ਟੋਰਾਂਟੋ, 19 ਅਕਤੂਬਰ (ਪੋਸਟ ਬਿਊਰੋ) : ਵਰਚੂਅਲ ਲਰਨਿੰਗ ਅਪਨਾਉਣ ਵਾਲੇ ਟੋਰਾਂਟੋ ਡਿਸਟ੍ਰਿਕਟ ਸਕੂਲ ਬੋਰਡ ਦੇ 2000 ਵਿਦਿਆਰਥੀਆਂ ਨੂੰ ਅਜੇ ਵੀ ਲੈਪਟੌਪਜ਼ ਤੇ ਟੇਬਲੈੱਟਸ ਦਾ ਇੰਤਜ਼ਾਰ ਹੈ|
ਟੀਡੀਐਸਬੀ ਦੇ ਆਈ ਟੀ ਸਬੰਧੀ ਐਗਜ਼ੈਕਟਿਵ ਆਫੀਸਰ ਨੇ ਦੱਸਿਆ ਕਿ ਬੋਰਡ ਨੇ 10,000 ਨਵੀਆਂ ਡਿਵਾਇਸਿਜ਼ ਦਾ ਆਰਡਰ ਕੀਤਾ ਹੈ ਪਰ ਅਜੇ ਤੱਕ ਸਾਰੇ ਵਿਦਿਆਰਥੀਆਂ ਨੂੰ ਇਹ ਡਿਵਾਇਸਿਜ਼ ਹਾਸਲ ਨਹੀਂ ਹੋ ਪਾਈਆਂ ਹਨ| ਪੀਟਰ ਸਿੰਘ ਨੇ ਆਖਿਆ ਕਿ ਇਹ ਦੇਰ ਕ੍ਰੋਮਬੁੱਕਜ਼ ਤੇ ਆਈਪੈਡਜ਼ ਦੀ ਕੈਨੇਡਾ ਭਰ ਵਿੱਚ ਵਧੀ ਮੰਗ ਕਾਰਨ ਹੋਈ ਹੈ|
ਉਨ੍ਹਾਂ ਆਖਿਆ ਕਿ ਬੋਰਡ ਨੂੰ ਆਸ ਹੈ ਕਿ ਅਗਲੇ ਪੰਜ ਤੋਂ ਅੱਠ ਦਿਨਾਂ ਵਿੱਚ ਰਹਿੰਦੇ ਵਿਦਿਆਰਥੀਆਂ ਨੂੰ ਵੀ ਇਹ ਡਿਵਾਇਸਿਜ਼ ਮਿਲ ਜਾਣਗੀਆਂ| ਟੀਡੀਐਸਬੀ ਨੇ ਬਸੰਤ ਵਿੱਚ ਆਪਣੇ ਵਿਦਿਆਰਥੀਆਂ ਨੂੰ 60,000 ਡਿਵਾਇਸਿਜ਼ ਦਿੱਤੀਆਂ ਸਨ|