ਓਨਟਾਰੀਓ, 16 ਸਤੰਬਰ (ਪੋਸਟ ਬਿਊਰੋ) : ਪੈਮਬ੍ਰੋਕ, ਓਨਟਾਰੀਓ ਦੇ ਹਾਈ ਸਕੂਲ ਵਿੱਚ ਕੋਵਿਡ-19 ਦੇ ਤਿੰਨ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਇਸ ਨੂੰ ਬੰਦ ਕਰ ਦਿੱਤਾ ਗਿਆ|
ਫੈਲੋਅਜ਼ ਹਾਈ ਸਕੂਲ ਵਿਖੇ ਇਨ੍ਹਾਂ ਤਾਜ਼ਾ ਮਾਮਲਿਆਂ ਦੀ ਪੁਸ਼ਟੀ ਬੁੱਧਵਾਰ ਨੂੰ ਹੋਈ ਤੇ ਇਹ ਦੋ ਪਹਿਲਾਂ ਵਾਲੇ ਕੇਸਾਂ ਨਾਲ ਵੀ ਸਬੰਧਤ ਪਾਈ ਗਈ| ਇਸ ਤੋਂ ਬਾਅਦ ਰੈਨਫਰਿਊ ਕਾਊਂਟੀ ਤੇ ਡਿਸਟ੍ਰਿਕਟ ਹੈਲਥ ਯੂਨਿਟ (ਆਰਸੀਡੀਐਚਯੂ) ਚੀਫ ਮੈਡੀਕਲ ਆਫੀਸਰ ਆਫ ਹੈਲਥ ਵੱਲੋਂ ਸਕੂਲ ਨੂੰ ਤੁਰੰਤ ਬੰਦ ਕਰਨ ਦੇ ਹੁਕਮ ਦਿੱਤੇ ਗਏ|
ਇਹ ਸਕੂਲ ਅਗਲੇ ਹੁਕਮਾਂ ਤੱਕ ਬੰਦ ਰਹੇਗਾ ਤੇ ਸਿਰਫ ਜਨਤਾ ਦੀ ਮਨਜ਼ੂਰੀ ਤੋਂ ਬਾਅਦ ਹੀ ਖੋਲ੍ਹਿਆ ਜਾਵੇਗਾ| ਰੈਨਫਰਿਊ ਕਾਊਂਟੀ ਡਿਸਟ੍ਰਿਕਟ ਸਕੂਲ ਬੋਰਡ ਵੱਲੋਂ ਜਾਰੀ ਰਲੀਜ਼ ਅਨੁਸਾਰ ਕੋਈ ਵੀ ਵਿਦਿਆਰਥੀ ਜਾਂ ਸਟਾਫ, ਜਿਹੜਾ ਇਸ ਦੌਰਾਨ ਐਕਸਪੋਸ ਹੋਇਆ ਹੈ, ਨਾਲ ਪਬਲਿਕ ਹੈਲਥ ਸਿੱਧੇ ਤੌਰ ਉੱਤੇ ਸੰਪਰਕ ਕਰੇਗੀ|