ਮਹਿਲਾ ਨੂੰ ਅਗਵਾ ਕਰਨ ਵਾਲੇ ਮਸ਼ਕੂਕ
ਦੀ ਭਾਲ ਕਰ ਰਹੀ ਹੈ ਪੁਲਿਸ
ਟੋਰਾਂਟੋ, 10 ਅਗਸਤ (ਪੋਸਟ ਬਿਊਰੋ) : ਸੋਮਵਾਰ ਸ਼ਾਮ ਨੂੰ ਸਕਾਰਬੌਰੋ ਤੋਂ ਅਗਵਾ ਕੀਤੀ ਗਈ ਇੱਕ ਮਹਿਲਾ ਦੇ ਸਬੰਧ ਵਿੱਚ ਟੋਰਾਂਟੋ ਪੁਲਿਸ ਵੱਲੋਂ ਇੱਕ ਮਸ਼ਕੂਕ ਦੀ ਭਾਲ ਕੀਤੀ ਜਾ ਰਹੀ ਹੈ|
ਜਾਂਚਕਾਰਾਂ ਅਨੁਸਾਰ ਸ਼ਾਮੀਂ 5:41 ਉਤੇ ਐਮਪ੍ਰਿੰਘਮ ਡਰਾਈਵ ਤੇ ਸੇਵੈਲਜ਼ ਰੋਡ ਇਲਾਕੇ ਵਿੱਚ ਇੱਕ ਵਿਅਕਤੀ ਨੇ ਜ਼ਬਰਦਸਤੀ ਇੱਕ ਮਹਿਲਾ ਨੂੰ ਗੱਡੀ ਵਿੱਚ ਬੈਠਣ ਲਈ ਮਜਬੂਰ ਕੀਤਾ| ਰਾਤੀਂ 9:00 ਵਜੇ ਕੀਤੇ ਗਏ ਟਵੀਟ ਵਿੱਚ ਪੁਲਿਸ ਨੇ ਆਖਿਆ ਕਿ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਉਸ ਮਹਿਲਾ ਨੂੰ ਅਗਵਾ ਕਰ ਲਿਆ ਗਿਆ ਹੈ|
ਜਿਸ ਮਸ਼ਕੂਕ ਦੀ ਭਾਲ ਪੁਲਿਸ ਵੱਲੋਂ ਕੀਤੀ ਜਾ ਰਹੀ ਹੈ ਉਸ ਦੀ ਪਛਾਣ 34 ਸਾਲਾਂ ਦੇ ਸੰਤੋਸ਼ ਕੁਮਾਰ ਸੇਲਵਾਰਾਜਾਹ ਵਜੋਂ ਕੀਤੀ ਗਈ ਹੈ| ਪੁਲਿਸ ਨੇ ਦੱਸਿਆ ਕਿ ਮਸ਼ਕੂਕ ਨੇ ਗ੍ਰੇਅ ਤੇ ਚਿੱਟੇ ਰੰਗ ਦੀ ਸ਼ਰਟ, ਨੀਲੇ ਰੰਗ ਦੀਆਂ ਸ਼ੌਰਟਸ ਤੇ ਬੇਸਬਾਲ ਕੈਪ ਪਾਈ ਹੋਈ ਸੀ, ਜਿਸ ਉੱਤੇ ਲੋਗੋ ਵੀ ਬਣਿਆ ਹੋਇਆ ਸੀ|
ਪੁਲਿਸ ਨੇ ਇਹ ਵੀ ਦੱਸਿਆ ਕਿ ਸੇਲਵਾਰਾਜਾਹ ਕਾਲੇ ਰੰਗ ਦੀ ਐਕਿਊਰਾ ਟੀਐਸਐਕਸ ਚਲਾ ਰਿਹਾ ਸੀ ਜਿਸ ਉੱਤੇ ਸੀਕੇਜੇਈ 528 ਦੀ ਲਾਇਸੰਸ ਪਲੇਟ ਸੀ|