ਹਾਲ ਹੀ ਵਿੱਚ ‘ਦ ਕਪਿਲ ਸ਼ਰਮਾ ਸ਼ੋਅ' ਵਿੱਚ ਆਪਣੀ ਵੈੱਬ ਸੀਰੀਜ ‘ਅਵਰੋਧ’ ਨੂੰ ਪ੍ਰਮੋਟ ਕਰਨ ਲਈ ਆਏ ਅਭਿਨੇਤਾ ਅਮਿਤ ਸਾਧ ਨੇ ਖੂਬ ਮਸਤੀ ਕੀਤੀ। ਉਥੇ ਕਪਿਲ ਨਾਲ ਗੱਲਬਾਤ ਦੌਰਾਨ ਅਭਿਨੇਤਾ ਅਮਿਤ ਸਾਧ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਸ ਸੀਰੀਜ ਵਿੱਚ ਕਮਾਂਡੋ ਦੇ ਲਈ 12 ਕਿਲੋ ਵਜ਼ਨ ਵਧਾਇਆ ਹੈ।
ਜਦ ਕਪਿਲ ਨੇ ਅਮਿਤ ਤੋਂ ਇਸ ਕਿਰਦਾਰ ਦੀ ਤਿਆਰੀ ਬਾਰੇ ਪੁੱਛਿਆ ਤਾਂ ਅਮਿਤ ਨੇ ਦੱਸਿਆ, ‘ਜਦ ਮੈਨੂੰ ਇਸ ਸੀਰੀਜ ਦਾ ਰੋਲ ਮਿਲਿਆ, ਓਦੋਂ ਮੈਂ ‘ਗੋਲਡ' ਨਾਂਅ ਦੀ ਫਿਲਮ ਕੀਤੀ ਸੀ, ਜਿੱਥੇ ਮੈਂ ਹਾਕੀ ਖਿਡਾਰੀ ਦੀ ਭੂਮਿਕਾ ਨਿਭਾ ਰਿਹਾ ਸੀ, ਜਿਸ ਦੇ ਲਈ ਮੈਨੂੰ ਕਾਫੀ ਦੁਬਲਾ-ਪਤਲਾ ਤੇ ਫਿੱਟ ਰਹਿਣਾ ਸੀ, ਪਰ ਜਦ ‘ਅਵਰੋਧ’ ਦੇ ਡਾਇਰੈਕਟਰ ਰਾਜ ਮੈਨੂੰ ਮਿਲੇ ਤਾਂ ਮੈਨੂੰ ਸਪੈਸ਼ਲ ਫੋਰਸ ਦੇ ਫੋਟੋ ਦਿਖਾ ਕੇ ਕਹਿਣ ਲੱਗੇ ਕਿ ਤੈਨੂੰ ਇਹ ਲੁੱਕ ਹਾਸਲ ਕਰਨ ਪਵੇਗੀ। ਇਸ ਤਰ੍ਹਾਂ ਮੇਰੀ ਟਰੇਨਿੰਗ ਸ਼ੁਰੂ ਹੋਈ ਅਤੇ ਫਿਰ ਮੈਂ 72 ਕਿਲੋ ਤੋਂ ਵਧ ਕੇ 90 ਕਿਲੋ ਦਾ ਹੋ ਗਿਆ।’’