ਰੱੈਡ ਲੇਕ ਤੱਕ ਫੈਲੀ ਅੱਗ ਤੋਂ ਬਾਅਦ ਕਮਿਊਨਿਟੀ
ਨੂੰ ਇਲਾਕਾ ਖਾਲੀ ਕਰਨ ਦੀ ਅਪੀਲ
ਵਿਨੀਪੈਗ, 12 ਅਗਸਤ (ਪੋਸਟ ਬਿਊਰੋ) : ਰੈੱਡ ਲੇਕ, ਓਨਟਾਰੀਓ ਦੇ ਵਾਸੀਆਂ ਨੂੰ ਜੰਗਲ ਦੀ ਅੱਗ ਕਮਿਊਨਿਟੀ ਦੇ ਕਾਫੀ ਨੇੜੇ ਪਹੁੰਚ ਜਾਣ ਕਾਰਨ ਇਲਾਕਾ ਖਾਲੀ ਕਰਨ ਲਈ ਆਖਿਆ ਗਿਆ ਹੈ|
ਓਨਟਾਰੀਓ ਸਰਕਾਰ ਦੀ ਵੈੱਬਸਾਈਟ Aੁੱਤੇ ਦਰਸਾਏ ਗਏ ਅਨੁਸਾਰ ਮਿਊਂਸਪੈਲਿਟੀ ਨੇੜੇ ਜੰਗਲ ਵਿੱਚ ਲੱਗੀ ਇਹ ਅੱਗ ਬੁੱਧਵਾਰ ਸਵੇਰ ਤੱਕ 750 ਹੈਕਟੇਅਰ ਤੱਕ ਫੈਲ ਗਈ| ਮੰਗਲਵਾਰ ਸ਼ਾਮੀ ਫੇਸਬੁੱਕ ਉੱਤੇ ਪਾਈ ਗਈ ਪੋਸਟ ਵਿੱਚ ਮੇਅਰ ਫਰੈਡ ਮੋਤਾ ਨੇ ਰੱੈਡ ਲੇਕ ਮਿਉਂਸਪੈਲਿਟੀ ਦੇ ਸਾਰੇ ਵਾਸੀਆਂ ਨੂੰ ਇਲਾਕਾ ਖਾਲੀ ਕਰਨ ਲਈ ਆਖਿਆ| ਉਨ੍ਹਾਂ ਸਟੈਰੈਟ ਓਲਸਨ, ਮੈਡਸਨ ਤੇ ਬਫਲੋ ਏਰੀਆ ਵਿੱਚ ਰਹਿਣ ਵਾਲਿਆਂ ਨੂੰ ਖਾਸ ਤੌਰ ਉੱਤੇ ਇਲਾਕਾ ਛੱਡਣ ਲਈ ਆਖਿਆ|
ਮੋਤਾ ਨੇ ਪੋਸਟ ਵਿੱਚ ਆਖਿਆ ਕਿ ਬੁੱਧਵਾਰ ਨੂੰ ਹਵਾਵਾਂ ਦੇ ਬਦਲਦੇ ਰੁਖ ਕਾਰਨ ਉਹ ਚਿੰਤਤ ਸਨ ਕਿਉਂਕਿ ਇਸ ਨਾਲ ਅੱਗ ਉਨ੍ਹਾਂ ਇਲਾਕਿਆਂ ਵਿੱਚ ਫੈਲਣ ਦਾ ਡਰ ਸੀ| ਮੰਗਲਵਾਰ ਨੂੰ ਅੱਗ 550 ਹੈਕਟੇਅਰ ਵਿੱਚ ਲੱਗੀ ਹੋਈ ਸੀ ਤੇ ਫਿਰ ਪੂਰਬ ਵੱਲ ਵਧ ਗਈ|
ਓਨਟਾਰੀਓ ਸਰਕਾਰ ਅਨੁਸਾਰ ਅੱਗ ਰੈੱਡ ਲੇਕ ਟਾਊਨਸਾਈਟ ਤੋਂ ਤਿੰਨ ਕਿਲੋਮੀਟਰ ਦੱਖਣ ਵੱਲ ਤੇ ਹਾਈਵੇਅ 105 ਤੋਂ ਤਿੰਨ ਕਿਲਮੀਟਰ ਪੱਛਮ ਵੱਲ ਫੈਲ ਗਈ| ਕੁਦਰਤੀ ਵਸੀਲਿਆਂ ਤੇ ਫੌਰੈਸਟਰੀ ਮੰਤਰਾਲੇ ਵੱਲੋਂ ਹਵਾਈ ਸਾਧਨਾਂ, ਭਾਰੀ ਸਾਜੋæ ਸਮਾਨ ਤੇ ਇਨੀਸ਼ੀਅਲ ਅਟੈਕ ਫਾਇਰ ਰੇਂਜਰਜ਼ ਦੀ ਵਰਤੋਂ ਕਰਦਿਆਂ ਹੋਇਆਂ ਅੱਗ ਉੱਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ|