ਟੋਰਾਂਟੋ, 19 ਅਕਤੂਬਰ (ਪੋਸਟ ਬਿਊਰੋ) : ਟੋਰਾਂਟੋ ਪਬਲਿਕ ਲਾਇਬ੍ਰੇਰੀ ਦਾ ਕਹਿਣਾ ਹੈ ਕਿ ਜੀਟੀਏ ਵਿੱਚ ਉਨ੍ਹਾਂ ਦੀਆਂ ਅੱਠ ਬ੍ਰਾਂਚਿਜ਼ ਵਿੱਚ 10 ਵਿਅਕਤੀ ਕੋਵਿਡ-19 ਪਾਜ਼ੀਟਿਵ ਪਾਏ ਗਏ|
ਇੱਥੋਂ ਦੀ ਇੱਕ ਤਰਜ਼ਮਾਨ ਵੱਲੋਂ ਇਸ ਗੱਲ ਦੀ ਪੁਸ਼ਟੀ ਕੀਤੀ ਗਈ ਕਿ ਪੰਜ ਮੁਲਾਜ਼ਮਾਂ ਤੇ ਪੰਜ ਵਿਜ਼ੀਟਰਜ਼ ਨੂੰ ਮਿਲਾ ਕੇ ਇਹ 10 ਮਾਮਲੇ ਬਣੇ ਹਨ| ਇਹ ਬ੍ਰਾਂਚਾਂ ਹੇਠ ਲਿਖੀਆਂ ਹਨ :
• ਲਿਲੀਅਨ ਐਚ ਸਮਿੱਥ
• ਰਿਚਵਿਊ
• ਗਿਲਡਵੁੱਡ
• ਗੋਲਡਹਾਕ ਪਾਰਕ
• ਮਾਰੀਆ ਏ ਸਚੂਕਾ
• ਨੌਰਦਰਨ ਡਿਸਟ੍ਰਿਕਟ
• ਸੇਂਟ ਲਾਅਰੈਂਸ
• ਟੋਰਾਂਟੋ ਰੈਫਰੈਂਸ ਲਾਇਬ੍ਰੇਰੀ
ਟੀਪੀਐਲ ਦਾ ਕਹਿਣਾ ਹੈ ਕਿ ਪਿਛਲੇ ਹਫਤੇ ਕੋਈ ਵੀ ਹੋਰ ਪਾਜ਼ੀਟਿਵ ਕੇਸ ਰਿਪੋਰਟ ਨਹੀਂ ਕੀਤਾ ਗਿਆ ਹੈ ਤੇ ਇਹ ਬ੍ਰਾਂਚਾਂ ਮੁੜ ਖੁੱਲ੍ਹ ਚੁੱਕੀਆਂ ਹਨ| ਲਾਇਬ੍ਰੇਰੀ ਦਾ ਕਹਿਣਾ ਹੈ ਕਿ ਬਹੁਤੇ ਮਾਮਲਿਆਂ ਵਿੱਚ ਪਾਜ਼ੀਟਿਵ ਆਉਣ ਵਾਲੇ ਮੁਲਾਜ਼ਮਾਂ ਨੂੰ 14 ਦਿਨਾਂ ਲਈ ਘਰ ਹੀ ਰਹਿਣ ਦੀ ਸਲਾਹ ਦਿੱਤੀ ਜਾਂਦੀ ਹੈ|