ਮਿਸੀਸਾਗਾ, 12 ਅਗਸਤ (ਪੋਸਟ ਬਿਊਰੋ) : ਮਿਸੀਸਾਗਾ ਵਿੱਚ ਇੱਕ 19 ਮਹੀਨਿਆਂ ਦੀ ਬੱਚੀ ਦੀ ਕਾਰ ਵੱਲੋਂ ਟੱਕਰ ਮਾਰੇ ਜਾਣ ਕਾਰਨ ਮੌਤ ਹੋ ਗਈ|
ਪੀਲ ਪੁਲਿਸ ਨੂੰ ਕੌਨਫੈਡਰੇਸ਼ਨ ਪਾਰਕ ਤੇ ਪੇਸਲੇਅ ਬੋਲੀਵੀਆਰਡ ਉੱਤੇ ਸ਼ਾਮੀਂ 5:30 ਵਜੇ ਸੱਦਿਆ ਗਿਆ| ਇਹ ਹਾਦਸਾ ਰਿਹਾਇਸ਼ੀ ਇਮਾਰਤ ਦੇ ਪਾਰਕਿੰਗ ਲੌਟ Aੁੱਤੇ ਵਾਪਰਿਆ| ਕਾਂਸਟੇਬਲ ਸਾਰਾਹ ਪੈਟਨ ਨੇ ਆਖਿਆ ਕਿ ਹਾਦਸੇ ਵਿੱਚ ਸ਼ਾਮਲ ਡਰਾਈਵਰ ਨੇ ਹੀ ਮਾਂ ਤੇ ਬੱਚੀ ਨੂੰ ਨੇੜਲੇ ਹਸਪਤਾਲ ਪਹੁੰਚਾਇਆ|
ਉਨ੍ਹਾਂ ਆਖਿਆ ਕਿ ਡਰਾਈਵਰ ਜਾਂਚਕਾਰਾਂ ਨੂੰ ਵੀ ਪੂਰਾ ਸਹਿਯੋਗ ਦੇ ਰਿਹਾ ਹੈ| ਮਾਮਲੇ ਦੀ ਜਾਂਚ ਚੱਲਦੀ ਹੋਣ ਕਾਰਨ ਇਸ ਇਲਾਕੇ ਦੀਆਂ ਸੜਕਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ|