* ਵਿਰੋਧੀ ਧਿਰ ਦੇ ਆਗੂਆਂ ਨੂੰ ਇਮਰਾਨ ਵੀ ਸਿੱਧਾ ਹੋ ਨਿਕਲਿਆ
ਇਸਲਾਮਾਬਾਦ, 18 ਅਕਤੂਬਰ, (ਪੋਸਟ ਬਿਊਰੋ)- ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਦੀ ਜ਼ਬਾਨੀ ਜੰਗ ਨਿੱਜੀ ਦੂਸ਼ਣਬਾਜ਼ੀ ਦੀਆਂ ਹੱਦਾਂ ਟੱਪਣ ਲੱਗ ਪਈ ਹੈ।
ਇਸ ਵਾਰ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਉੱਤੇ ਉਸ ਦੇ ਇੱਕ ਬਿਆਨਕਾਰਨ ਨਿਸ਼ਾਨਾ ਸਾਧਿਆ ਹੈ। ਨਵਾਜ਼ ਸ਼ਰੀਫ ਨੇ ਇੱਕ ਦਿਨ ਪਹਿਲਾਂ ਫੌਜ ਦੇ ਮੌਜੂਦਾ ਮੁਖੀ ਵੱਲੋਂ ਪਾਰਲੀਮੈਂਟ ਚੋਣਾਂ ਵਿਚ ਦਖਲ ਦੇਣ ਅਤੇ ਦੇਸ਼ ਵਿਚਇਮਰਾਨ ਖਾਨ ਦੀ ਅਗਵਾਈ ਹੇਠ ਕਠਪੁਤਲੀ ਸਰਕਾਰ ਬਣਵਾਉਣ ਦਾ ਦੋਸ਼ ਲਾਇਆ ਸੀ।ਪਾਕਿਸਤਾਨ ਮੁਸਲਿਮ ਲੀਗ (ਨਵਾਜ਼) ਦੇ ਨੇਤਾ ਨਵਾਜ਼ ਸ਼ਰੀਫ ਨੂੰ ਭ੍ਰਿਸ਼ਟਾਚਾਰ ਦੇ ਦੋਸ਼ ਵਿਚ ਇੱਕ ਅਦਾਲਤ ਨੇ 2017 ਵਿਚ ਅਹੁਦੇ ਤੋਂ ਲਾਹ ਦਿੱਤਾ ਸੀ। ਉਸ ਦੇ ਬਾਅਦਨਵਾਜ਼ ਸ਼ਰੀਫ (70 ਸਾਲ) ਨੇ ਪਰਸੋਂ ਪਹਿਲੀ ਵਾਰ ਆਪਣੇ ਦੇਸ਼ ਦੀ ਫੌਜ ਦੇ ਮੁਖੀ ਜਨਰਲ ਕਮਰ ਜਾਵੇਦ ਬਾਜਵਾ ਤੇ ਖੁਫੀਆ ਏਜੰਸੀ ਆਈ ਐੱਸ ਆਈ ਦੇ ਮੁਖੀ ਲੈਫਟੀਨੈਟ ਜਨਰਲ ਫੈਜ਼ ਹਮੀਦ ਦਾ ਨਾਮ ਲੈ ਕੇ ਦੋਸ਼ ਲਾਏ ਸਨ। ਖਬਰ ਏਜੰਸੀਆਂ ਦੇ ਮੁਤਾਬਕ ਨਵਾਜ਼ ਸ਼ਰੀਫ ਨੇ ਕਿਹਾ ਸੀ ਕਿ ਦੇਸ਼ ਦੀ ਫੌਜ ਦੇ ਮੁਖੀ ਜਨਰਲ ਕਮਰ ਜਾਵੇਦ ਬਾਜਵਾ ਅਤੇ ਆਈ ਐੱਸ ਆਈ ਦੇ ਮੁਖੀ ਲੈਫਟੀਨੈਂਟ ਜਨਰਲ ਫੈਜ਼ ਹਮੀਦ ਦੋਵਾਂ ਨੇ ਸਾਲ 2018 ਦੀਆਂ ਚੋਣਾਂ ਵਿਚ ਦਖਲ ਦੇ ਕੇ ਇਮਰਾਨ ਖਾਨ ਨੂੰ ਪਾਰਲੀਮੈਂਟ ਚੋਣਾਂ ਵਿੱਚ ਜਿੱਤ ਦਿਵਾਈ ਸੀ।
ਨਵਾਜ਼ ਸ਼ਰੀਫ ਦੇ ਇਸ ਬਿਆਨਦੇ ਬਾਅਦ ਉਸ ਨੂੰ ਜਵਾਬ ਦਿੰਦੇ ਹੋਏ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਕਿਹਾ ਹੈ ਕਿ ਨਵਾਜ਼ ਸ਼ਰੀਫ ਖੁਦ ਫੌਜੀ ਰਾਸ਼ਟਰਪਤੀ ਜਨਰਲ ਜਿ਼ਆ ਉਲ ਹੱਕ ਦੇ ਬੂਟ ਸਾਫ ਕਰ ਕੇ ਇਸ ਦੇਸ਼ ਦੀ ਸੱਤਾ ਵਿਚ ਆਏ ਸਨ। ਵਰਨਣ ਯੋਗ ਹੈ ਕਿ ਨਵਾਜ਼ ਸ਼ਰੀਫ 1980 ਦੇ ਦਹਾਕੇ ਵਿਚ ਜਦੋਂ ਸੱਤਾ ਵਿਚ ਆਏ ਤਾਂ ਓਦੋਂ ਜਨਰਲ ਜਿ਼ਆ ਉਲ ਹੱਕ ਨੇ ਇਸ ਦੇਸ਼ ਵਿਚ ਮਾਰਸ਼ਲ ਲਾਅ ਲਾਇਆ ਹੋਇਆ ਸੀ। ਉਸ ਸਮੇਂ ਦੌਰਾਨ ਹੀ ਨਵਾਜ਼ ਸ਼ਰੀਫ ਪਾਕਿ ਪੰਜਾਬ ਦੀ ਰਾਜਨੀਤੀ ਵਿੱਚ ਇੱਕ ਵੱਡੇ ਆਗੂ ਵਜੋਂ ਸਾਹਮਣੇ ਆਏ ਤੇ ਕੌਮੀ ਰਾਜਨੀਤੀ ਵਿੱਚ ਪਹੁੰਚੇ ਸਨ।
ਇਮਰਾਨ ਖਾਨ ਨੇ ਕਿਹਾ ਕਿ ਨਵਾਜ਼ ਸ਼ਰੀਫ ਨੇ ਪਾਕਿਸਤਾਨੀ ਫੌਜ ਦੇ ਖਿਲਾਫ਼ ਅਪਮਾਨਜਨਕ ਸ਼ਬਦਾਂ ਦੀ ਵਰਤੋਂਉਸ ਵੇਲੇ ਕੀਤੀ ਹੈ, ਜਦੋਂ ਫੌਜ ਆਪਣੇ ਦੇਸ਼ ਲਈ ਜਾਨ ਕੁਰਬਾਨ ਕਰਦੀ ਪਈ ਹੈ। ਉਸ ਨੇ ਕਿਹਾ, ‘ਫੌਜੀ ਆਪਣੀ ਜਾਨ ਕਿਉਂ ਕੁਰਬਾਨ ਕਰਦੇ ਹਨ, ਸਾਡੇ ਲਈ, ਦੇਸ਼ ਲਈ ਅਤੇ ਇਹ ਆਪਣੀ ਜਾਨ ਬਚਾ ਕੇ ਭੱਜਣ ਵਾਲਾ ਗਿੱਦੜ ਉਸ ਫੌਜ ਅਤੇ ਆਈ ਐੱਸ ਆਈ ਦੇ ਮੁਖੀਆਂ ਲਈ ਭੱਦੀ ਭਾਸ਼ਾ ਦੀ ਵਰਤੋਂਕਰਦਾ ਪਿਆ ਹੈ।’ ਇਮਰਾਨ ਖਾਨ ਨੇ ਦੋਸ਼ ਲਾਇਆ ਕਿ ਨਵਾਜ਼ ਸ਼ਰੀਫ ਨੂੰ ਸਾਲ 1980 ਦੇ ਦਹਾਕੇ ਦੇ ਅਖੀਰ ਵਿਚ ਮੀਰਨ ਬੈਕ ਤੋਂ ਪਾਕਿਸਤਾਨ ਪੀਪਲਜ਼ ਪਾਰਟੀ ਦੀ ਨੇਤਾ ਬੇਨਜ਼ੀਰ ਭੁੱਟੋ ਦੇ ਖਿਲਾਫ਼ ਚੋਣ ਲੜਨ ਲਈ ਕਰੋੜਾਂ ਰੁਪਏ ਦਿੱਤੇ ਗਏ ਸਨ। ਇਮਰਾਨ ਖਾਨ ਨੇ ਸਖਤ ਬੋਲੀ ਵਿਚ ਕਿਹਾ ਕਿ ਇਹ ਨਵਾਜ਼ ਸ਼ਰੀਫ ਉਹੀ ਹੈ, ਜਿਸ ਨੇ ਪਾਕਿਸਤਾਨ ਪੀਪਲਜ਼ ਪਾਰਟੀ ਦੇ ਕੋ-ਪ੍ਰੈਜ਼ੀਡੈਂਟ ਆਸਿਫ ਅਲੀ ਜ਼ਰਦਾਰੀ ਨੂੰਦੋ ਵਾਰ ਜੇਲ੍ਹ ਵਿਚ ਭੇਜਿਆ ਅਤੇਅੱਜ ਵਿਰੋਧੀ ਧਿਰ ਵੱਲੋਂ ਬੋਲਣ ਵਾਲਾ ਜ਼ਰਦਾਰੀ ਵੀ ਉਹੀ ਹੈ, ਜਿਸ ਨੇ ਨਵਾਜ਼ ਸ਼ਰੀਫ ਦੇ ਖਿਲਾਫ਼ ਪੇਪਰ ਮਿੱਲਜ਼ ਸਾਹਮਣੇ ਲਿਆਂਦਾ ਸੀ, ਫੌਜੀ ਜਨਰਲ ਬਾਜਵਾ ਨੇ ਤਾਂ ਕੁਝ ਵੀ ਨਹੀਂ ਕੀਤਾ।