* ਪੰਜਾਬ ਵਿੱਚ 987 ਨਵੇਂ ਕੇਸ, 24 ਮੌਤਾਂ
ਨਵੀਂ ਦਿੱਲੀ, 10 ਅਗਸਤ, (ਪੋਸਟ ਬਿਊਰੋ)-ਭਾਰਤ ਵਿੱਚ ਕੋਰੋਨਾ ਵਾਇਰਸ ਦੀ ਰਫ਼ਤਾਰ ਅਜੇ ਘਟਣ ਦਾ ਨਾਂਅ ਨਹੀਂ ਲੈ ਰਹੀ ਜਾਪਦੀ। ਇਸ ਦੇਸ਼ ਵਿੱਚਅੱਜ ਸੋਮਵਾਰ ਦੀ ਸਵੇਰ ਹੋਣ ਤਕ ਕੋਰੋਨਾ ਵਾਇਰਸ ਦੇ ਕੇਸ22 ਲੱਖ ਤੋਂ ਵਧ ਚੁੱਕੇ ਹਨ ਤੇ 44,466 ਲੋਕਾਂਂ ਦੀ ਮੌਤ ਹੋ ਚੁੱਕੀ ਹੈ, ਜਦ ਕਿ 6,35,393 ਐਕਟਿਵ ਕੇਸ ਹਨ।
ਸਿਹਤ ਮੰਤਰਾਲੇ ਵੱਲੋਂ ਦਿੱਤੇ ਅੰਕੜਿਆਂ ਅਨੁਸਾਰ ਬੀਤੇ 24 ਘੰਟਿਆਂ ਵਿੱਚ ਭਾਰਤ ਵਿੱਚ ਕੋਰੋਨਾ ਦੇ 64,399 ਨਵੇਂ ਕੇਸਮਿਲੇ ਤੇ 861 ਲੋਕਾਂ ਦੀ ਮੌਤ ਹੋਈ ਹੈ। ਭਾਰਤ ਵਿੱਚ ਲਗਾਤਾਰ ਤੀਸਰੇ ਦਿਨ ਕੋਰੋਨਾ ਦੇ 60 ਹਜ਼ਾਰ ਤੋਂਵੱਧਕੇਸਸਾਹਮਣੇ ਆਏ ਹਨ। ਅੱਜ ਸੋਮਵਾਰ ਦੀ ਸਵੇਰ ਹੋਣ ਤੱਕ ਭਾਰਤ ਵਿੱਚ ਕੁੱਲ 22,14,137 ਕੇਸਹੋ ਚੁੱਕੇ ਹਨ ਅਤੇ ਇਨ੍ਹਾਂ ਵਿੱਚੋਂ ਛੇ ਲੱਖ 35 ਹਜ਼ਾਰ ਤੋਂ ਵੱਧ ਐਕਟਿਵ ਕੇਸ ਹਨ।
ਇਸ ਦੌਰਾਨ ਪੰਜਾਬ ਵਿੱਚ ਕੋਰੋਨਾ ਦੀ ਰਫ਼ਤਾਰ ਮੱਠੀ ਨਹੀਂ ਪੈ ਰਹੀ ਅਤੇ ਰੋਜ਼ਨਵੇ ਪਾਜਿ਼ਟਿਵ ਕੇਸ ਮਿਲ ਰਹੇ ਹਨ। ਐਤਵਾਰ ਦੇ ਦਿਨ ਪੰਜਾਬ ਵਿੱਚ 987 ਨਵੇਂ ਕੇਸ ਮਿਲੇ ਅਤੇ 24 ਲੋਕਾਂ ਦੀ ਕੋਰੋਨਾ ਦੇ ਨਾਲ ਮੌਤ ਹੋਈ ਹੈ। ਇਸ ਦੇ ਨਾਲ ਪੰਜਾਬ ਵਿੱਚ ਕੋਰੋਨਾ ਵਾਇਰਸ ਨਾਲ ਮੌਤਾਂ ਦੀ ਗਿਣਤੀ 586 ਅਤੇ ਕੁੱਲ ਕੇਸ 23,903 ਹੋ ਚੁੱਕੇ ਹਨ।