ਟੋਰਾਂਟੋ, 19 ਅਕਤੂਬਰ (ਪੋਸਟ ਬਿਊਰੋ) : ਟੋਰਾਂਟੋ ਦੇ ਇੱਕ ਸਕੂਲ (ਜਿਸ ਦਾ ਨਾਂ ਨਹੀਂ ਦੱਸਿਆ ਗਿਆ) ਵਿੱਚ ਸੂਟਿੰਗਿ ਕਰਨ ਦੀ ਧਮਕੀ ਦੇਣ ਵਾਲੇ ਵਿਅਕਤੀ ਖਿਲਾਫ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ|
ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ 16 ਅਕਤੂਬਰ, ਦਿਨ ਸੁੱਕਰਵਾਰ ਨੂੰ ਮਸਕੂਕ ਸਵੇਰ ਵੇਲੇ ਆਨਲਾਈਨ ਚੈਟਿੰਗ ਕਰ ਰਿਹਾ ਸੀ ਜਦੋਂ ਉਸ ਨੇ ਦੂਜੇ ਵਿਅਕਤੀ ਨੂੰ ਦੱਸਿਆ ਕਿ ਉਸ ਕੋਲ ਗੰਨ ਹੈ ਤੇ ਉਹ ਕਿਸੇ ਸਕੂਲ ਵਿੱਚ ਸੂਟਿੰਗ ਦੀ ਘਟਨਾ ਨੂੰ ਅੰਜਾਮ ਦੇਣਾ ਚਾਹੁੰਦਾ ਹੈ|
ਇੱਕ ਰਲੀਜ ਵਿੱਚ ਪੁਲਿਸ ਨੇ ਦੱਸਿਆ ਕਿ ਜਿਹੜੇ ਸਕੂਲ ਇਸ ਵਿਅਕਤੀ ਦੇ ਕਥਿਤ ਨਿਸਾਨੇ ਉੱਤੇ ਸਨ ਉਨ੍ਹਾਂ ਦੀ ਸੇਫਟੀ ਯਕੀਨੀ ਬਣਾਉਣ ਲਈ ਅਹਿਤਿਆਤਨ ਕਦਮ ਚੁੱਕੇ ਜਾ ਰਹੇ ਹਨ ਤੇ ਪੁਲਿਸ ਅਧਿਕਾਰੀਆਂ ਵੱਲੋਂ ਆਨਲਾਈਨ ਚੈਟ ਕਰਨ ਵਾਲੇ ਵਿਅਕਤੀ ਦੀ ਪਛਾਣ ਕਰਨ ਤੇ ਉਸ ਦੇ ਥਹੁ ਟਿਕਾਣੇ ਦਾ ਪਤਾ ਲਾਉਣ ਦੀ ਕੋਸਿਸ ਕਰ ਰਹੀ ਹੈ|
ਪੁਲਿਸ ਨੇ ਆਖਿਆ ਕਿ ਕਾਫੀ ਕੋਸਿਸਾਂ ਦੇ ਬਾਵਜੂਦ ਇਸ ਵਿਅਕਤੀ ਦੀ ਪਛਾਣ ਨਹੀਂ ਹੋ ਪਾਈ ਹੈ| ਕਾਂਸਟੇਬਲ ਮੇਘਨ ਗ੍ਰੇਅ ਨੇ ਆਖਿਆ ਕਿ ਭਾਵੇਂ ਇਹ ਧਮਕੀ ਫੋਕੀ ਫੜ੍ਹ ਹੀ ਹੋਵੇ ਪਰ ਟੋਰਾਂਟੋ ਪੁਲਿਸ ਸਰਵਿਸ ਸਕੂਲਾਂ ਤੇ ਵਿਦਿਆਰਥੀਆਂ ਦੀ ਸੇਫਟੀ ਨੂੰ ਯਕੀਨੀ ਬਣਾਉਣ ਲਈ ਹਰ ਕੋਸਿਸ ਕਰ ਰਹੀ ਹੈ|