ਜਦ ਤੋਂ ਸੁਸ਼ਮਿਤਾ ਸੇਨ ਦੇ ਡੈਬਿਊ ਵੈੱਬ ਸ਼ੋਅ ‘ਆਰਿਆ’ ਦੇ ਸੈਕਿੰਡ ਸੀਜ਼ਨ ਦੀ ਅਨਾਊਂਸਮੈਂਟ ਹੋਈ ਹੈ, ਤਦ ਤੋਂ ਦਰਸ਼ਕਾਂ ਨੂੰ ਇਸ ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੈ। ਇਹ ਸੈਕਿੰਡ ਵਰਜਨ ‘ਆਰਿਆ’ ਦਾ ਐਨੀਮੇਟਿਡ ਵਰਜਨ ਹੋਵੇਗਾ ਜਿਸ ਵਿੱਚ ਐਕਟਰ ਸ਼ਰਦ ਕੇਲਕਰ ਦੀ ਆਵਾਜ਼ ਸੁਣਨ ਨੂੰ ਮਿਲੇਗੀ।
ਗੌਰਤਲਬ ਹੈ ਕਿ ਸ਼ਰਦ ਮਸ਼ਹੂਰ ਵਾਇਸ ਆਰਟਿਸਟ ਹਨ ਤੇ ਹਾਲੀਵੁੱਡ ਦੀਆਂ ਕਈ ਫਿਲਮਾਂ ਦੇ ਹਿੰਦੀ ਵਰਜਨ ਵਿੱਚ ਆਪਣੀ ਆਵਾਜ਼ ਦੇ ਚੁੱਕੇ ਹਨ। ਸ਼ਰਦ ਕਹਿੰਦੇ ਹਨ, ‘ਆਰਿਆ' ਦੇ ਐਨੀਮੇਟਿਡ ਵਰਜਨ 'ਤੇ ਕੰਮ ਕਰਦੇ ਸਮੇਂ ਉਹ ‘ਬਾਹੂਬਲੀ’ ਦੇ ਦੌਰ ਵਿੱਚ ਪਹੁੰਚ ਗਏ ਸਨ ਜਿੱਥੇ ਉਨ੍ਹਾਂ ਨੇ ਫਿਲਮ ਦੇ ਮੁੱਖ ਕਿਰਦਾਰ ਦੀ ਹਿੰਦੀ ਡਬਿੰਗ ਕੀਤੀ ਸੀ।