ਟਾਈਗਰ ਸ਼ਰਾਫ ਰਿਤਿਕ ਰੋਸ਼ਨ ਦੇ ਨਾਲ ਫਿਲਮ ਕਰਨ ਵਾਲਾ ਹੈ। ਇਹ ਇੱਕ ਐਕਸ਼ਨ ਫਿਲਮ ਹੋਵੇਗੀ, ਜਿਸ ਦਾ ਨਿਰਦੇਸ਼ਨ ਸਿਧਾਰਥ ਆਨੰਦ ਕਰਨਗੇ। ਫਿਲਮ ਵਿੱਚ ਵਾਣੀ ਕਪੂਰ ਹੋਵੇਗੀ। ਰਿਤਿਕ ਨਾਲ ਫਿਲਮ ਬਾਰੇ ਟਾਈਗਰ ਨੇ ਕਿਹਾ, ‘‘ਮੈਂ ਉਨ੍ਹਾਂ ਨਾਲ ਕੰਮ ਕਰਨ ਨੂੰ ਲੈ ਕੇ ਕਾਫੀ ਉਤਸ਼ਾਹਤ ਹਾਂ। ਮੈਂ ਲੱਕੀ ਹਾਂ ਕਿ ਮੈਨੂੰ ਉਨ੍ਹਾਂ ਨਾਲ ਕੰਮ ਕਰਨ ਦਾ ਮੌਕਾ ਇੰਨੀ ਜਲਦੀ ਮਿਲ ਗਿਆ। ਉਹ ਮੇਰੇ ਆਈਡੀਅਲ ਹਨ। ਜੋ ਕੁਝ ਵੀ ਮੈਂ ਅੱਜ ਹਾਂ, ਉਸ ਵਿੱਚ ਉਨ੍ਹਾਂ ਦਾ ਬਹੁਤ ਵੱਡਾ ਯੋਗਦਾਨ ਹੈ। ਮੈਂ ਉਨ੍ਹਾਂ ਨੂੰ ਦੇਖਦੇ ਹੋਏ ਹੀ ਵੱਡਾ ਹੋਇਾ ਹਾਂ। ਮੈਂ ਆਪਣੇ ਆਪ ਨੂੰ ਬਹੁਤ ਤਿਆਰ ਕਰਨਾ ਹੈ। ਉਹ ਬਹੁਤ ਮਿਹਨਤੀ ਐਕਟਰ ਹਨ। ਉਹ ਆਪਣਾ 100 ਫੀਸਦੀ ਦਿੰਦੇ ਹਨ ਤਾਂ ਉਨ੍ਹਾਂ ਦੀ ਬਰਾਬਰੀ ਕਰਨ ਲਈ ਮੈਨੂੰ 200-300 ਫੀਸਦੀ ਦੇਣਾ ਹੋਵੇਗਾ। ਭਾਵੇਂ ਮੈਨੰ ਪਤਾ ਹੈ ਕਿ ਮੈਂ ਕਦੇ ਉਨ੍ਹਾਂ ਦੀ ਬਰਾਬਰੀ ਨਹੀਂ ਕਰ ਸਕਾਂਗਾ।”
ਦੋਵਾਂ ਦੀ ਇੱਕ ਹੋਰ ਫਿਲਮ ਦੀ ਗੱਲ ਕਰੀਏ ਤਾਂ ਟਾਈਗਰ ਇਨ੍ਹੀਂ ਦਿਨੀਂ ਆਪਣੀ ਫਿਲਮ ‘ਸਟੂਡੈਂਟ ਆਫ ਦਿ ਈਅਰ 2’ ਵਿੱਚ ਬਿਜ਼ੀ ਹਨ ਅਤੇ ਰਿਤਿਕ ਫਿਲਮ ‘ਸੁਪਰ 30’ ਨਾਂਅ 'ਤੇ ਆਨੰਦ ਕੁਮਾਰ 'ਤੇ ਬਣ ਰਹੀ ਬਾਇਓਪਿਕ ਕਰ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਦੋਵੇਂ ਅਭਿਨੇਤਾ ਬਹੁਤ ਕਮਾਲ ਦੇ ਡਾਂਸਰ ਹਨ ਅਤੇ ਦਰਸ਼ਕ ਉਨ੍ਹਾਂ ਦੇ ਡਾਂਸ ਦੇ ਕਾਰਨ ਹੀ ਉਨ੍ਹਾਂ ਦੀਆਂ ਫਿਲਮਾਂ ਦੇਖਦੇ ਹਨ।