ਲਾਹੌਰ, 10 ਅਗਸਤ (ਪੋਸਟ ਬਿਊਰੋ)- ਪਾਕਿਸਤਾਨ ਦੇ ਪੰਜਾਬ ਸਰਕਾਰ ਨੇ ਲਾਹੌਰ ਦੀ ਇਤਿਹਾਸਕ ਮਸਜਿਦ ਵਿੱਚ ਡਾਂਸ ਵੀਡੀਓ ਸ਼ੂਟ ਕਰਾਉਣ ਉਤੇ ਦੋ ਉੱਚ ਅਧਿਕਾਰੀਆਂ ਨੂੰ ਸਸਪੈਂਡ ਕਰ ਦਿੱਤਾ ਹੈ। ਇਹ ਡਾਂਸ ਵੀਡੀਓ ਫਿਲਮਾਂ ਅਤੇ ਵੀਡੀਓ ਦੀ ਸਟਾਰ ਸਬਾ ਕਮਰ ਨੇ ਬਣਾਇਆ ਹੈ।
ਵਰਨਣ ਯੋਗ ਹੈ ਕਿ ਸਬਾ ਨੇ ਬਾਲੀਵੁੱਡ ਦੀ ‘ਹਿੰਦੀ ਮੀਡੀਅਮ’ ਸਮੇਤ ਕਈ ਫਿਲਮਾਂ ਵਿੱਚ ਕੰਮ ਕੀਤਾ ਹੈ। ਇਸ ਦੌਰਾਨ ਪੁਲਸ ਨੇ ਡਾਂਸ ਨਾਲ ਮਸਜਿਦ ਦੀ ਪਵਿੱਤਰਤਾ ਭੰਗ ਕਰਨ ਦੀ ਸ਼ਿਕਾਇਤ 'ਤੇ ਸਬਾ ਕਮਰ ਅਤੇ ਐਕਟਰ ਬਿਲਾਲ ਸਈਦ ਦੇ ਖਿਲਾਫ ਕੇਸ ਦਰਜ ਕੀਤਾ ਹੈ। ਪੰਜਾਬ ਦੇ ਔਕਾਫ ਤੇ ਧਾਰਮਿਕ ਮਾਮਲਿਆਂ ਦੇ ਮੰਤਰੀ ਸਈਦ ਹਸਨ ਸ਼ਾਹ ਨੇ ਕਿਹਾ ਕਿ ਮਸਜਿਦ ਵਿੱਚ ਡਾਂਸ ਵੀਡੀਓ ਸ਼ੂਟ ਕਰਨ ਦੀ ਮਨਜ਼ੂਰੀ ਦੇਣ ਵਾਲੇ ਇਸ ਔਕਾਫ ਮਹਿਕਮੇ ਦੇ ਡਾਇਰੈਕਟਰ ਤੇ ਸਹਾਇਕ ਡਾਇਰੈਕਟਰ ਨੂੰ ਸਸਪੈਂਡ ਕਰ ਦਿੱਤਾ ਹੈ। ਇਸ ਵਿੱਚ ਹੋਰ ਜੋ ਲੋਕ ਜ਼ਿੰਮੇਵਾਰ ਪਾਏ ਜਾਣਗੇ। ਉਨ੍ਹਾਂ ਦੇ ਖਿਲਾਫ ਵੀ ਸਖਤ ਕਾਰਵਾਈ ਕੀਤੀ ਜਾਏਗੀ। ਇਨ੍ਹਾਂ ਲੋਕਾਂ ਨੇ ਮਸਜਿਦ ਨੂੰ ਪਵਿੱਤਰਤਾ ਨੂੰ ਨੁਕਸਾਨ ਪੁਚਾਉਣ ਦਾ ਕੰਮ ਕੀਤਾ ਹੈ ਜਿਸ ਦੀ ਇਜਾਜ਼ਤ ਕਿਸੇ ਨੂੰ ਨਹੀਂ। ਮਸਜਿਦ ਵਿੱਚ ਸਬਾ ਕਮਰ ਦਾ ਡਾਂਸ ਹੋਣ ਦੀ ਖਬਰ ਜਦੋਂ ਲੋਕਾਂ ਵਿੱਚ ਫੈਲੀ ਤਾਂ ਲੋਕ ਭੜਕ ਉਠੇ ਅਤੇ ਸੋਸ਼ਲ ਮੀਡੀਆ 'ਤੇ ਸਬਾ ਨੂੰ ਬੁਰਾ ਭਲਾ ਕਿਹਾ ਜਾਣ ਲੱਗਾ।