ਟੋਰਾਂਟੋ, 19 ਅਕਤੂਬਰ (ਪੋਸਟ ਬਿਊਰੋ) : ਇੱਕ ਵਿਅਕਤੀ ਦੇ ਦੋ ਗੰਨਜ਼ ਨਾਲ ਘੁੰਮਦਾ ਪਾਏ ਜਾਣ ਕਾਰਨ ਐਗਲਿੰਟਨ ਐਵਨਿਊ ਵੈਸਟ ਇਲਾਕੇ ਵਿੱਚ ਸਥਿਤ ਘੱਟੋ ਘੱਟ ਸੱਤ ਸਕੂਲਾਂ ਵਿੱਚ ਦਹਿਸ਼ਤ ਵਾਲਾ ਮਾਹੌਲ ਬਣਿਆ ਰਿਹਾ|
ਇਸ ਵਿਅਕਤੀ ਨੇ ਸਵੈਟ ਦੀ ਯੂਨੀਫੌਰਮ, ਬੈਲਾਕਲਾਵਾ ਤੇ ਆਰਮੀ ਕੈਪ ਪਾਈ ਹੋਈ ਸੀ| ਅਧਿਕਾਰੀਆਂ ਨੇ ਦੱਸਿਆ ਕਿ ਪਹਿਲੀ ਕਾਲ ਸਵੇਰੇ 6:00 ਵਜੇ ਆਈ ਜਦੋਂ ਲੋਕਾਂ ਨੇ ਇੱਕ ਵਿਅਕਤੀ ਨੂੰ ਕਈ ਗੰਨਜ਼ ਨਾਲ ਇਲਾਕੇ ਵਿੱਚ ਘੁੰਮਦਿਆਂ ਵੇਖਿਆ| ਉਸੇ ਸਮੇਂ ਨੇੜਲੇ ਸਕੂਲਾਂ ਵਿੱਚ ਚੌਕਸੀ ਤੇ ਸੁਰੱਖਿਆ ਵਧਾ ਦਿੱਤੀ ਗਈ|
ਜਿਨਾਂ ਚਿਰ ਵਿਦਿਆਰਥੀ ਘਰ ਨਹੀਂ ਗਏ ਉਨਾਂ ਚਿਰ ਅਧਿਕਾਰੀ ਸਕੂਲਾਂ ਦੇ ਬਾਹਰ ਬਣੇ ਰਹੇ| ਦੁਪਹਿਰੇ 3:00 ਵਜੇ ਜਾਰੀ ਕੀਤੇ ਬਿਆਨ ਵਿੱਚ ਪੁਲਿਸ ਨੇ ਆਖਿਆ ਕਿ ਇਸ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ ਤੇ ਮਸ਼ਕੂਕ ਅਜੇ ਤੱਕ ਨਹੀਂ ਮਿਲਿਆ ਹੈ ਤੇ ਨਾ ਹੀ ਨਜ਼ਰ ਆਇਆ ਹੈ| ਟੋਰਾਂਟੋ ਪੁਲਿਸ ਨੇ ਦੂਜੇ ਟਵੀਟ ਵਿੱਚ ਆਖਿਆ ਕਿ ਜਾਂਚਕਾਰ ਚਸ਼ਮਦੀਦਾਂ ਦੀ ਇੰਟਰਵਿਊ ਲੈ ਰਹੇ ਹਨ ਤੇ ਵੀਡੀਓ ਦਾ ਮੁਲਾਂਕਣ ਕਰ ਰਹੇ ਹਨ|