ਕੁਝ ਦਿਨ ਪਹਿਲਾਂ ਤੱਕ ਸਿਧਾਰਥ ਮਲਹੋਤਰਾ ਦਾ ਅਫੇਅਰ ਆਲੀਆ ਭੱਟ ਨਾਲ ਮੰਨਿਆ ਜਾਂਦਾ ਸੀ। ਇਥੋਂ ਤੱਕ ਕਿ ਉਨ੍ਹਾਂ ਦੇ ਕਰੀਬੀ ਦੋਸਤ ਵਰੁਣ ਧਵਨ ਵੀ ਇੱਕ ਦੋ ਵਾਰ ਆਲੀਆ ਨੂੰ ਭਾਬੀ ਕਹਿ ਕੇ ਖਿਚਾਈ ਕਰ ਚੁੱਕੇ ਹਨ। ਕਿਹਾ ਜਾਂਦਾ ਹੈ ਕਿ ਕਰਣ ਜੌਹਰ ਦੀ ਕੰਪਨੀ ਵਿੱਚ ਬਣੀ ਫਿਲਮ ‘ਕਪੂਰ ਐਂਡ ਸੰਸ’ ਵਿੱਚ ਆਲੀਆ ਨੇ ਸਿਰਫ ਸਿਧਾਰਥ ਦੇ ਲਈ ਕੰਮ ਕੀਤਾ ਸੀ, ਪਰ ਇਸ ਦੇ ਬਾਅਦ ਦੋਵਾਂ ਦੇ ਰਿਸ਼ਤਿਆਂ ਵਿੱਚ ਗਿਰਾਵਟ ਆਉਂਦੀ ਚਲੀ ਗਈ ਅਤੇ ਆਲੀਆ ਦੀ ਜ਼ਿੰਦਗੀ ਵਿੱਚ ਰਣਬੀਰ ਕਪੂਰ ਦੀ ਐਂਟਰੀ ਹੋ ਗਈ।
ਸਿਧਾਰਥ ਦੀ ਜ਼ਿੰਦਗੀ ਇੱਕ ਗੈਪ ਦੇ ਬਾਅਦ ਫਿਰ ਹਰੀ ਭਰੀ ਮੰਨੀ ਜਾ ਰਹੀ ਹੈ ਅਤੇ ਉਸ ਦੇ ਦੋਸਤ ਮੰਨਦੇ ਹਨ ਕਿ ਉਨ੍ਹਾਂ ਨੂੰ ਕੋਈ ਅਜਿਹੀ ਮਿਲ ਗਈ ਹੈ, ਜਿਸ ਨੂੰ ਉਹ ਆਪਣੇ ਦੋਸਤਾਂ ਵਿੱਚ ‘ਵੀ ਆਰ ਜਸਟ ਫਰੈਂਡਸ’ ਤੋਂ ਅੱਗੇ ਜਾ ਕੇ ਮਿਲਵਾਉਂਦੇ ਹਨ। ਸਿਧਾਰਥ ਦੀ ਇਹ ਨਵੀਂ ਦੋਸਤ ਹੀਰੋਇਨ ਹੈ ਅਤੇ ਇਸੇ ਸਾਲ ਉਸ ਦੇ ਨਾਲ ਕੰਮ ਕਰ ਚੁੱਕੀ ਹੈ। ਸਿਧਾਰਥ ਦੀ ਜ਼ਿੰਦਗੀ ਵਿੱਚ ਹੁਣ ਰਕੁਲਪ੍ਰੀਤ ਦੀ ਐਂਟਰੀ ਮੰਨੀ ਜਾ ਰਹੀ ਹੈ।