ਬਰੈਂਪਟਨ, 20 ਅਕਤੂਬਰ (ਪੋਸਟ ਬਿਊਰੋ) : ਐਸ ਐਂਡ ਪੀ ਗਲੋਬਲ ਰੇਟਿੰਗਜ਼ (ੰ&ਫ) ਵੱਲੋਂ ਸਾਲ 2020 ਲਈ ਸਿਟੀ ਆਫ ਬਰੈਂਪਟਨ ਨੂੰ ਏ ਰੇਟਿੰਗ ਦਿੱਤੀ ਗਈ ਹੈ| ਇਹ ਅਜਿਹੀ ਰੇਟਿੰਗ ਹੈ ਜਿਹੜੀ ਕਿਸੇ ਮਿਉਂਸਪੈਲਿਟੀ ਨੂੰ ਦਿੱਤੀ ਜਾਣ ਵਾਲੀ ਸੱਭ ਤੋਂ ਵੱਧ ਰੇਟਿੰਗ ਹੈ| ਐਸ ਐਂਡ ਪੀ ਅਨੁਸਾਰ ਇਹ ਰੇਟਿੰਗ ਸਿਟੀ ਦੇ ਮਜ਼ਬੂਤ ਅਰਥਚਾਰੇ ਤੇ ਵਿੱਤੀ ਮੈਨੇਜਮੈਂਟ ਸਬੰਧੀ ਰੁਝਾਨਾਂ ਨੂੰ ਦਰਸਾਉਂਦੀ ਹੈ ਜਿਨ੍ਹਾਂ ਸਦਕਾ ਕੋਵਿਡ-19 ਮਹਾਂਮਾਰੀ ਤੋਂ ਨਿਜਾਤ ਪਾਉਣ ਵਿੱਚ ਮਦਦ ਮਿਲੇਗੀ|
ਐਨੀ ਦਮਦਾਰ ਰੇਟਿੰਗ ਹਾਸਲ ਕਰਨ ਪਿੱਛੇ ਜੋ ਕਾਰਨ ਐਸ ਐਂਡ ਪੀ ਵੱਲੋਂ ਦੱਸੇ ਗਏ ਹਨ ਉਹ ਹੇਠ ਲਿਖੇ ਅਨੁਸਾਰ ਹਨ:
• ਨਕਦੀ ਦੀ ਸਥਿਤੀ ਮਜ਼ਬੂਤ ਹੋਣ ਦੇ ਨਾਲ ਨਾਲ ਹੋਰਨਾਂ ਮਿਉਂਸਪੈਲਿਟੀਜ਼ ਦੇ ਮੁਕਾਬਲੇ ਕਰਜ਼ਾ ਸੇਵਾ ਦੀ ਦਮਦਾਰ ਕਵਰੇਜ
• ਵਧੀਆ ਸੋਸ਼ਿਓਇਕਨੌਮਿਕ ਤੇ ਡੈਮੋਗ੍ਰੈਫਿਕ ਵਿਸੇæਸ਼ਤਾਈਆਂ, ਕੌਮੀ ਪੱਧਰ ਦੇ ਮੁਕਾਬਲੇ ਨੌਜਵਾਨਾਂ ਦੀ ਆਬਾਦੀ ਜ਼ਿਆਦਾ ਹੋਣਾ, ਆਬਾਦੀ ਦਾ ਸਿਹਤਮੰਦ ਵਿਕਾਸ, ਵੱਡੀਆਂ ਮਾਰਕਿਟਸ ਤੱਕ ਪਹੁੰਚ, ਹੋਰਨਾਂ ਦੇ ਮੁਕਾਬਲੇ ਬਿਹਤਰ ਟੈਕਸ ਦਰਾਂ-ਜਿਨ੍ਹਾਂ ਕਾਰਨ ਏਰੀਆ ਵਿੱਚ ਨਵੇਂ ਕਾਰੋਬਾਰ ਤੇ ਰੋਜ਼ਗਾਰ ਦੇ ਬਿਹਤਰ ਮੌਕੇ ਮਿਲਦੇ ਹਨ|
• ਯੋਗ ਜਾਣਕਾਰੀ ਤੱਕ ਸੁਖਾਲੀ ਪਹੁੰਚ ਅਤੇ ਵਿਸਤ੍ਰਿਤ ਆਪਰੇਟਿੰਗ ਤੇ ਕੈਪੀਟਲ ਬਜਟ
ਇਹ ਦਰਜੇਬੰਦੀ ਇਹੋ ਦਰਸਾਉਂਦੀ ਹੈ ਕਿ ਐਸ ਐਂਡ ਪੀ ਨੂੰ ਆਸ ਹੈ ਕਿ ਬਰੈਂਪਟਨ ਦਾ ਅਰਥਚਾਰਾ ਅਗਲੇ ਦੋ ਸਾਲਾਂ ਵਿੱਚ ਉਸ ਸਮੇਂ ਗਤੀ ਫੜ੍ਹੇਗਾ ਜਦੋਂ ਕੋਵਿਡ-19 ਪਾਬੰਦੀਆਂ ਹਟਾਈਆਂ ਜਾਣਗੀਆਂ|