ਮ੍ਰਿਣਾਲ ਠਾਕੁਰ ਆਉਂਦੇ ਦਿਨਾਂ ਵਿੱਚ ਫਿਲਮ ‘ਤੂਫਾਨ’ ਅਤੇ ‘ਅੱਖ ਮਿਚੌਲੀ’ ਵਿੱਚ ਅਭਿਨੇਤਾ ਪਰੇਸ਼ ਰਾਵਲ ਦੇ ਨਾਲ ਨਜ਼ਰ ਆਏਗੀ। ਉਹ ਪਰੇਸ਼ ਨੂੰ ਪ੍ਰਤਿਭਾ ਦਾ ਅਜਿਹਾ ਗੁਲਦਸਤਾ ਮੰਨਦੀ ਹੈ ਜਿਸ ਵਿੱਚ ਕਲਾ ਦੇ ਸਾਰੇ ਫੁੱਲ ਹਨ। ਮ੍ਰਿਣਾਲ ਨੇ ਇੰਸਟਾਗ੍ਰਾਮ ਲਾਈਵ 'ਤੇ ਪ੍ਰਸ਼ੰਸਕਾਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ, ‘‘ਪਰੇਸ਼ ਸਰ ਪ੍ਰਤਿਭਾ ਦੇ ਭੰਡਾਰ ਹਨ। ਪਹਿਲੀ ਵਾਰ ਉਨ੍ਹਾਂ ਨਾਲ ਸੈੱਟ 'ਤੇ ਸ਼ੂਟਿੰਗ ਸਮੇਂ ਮੇਰੇ ਦਿਮਾਗ ਵਿੱਚ ਉਨ੍ਹਾਂ ਦਾ ਬਾਬੂ ਭਈਆ (ਫਿਲਮ ‘ਹੇਰਾਫੇਰੀ’ ਵਿੱਚ ਉਨ੍ਹਾਂ ਦਾ ਕਿਰਦਾਰ) ਵਾਲਾ ਅਕਸ ਹਟ ਨਹੀਂ ਰਿਹਾ ਸੀ। ਸ਼ੁਰੂ-ਸ਼ੁਰੂ ਵਿੱਚ ਉਨ੍ਹਾਂ ਨੂੰ ਬੁਲਾਉਂਦੇ ਸਮੇਂ ਮੇਰੇ ਮੂੰਹ 'ਚੋਂ ਬਾਬੂ ਭਈਆ ਹੀ ਨਿਕਲਦਾ ਸੀ।
ਮ੍ਰਿਣਾਲ ਇੱਕ ਦੇ ਬਾਅਦ ਇੱਕ ਲਗਾਤਾਰ ਦੋ ਫਿਲਮਾਂ ਵਿੱਚ ਪਰੇਸ਼ ਦੇ ਨਾਲ ਕੰਮ ਕਰ ਕੇ ਖੁਦ ਨੂੰ ਖੁਸ਼ਕਿਸਮਤ ਮੰਨਦੀ ਹੈ। ਉਸ ਨੇ ਦੱਸਿਆ ਕਿ ਸੈੱਟ 'ਤੇ ਦੋਵਾਂ ਦੀ ਖੂਬ ਗਪਸ਼ਪ ਹੁੰਦੀ ਸੀ। ਪਰੇਸ਼ ਰਾਵਲ ਨਾਲ ਕੰਮ ਕਰਦੇ ਹੋਏ ਉਸ ਨੇ ਸੀਨ ਵਿੱਚ ਸੁਧਾਰ ਕਰਨਾ ਸਿਖਿਆ ਹੈ। ਉਸ ਦੇ ਮੁਤਾਬਕ ਪਰੇਸ਼ ਮਿੰਟਾਂ ਵਿੱਚ ਕਿਸੇ ਸੀਨ ਵਿੱਚ ਸੁਧਾਰ ਕਰਦੇ ਹਨ। ਉਹ ਸੈੱਟ 'ਤੇ ਵੱਖ-ਵੱਖ ਕਿਤਾਬਾਂ ਤੇ ਨਾਟਕਾਂ ਦੀ ਮਿਸਾਲ ਦੇ ਕੇ ਉਨ੍ਹਾਂ ਨੂੰ ਸੀਨ ਵਿੱਚ ਸਹੀ ਤਰੀਕੇ ਨਾਲ ਪ੍ਰਫਾਰਮ ਕਰਨ ਵਿੱਚ ਮਦਦ ਕਰਦੇ। ਇਸ ਦੇ ਬਦਲੇ ਮ੍ਰਿਣਾਲ ਆਈ ਡੀ ਬਣਾਉਣ ਅਤੇ ਪਾਸਵਰਡ ਰਿਕਵਰ ਕਰਨ ਵਰਗੇ ਤਕਨੀਕੀ ਮਾਮਲਿਆਂ ਵਿੱਚ ਪਰੇਸ਼ ਦੀ ਮਦਦ ਕਰਦੀ। ‘ਤੂਫਾਨ’ ਅਤੇ ‘ਅੱਖ ਮਿਚੌਲੀ’ ਦੇ ਇਲਾਵਾ ਮ੍ਰਿਣਾਲ ਸ਼ਾਹਿਦ ਕਪੂਰ ਦੇ ਨਾਲ ਫਿਲਮ ‘ਜਰਸੀ’ ਵਿੱਚ ਨਜ਼ਰ ਆਏਗੀ।