ਐਡਮੰਟਨ, 13 ਅਗਸਤ (ਪੋਸਟ ਬਿਊਰੋ) : ਕਲੀਅਰਵਾਟਰ ਕਾਊਂਟੀ, ਅਲਬਰਟਾ ਵਿੱਚ ਕ੍ਰੀਸੈਂਟ ਫਾਲਜ਼ ਵਿੱਚ ਸਵਿਮਿੰਗ ਕਰਨ ਸਮੇਂ ਤਿੰਨ ਵਿਅਕਤੀਆਂ ਦੀ ਡੁੱਬਣ ਕਾਰਨ ਮੌਤ ਹੋ ਗਈ|
ਆਰਸੀਐਮਪੀ ਅਨੁਸਾਰ ਸਵਿਮਿੰਗ ਕਰਦੇ ਸਮੇਂ ਇੱਕ ਬਾਲਗ ਝਰਨੇ ਦੇ ਹੇਠਾਂ ਵਹਿ ਗਿਆ ਅਤੇ ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਦੇ ਹੋਏ ਦੋ ਹੋਰ ਲੋਕ ਉਸ ਦੇ ਪਿੱਛੇ ਪਾਣੀ ਦੇ ਬਹਾਅ ਨਾਲ ਵਹਿ ਗਏ| ਕਿਨਾਰੇ ਉੱਤੇ ਖੜ੍ਹੇ ਤਿੰਨ, ਛੇ ਅਤੇ ਦਸ ਸਾਲਾਂ ਦੇ ਬੱਚਿਆਂ ਨੇ ਫੋਨ ਕਰਕੇ ਮਦਦ ਮੰਗਵਾਈ| ਐਮਰਜੰਸੀ ਅਮਲਾ ਰਾਤੀਂ 8:00 ਵਜੇ ਪਹੁੰਚਿਆ| ਪਰ ਉੱਥੋਂ ਸਿਰਫ ਦੋ ਵਿਅਕਤੀਆਂ ਦੀਆਂ ਲਾਸ਼ਾਂ ਹੀ ਮਿਲ ਸਕੀਆਂ| ਤੀਜੀ ਲਾਸ਼ ਬੁੱਧਵਾਰ ਦੁਪਹਿਰੇ 2:30 ਵਜੇ ਮਿਲੀ|
ਮਾਊਂਟੀਜ਼ ਨੇ ਦੱਸਿਆ ਕਿ ਡੁੱਬਣ ਵਾਲੇ ਤਿੰਨੇ ਵਿਅਕਤੀ ਇੱਕੋ ਪਰਿਵਾਰ ਦੇ ਸਨ| ਬੱਚੇ ਇਸ ਸਮੇਂ ਰਿਸ਼ਤੇਦਾਰਾਂ ਦੀ ਕੇਅਰ ਵਿੱਚ ਹਨ| ਪਿਛਲੇ ਹਫਤੇ ਵੀ ਇੱਕ ਲਾਪਤਾ ਟੀਨੇਜਰ ਨੂੰ ਲੱਭਣ ਲਈ ਐਮਰਜੰਸੀ ਅਮਲੇ ਨੂੰ ਇਸ ਇਲਾਕੇ ਵਿੱਚ ਸੱਦਿਆ ਗਿਆ|