ਨਵੀਂ ਦਿੱਲੀ, 10 ਅਗਸਤ (ਪੋਸਟ ਬਿਊਰੋ)- ਗੂਗਲ ਅਸਿਸਟੈਂਟ ਨੂੰ ਤੁਸੀਂ ਜੋ ਵੀ ਵਾਇਸ ਕਮਾਂਡ ਬੋਲ ਕੇ ਦਿੰਦੇ ਰਹੇ ਹੋ, ਸਾਰੀਆਂ ਰਿਕਾਰਡਿੰਗਸ ਕੰਪਨੀ ਇੱਕ ਜਗ੍ਹਾ ਸਟੋਰ ਕਰ ਲੈਂਦੀ ਸੀ। ਕਈ ਯੂਜ਼ਰਜ਼ ਨੂੰ ਇਸ ਦੀ ਜਾਣਕਾਰੀ ਨਹੀਂ ਸੀ ਕਿ ਉਨ੍ਹਾਂ ਵੱਲੋਂ ਬੋਲਿਆ ਗਿਆ ਆਡੀਓ ਗੂਗਲ ਸਿਸਟਮ ਵਿੱਚ ਰਿਕਾਰਡ ਹੁੰਦਾ ਹੈ।
ਗੂਗਲ ਨੇ ਆਪਣੀ ਡਿਫਾਲਟ ਸੈਟਿੰਗ ਵਿੱਚ ਬਦਲਾਅ ਕੀਤਾ ਹੈ ਅਤੇ ਹਰ ਯੂਜ਼ਰ ਤੋਂ ਪੁੱਛਿਆ ਜਾਏਗਾ ਕਿ ਉਹ ਆਪਣੀ ਆਵਾਜ਼ ਦੀ ਰਿਕਾਰਡਿੰਗ ਗੂਗਲ ਦੇ ਸਿਸਟਮ ਵਿੱਚ ਸਟੋਰ ਕਰਨਾ ਚਾਹੁੰਦਾ ਹੈ ਜਾਂ ਨਹੀਂ। ਲੇਟੈਸਟ ਰਿਪੋਰਟ ਐਕਸ ਡੀ ਏ ਡਿਵੈਲਪਰਸ ਵੱਲੋਂ ਆਈ ਅਤੇ ਕਿਹਾ ਗਿਆ ਹੈ ਕਿ ਗੂਗਲ ਇੱਕ ਪ੍ਰੋਗਰਾਮ ਉੱਤੇ ਕੰਮ ਕਰ ਰਿਹਾ ਹੈ, ਜੋ ਆਡੀਓ ਸਿਨਪੇਟਸ ਦੀ ਰੇਟਿੰਗ ਲਈ ਇਨਸਾਨਾਂ ਦੀ ਵਰਤੋਂ ਕਰੇਗਾ। ਯਾਨੀ ਕਰਮਚਾਰੀ ਖੁਦ ਆਡੀਓ ਰਿਕਾਰਡਿੰਗਸ ਨੂੰ ਰੇਟਿੰਗ ਦੇਣਗੇ। ਰਿਪੋਰਟ ਦੇ ਮੁਤਾਬ ਜੋ ਯੂਜ਼ਰਜ਼ ਗੂਗਲ ਦੇ ਕੋਲ ਰਿਕਾਰਡਿੰਗਸ ਸਟੋਰ ਕਰਨਾ ਚਾਹੁੰਦੇ ਹਨ, ਉਨ੍ਹਾਂ ਨੂੰ ਇਸ ਪ੍ਰੋਗਰਾਮ ਦਾ ਹਿੱਸਾ ਬਣਨਾ ਪਵੇਗਾ ਅਤੇ ਇਸ ਵਿੱਚ ਇਸਤੇਮਾਲ ਕਰਨਾ ਪਵੇਗਾ।
ਯੂਜ਼ਰਜ਼ ਨੂੰ ਵਾਇਸ ਐਂਡ ਆਡੀਓ ਐਕਟੀਵਿਟੀ (ਵੀ ਏ ਏ ਸੈਟਿੰਗਸ) ਇਨੇਬਲ ਕਰਨੀ ਹੋਵੇਗੀ, ਜਿਸ ਨਾਲ ਉਨ੍ਹਾਂ ਦੇ ਆਡੀਓ ਗੂਗਲ ਦੇ ਕੋਲ ਸੇਵ ਹੋਣਗੇ। ਪਿਛਲੇ ਸਾਲ ਪਤਾ ਲੱਗਾ ਸੀ ਕਿ ਗੂਗਲ ਅਤੇ ਬਾਕੀ ਟੈੱਕ ਕੰਪਨੀਆਂ ਯੂਜ਼ਰਜ਼ ਦੇ ਆਡੀਓ ਰਿਕਾਰਡ, ਸਟੋਰ ਤੇ ਰਿਵਿਊ ਕਰਦੀਆਂ ਹਨ। ਇਸ 'ਤੇ ਵਿਵਾਦ ਦੇ ਬਾਅਦ ਤੋਂ ਕੰਪਨੀਆਂ ਯੂਜ਼ਰਜ਼ ਦੀ ਆਡੀਓ ਰਿਕਾਰਡਿੰਗਸ ਸਟੋਰ ਕਰਨ ਦੇ ਮਾਮਲੇ ਵਿੱਚ ਜ਼ਿਆਦਾ ਟ੍ਰਾਂਸਪੈਰੇਂਟ ਹੋਈਆਂ ਹਨ ਅਤੇ ਖੁਦ ਯੂਜ਼ਰ ਸੈਟਿੰਗਸ ਵਿੱਚ ਬਦਲਾਅ ਕਰ ਕੇ ਇਸ ਨੂੰ ਬਦਲ ਸਕਦਾ ਹੈ।