ਸਿਆਟਲ, 14 ਅਗਸਤ (ਪੋਸਟ ਬਿਊਰੋ)- ਅਮਰੀਕਾ ਦੀ ਡੋਨਲਾਡ ਟਰੰਪ ਸਰਕਾਰ ਨੇ ਕੱਲ੍ਹ ਐਚ-1ਬੀ ਵੀਜ਼ਾ ਧਾਰਕਾਂ ਨੂੰ ਅਮਰੀਕਾ ਆਉਣ ਲਈ ਸ਼ਰਤਾਂ ਤਹਿਤ ਢਿੱਲ ਦੇ ਦਿੱਤੀ ਹੈ।
ਟਰੰਪ ਸਰਕਾਰ ਨੇ ਆਪਣੇ ਨਿਯਮਾਂ 'ਚ ਕੁਝ ਬਦਲਾਅ ਕੀਤਾ ਹੈ, ਜਿਸ ਨਾਲ ਐਚ-1ਬੀ ਵੀਜ਼ਾ ਧਾਰਕ ਸ਼ਰਤਾਂ ਪੂਰੀਆਂ ਕਰ ਕੇ ਅਮਰੀਕਾ ਆ ਸਕਦੇ ਹਨ। ਮਿਲੀ ਜਾਣਕਾਰੀ ਅਨੁਸਾਰ ਵਿਦੇਸ਼ ਵਿਭਾਗ ਨੇ ਕਿਹਾ ਹੈ ਕਿ ਜੇਕਰ ਵੀਜ਼ਾ ਧਾਰਕ ਵੀਜ਼ਾ ਪਾਬੰਦੀ ਤੋਂ ਪਹਿਲਾਂ ਵਾਲੀ ਉਸੇ ਨੌਕਰੀ 'ਤੇ ਆ ਰਹੇ ਹਨ ਤਾਂ ਉਨ੍ਹਾਂ ਨੂੰ ਅਮਰੀਕਾ ਆਉਣ ਦੀ ਆਗਿਆ ਹੋਵੇਗੀ। ਅਧਿਕਾਰੀਆਂ ਨੇ ਕਿਹਾ ਕਿ ਨਿਰਭਰ ਪਤੀ/ ਪਤਨੀ ਅਤੇ ਬੱਚੇ ਨੂੰ ਪ੍ਰਾਇਮਰੀ ਵੀਜ਼ਾ ਧਾਰਕਾਂ ਦੇ ਨਾਲ ਆਉਣ ਦੀ ਆਗਿਆ ਹੋਵੇਗੀ। ਪ੍ਰਸ਼ਾਸਨ ਦੇ ਤਕਨੀਕੀ ਮਾਹਿਰ, ਸੀਨੀਅਰ ਪੱਧਰ ਦੇ ਪ੍ਰਬੰਧਕਾਂ ਅਤੇ ਹੋਰ ਜ਼ਰੂਰੀ ਕਰਮਚਾਰੀਆਂ ਨੂੰ ਵੀ ਅਮਰੀਕਾ ਆਉਣ ਦੀ ਇਜਾਜ਼ਤ ਦਿੱਤੀ ਗਈ ਹੈ, ਜਿਨ੍ਹਾਂ ਕੋਲ੍ਹ ਐਚ-1ਬੀ ਵੀਜ਼ਾ ਮੌਜੂਦ ਹੈ ਅਤੇ ਅਮਰੀਕਾ 'ਚ ਉਨ੍ਹਾਂ ਦੀ ਆਰਥਿਕ ਸੁਧਾਰਾਂ ਲਈ ਸਖ਼ਤ ਜ਼ਰੂਰਤ ਹੈ। ਪ੍ਰਸ਼ਾਸਨ ਨੇ ਉਨ੍ਹਾਂ ਵੀਜ਼ਾ ਧਾਰਕਾਂ ਨੂੰ ਵੀ ਅਮਰੀਕਾ ਆਉਣ ਦੀ ਆਗਿਆ ਦੇ ਦਿੱਤੀ ਹੈ ਜੋ ਜਨ-ਸਿਹਤ ਜਾਂ ਸਿਹਤ ਸੰਭਾਲ ਦੇ ਪੇਸ਼ੇਵਰ ਵਜੋਂ ਕੰਮ ਕਰ ਰਹੇ ਹਨ ਜਾਂ ਸਿਹਤ ਲਈ ਖੋਜਕਰਤਾ ਹਨ ਜਾਂ ਕੋਵਿਡ-19 ਮਹਾਂਮਾਰੀ ਦੇ ਪ੍ਰਭਾਵਾਂ ਨੂੰ ਘਟਾਉਣ ਲਈ ਜਾਂ ਕਿਸੇ ਜਨਤਕ ਸਿਹਤ ਲਾਭ ਦੇ ਖੇਤਰ 'ਚ ਡਾਕਟਰੀ ਖੋਜਾਂ ਲਈ ਕੰਮ ਕਰਦੇ ਹਨ। ਇਸ ਦੇ ਨਾਲ ਅਮਰੀਕੀ ਸਰਕਾਰੀ ਏਜੰਸੀ ਜਾਂ ਇਕਾਈ ਦੀ ਸਹਿਯੋਗੀ ਅਮਰੀਕੀ ਵਿਦੇਸ਼ ਨੀਤੀ ਦੇ ਉਦੇਸ਼ਾਂ ਨੂੰ ਪੂਰਾ ਕਰਨ ਜਾਂ ਸੰਧੀ ਜਾਂ ਸਮਝੌਤੇ ਦੀਆਂ ਜ਼ਿੰਮੇਵਾਰੀਆਂ ਨੂੰ ਪੂਰਾ ਕਰਨ ਲਈ ਸਹਿਯੋਗੀ ਹੈ, ਇਸ 'ਚ ਉਹ ਵੀਜ਼ਾ ਧਾਰਕ ਅਮਲ ਹੋਣਗੇ ਜੋ ਰੱਖਿਆ ਵਿਭਾਗ ਜਾਂ ਕਿਸੇ ਹੋਰ ਅਮਰੀਕੀ ਸਰਕਾਰੀ ਏਜੰਸੀ ਦੁਆਰਾ ਪਛਾਣੇ ਜਾਂਦੇ ਹਨ, ਖੋਜ ਕਰ ਰਹੇ ਹਨ ਅਤੇ ਆਈ ਟੀ ਸਹਾਇਤਾ ਸੇਵਾਵਾਂ ਪ੍ਰਦਾਨ ਕਰਦੇ ਹਨ ਜਾਂ ਕਿਸੇ ਹੋਰ ਸਰਕਾਰੀ ਪ੍ਰਾਜੈਕਟ ਨੂੰ ਕਿਸੇ ਅਮਰੀਕੀ ਸਰਕਾਰੀ ਏਜੰਸੀ ਲਈ ਜ਼ਰੂਰੀ ਹਨ, ਉਹ ਵੀ ਅਮਰੀਕਾ ਆ ਸਕਦੇ ਹਨ।