਲੇ
ਨਵੀਂ ਦਿੱਲੀ, 20 ਅਕਤੂਬਰ, (ਪੋਸਟ ਬਿਊਰੋ)- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਮੰਗਲਵਾਰ ਨੂੰ ਦੇਸ਼ ਦੇ ਲੋਕਾਂ ਦੇ ਨਾਮ ਇੱਕ ਸੰਦੇਸ਼ ਜਾਰੀ ਕੀਤਾ, ਜਿਸ ਬਾਰੇ ਉਨ੍ਹਾਂ ਅੱਜ ਦੁਪਹਿਰ ਟਵੀਟ ਕਰ ਕੇ ਜਾਣਕਾਰੀ ਦਿੱਤੀ ਸੀ। ਵਰਨਣ ਯੋਗ ਹੈ ਕਿ ਕੋਰੋਨਾ ਦੀ ਮਾਰ ਦੇ ਸਮੇਂ ਵਿਚ ਪ੍ਰਧਾਨ ਮੰਤਰੀ ਮੋਦੀ ਦਾ ਇਹ 7ਵਾਂ ਸੰਦੇਸ਼ ਹੈ।
ਅੱਜ ਦੇ ਆਪਣੇ ਭਾਸ਼ਣ ਵਿੱਚਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕੋਰੋਨਾ ਵਾਇਰਸ ਦੀ ਮਹਾਮਾਰੀ ਦੀ ਗੱਲ ਕੀਤੀ ਤੇ ਕਿਹਾ ਕਿ ਇਸ ਦੇ ਖ਼ਿਲਾਫ ਲੜਾਈ ਵਿਚ ਜਨਤਾ ਕਰਫਿਊ ਤੋਂ ਲੈ ਕੇ ਅੱਜ ਤੱਕ ਦੇਸ਼ ਨੇ ਲੰਬੀ ਲੜਾਈ ਲੜੀ ਹੈ, ਪਰ ਅਜੇ ਇਹ ਲੜਾਈ ਜਾਰੀ ਹੈ। ਉਨ੍ਹਾਂ ਕਿਹਾ ਕਿ ਤਿਉਹਾਰਾਂ ਦੇ ਮੌਸਮ ਵਿਚ ਬਜ਼ਾਰਾਂ ਵਿਚ ਰੌਣਕ ਪਰ ਰਹੀ ਹੈ, ਪਰ ਸਾਨੂੰ ਇਹ ਨਹੀਂ ਭੁੱਲਣਾ ਚਾਹੀਦਾ ਕਿ ਲਾਕਡਾਊਨ ਹੀ ਹਟਿਆ ਹੈ, ਵਾਇਰਸ ਨਹੀਂ ਗਿਆ।ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸੰਭਲ ਗਈ ਸਥਿਤੀ ਵਿਗੜਨ ਨਹੀਂ ਦੇਣੀ। ਉਨ੍ਹਾਂ ਕਿਹਾ ਕਿ ਭਾਰਤ ਦੇ ਹਾਲਤ ਦੁਨੀਆ ਤੋਂ ਬਿਹਤਰ ਹਨ ਤੇ ਦੇਸ਼ ਵਿੱਚ ਕੋਰੋਨਾ ਤੋਂ ਰਿਕਵਰੀ ਰੇਟ ਕਾਫੀ ਵੱਧ ਹੈ। ਸਾਡੇ ਡਾਕਟਰ, ਨਰਸਾਂ, ਸਿਹਤ ਕਾਮੇਦੇਸ਼ ਦੀ ਇੰਨੀ ਵੱਡੀ ਆਬਾਦੀ ਦੀ ਨਿਸਵਾਰਥ ਸੇਵਾ ਕਰ ਰਹੇ ਹਨ। ਇਨ੍ਹਾਂ ਸਾਰਿਆਂ ਦੀਆਂ ਕੋਸ਼ਿਸ਼ਾਂ ਪਿੱਛੋਂ ਇਹ ਸਮਾਂ ਲਾਪ੍ਰਵਾਹੀ ਦਾ ਨਹੀਂ। ਉਨ੍ਹਾਂ ਕਿਹਾ ਕਿ ਕਈ ਲੋਕਾਂ ਨੇ ਸਾਵਧਾਨੀ ਵਰਤਣੀ ਬੰਦ ਕਰ ਦਿੱਤੀ ਹੈ, ਇਹ ਠੀਕ ਨਹੀਂ, ਜੇ ਤੁਸੀਂ ਲਾਪ੍ਰਵਾਹੀ ਵਰਤਦੇ ਤੇ ਮਾਸਕ ਦੇ ਬਿਨਾਂ ਬਾਹਰ ਜਾਂਦੇ ਹੋ ਤਾਂ ਤੁਸੀਂ ਖੁਦ ਨੂੰ ਅਤੇ ਆਪਣੇ ਪਰਿਵਾਰ ਨੂੰ ਵੱਡੇ ਸੰਕਟ ਵਿਚ ਪਾ ਰਹੇ ਹਨ।
ਇਸ ਮੌਕੇ ਕੋਰੋਨਾ ਵੈਕਸੀਨ ਬਾਰੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਜਦੋਂ ਤੱਕ ਵੈਕਸੀਨ ਨਹੀਂ, ਉਦੋਂ ਤੱਕ ਕੋਈ ਢਿੱਲ ਨਹੀਂ ਦਿੱਤੀ ਜਾ ਸਕਦੀ, ਭਾਰਤ ਵਿਚ ਵੈਕਸੀਨ ਦਾ ਕੰਮ ਤੇਜ਼ੀ ਨਾਲ ਹੋ ਰਿਹਾ ਹੈ, ਪੂਰੀ ਦੁਨੀਆ ਵਿੱਚ ਵੈਕਸੀਨ ਦਾ ਕੰਮ ਜਾਰੀ ਹੈ, ਪਰ ਥੋੜ੍ਹੀ ਜਿਹੀ ਲਾਪ੍ਰਵਾਹੀ ਖੇਡ ਵਿਗਾੜ ਸਕਦੀ ਹੈ।
ਪ੍ਰਧਾਨ ਮੰਤਰੀ ਮੋਦੀ ਦੇ ਦੇਸ਼ ਦੇ ਨਾਮ ਸੁਨੇਹੇ ਬਾਰੇ ਪਹਿਲਾਂ ਭਾਜਪਾ ਦੇ ਯੂ-ਟਿਊਬ ਚੈਨਲ ਉੱਤੇ ਲਾਈਕ ਤੋਂਵੱਧ ਡਿਸਲਾਈਕ ਮਿਲ ਰਹੇ ਸਨ। ਜਦੋਂ ਮੋਦੀ ਦਾ 12 ਮਿੰਟ ਦਾ ਭਾਸ਼ਣ ਖ਼ਤਮ ਹੋਣ ਲੱਗਾ ਤਾਂ ਭਾਜਪਾ ਨੇ ਆਪਣੇ ਚੈਨਲ ਤੋਂ ਡਿਸਲਾਈਕ ਦੇ ਨੰਬਰ ਛੁਪਾ ਲਏ। ਇਸ ਦਾ ਭਾਵ ਹੈ ਕਿ ਤੁਸੀਂ ਲਾਈਕ-ਡਿਸਲਾਈਕ ਕਰ ਸਕਦੇ ਸੀ, ਉਸਦੇ ਨੰਬਰ ਨਹੀਂ ਸੀ ਦੇਖ ਸਕਦੇ। ਉਂਜ ਪ੍ਰਧਾਨ ਮੰਤਰੀ ਦਫਤਰ, ਨਰਿੰਦਰ ਮੋਦੀ ਅਤੇ ਪੀ ਆਈ ਬੀ ਚੈਨਲਾਂ ਉੱਤੇ ਮੋਦੀ ਦੇ ਭਾਸ਼ਣਬਾਰੇ ਡਿਸਲਾਈਕ ਤੋਂਵੱਧ ਲਾਈਕਸ ਸਨ, ਇਸ ਲਈ ਇੱਥੇ ਨੰਬਰ ਚੱਲਦੇ ਰਹੇ। ਨਰਿੰਦਰ ਮੋਦੀ ਦੇ ਅਧਿਕਾਰਕ ਚੈਨਲ ਉੱਤੇਉਨ੍ਹਾਂ ਦੇ ਭਾਸ਼ਣ ਦੇ ਲਿੰਕ ਉੱਤੇਲੋਕ ਕੁਮੈਂਟ ਕਰ ਸਕਦੇ ਸਨ, ਪਰ ਹੋਰਨਾਂ ਕੁਮੈਂਟਸ ਕੋਈ ਨਹੀਂ ਸੀ ਦੇਖ ਸਕਦੇ।