ਮਿਸੀਸਾਗਾ, 20 ਅਕਤੂਬਰ (ਪੋਸਟ ਬਿਊਰੋ) : ਪੀਲ ਪੁਲਿਸ ਨੂੰ ਮਿਸੀਸਾਗਾ ਵਿੱਚ ਇੱਕ ਗੱਡੀ ਵਿੱਚੋਂ ਰਿਵਾਲਵਰ ਤੇ ਅਸਲਾ ਮਿਲਿਆ ਹੈ|
ਐਗਲਿੰਟਨ ਐਵਨਿਊ ਤੇ ਕੈਨੇਡੀ ਰੋਡ ਇਲਾਕੇ ਵਿੱਚ ਗੱਡੀ ਦੀ ਭਾਲ ਕਰ ਰਹੇ ਅਧਿਕਾਰੀਆਂ ਨੂੰ 6:15 ਵਜੇ ਦੇ ਨੇੜੇ ਤੇੜੇ ਇਹ ਗੱਡੀ ਮਿਲੀ| ਕਾਰ ਮਿਲਣ ਤੋਂ ਬਾਅਦ ਉਨ੍ਹਾਂ ਨੇ ਡਰਾਈਵਰ ਨੂੰ ਗ੍ਰਿਫਤਾਰ ਕਰ ਲਿਆ ਤੇ ਗੱਡੀ ਵਿੱਚੋਂ ਉਨ੍ਹਾਂ ਨੂੰ ਹਥਿਆਰ ਤੇ ਗੋਲੀ ਸਿੱਕਾ ਬਰਾਮਦ ਹੋਇਆ|
ਇਸ ਸਬੰਧ ਵਿੱਚ ਗ੍ਰਿਫਤਾਰ ਕੀਤੇ ਗਏ ਮਿਸੀਸਾਗਾ ਦੇ 20 ਸਾਲਾਂ ਦੇ ਟਾਇਰੌਨ ਸੈਮੂਅਲਜ਼ ਨੂੰ ਸੱਤ ਚਾਰਜਿਜ਼ ਦਾ ਸਾਹਮਣਾ ਕਰਨਾ ਪਵੇਗਾ- ਸ਼ਰਾਬ ਪੀ ਕੇ ਗੱਡੀ ਚਲਾਉਣ, ਗੈਰ ਅਧਿਕਾਰਕ ਤੌਰ ਉੱਤੇ ਹਥਿਆਰ ਰੱਖਣ, ਹਥਿਆਰ ਜਮ੍ਹਾਂ ਕਰਕੇ ਰੱਖਣ ਤੇ ਪੀਸ ਆਫੀਸਰ ਦੇ ਕੰਮ ਵਿੱਚ ਰੋੜਾ ਅਟਕਾਉਣ ਆਦਿ|