ਵੈਟੀਕਨ ਸਿਟੀ, 9 ਅਗਸਤ (ਪੋਸਟ ਬਿਊਰੋ)- ਪੋਪ ਫਰਾਂਸਿਸ ਨੇ ਇਸਾਈਆਂ ਦੀ ਧਰਮਨਗਰੀ ਵੈਟੀਕਨ ਸਿਟੀ ਦੇ ਫਾਈਨੇਸ਼ਿਅਲ ਮਾਮਲਿਆਂ 'ਤੇ ਨਜ਼ਰ ਰੱਖਣ ਦੇ ਲਈ ਸੱਤ ਲੋਕਾਂ ਨੂੰ ਨਿਯੁਕਤ ਕੀਤਾ ਹੈ। ਇਨ੍ਹਾਂ ਵਿੱਚ ਛੇ ਮਹਿਲਾਵਾਂ ਹਨ। ਪੰਰਪਰਾਵਾਂ ਤੋਂ ਅਲੱਗ ਜਾ ਕੇ ਲਏ ਇਸ ਇਤਿਹਾਸਿਕ ਫੈਸਲੇ ਦੀ ਤਾਰੀਫ ਹੋ ਰਹੀ ਹੈ।
ਵੈਟੀਕਨ ਸਿਟੀ ਵਿੱਚ ਇਸ ਤੋਂ ਪਹਿਲੇ ਕਦੀ ਔਰਤਾਂ ਨੂੰ ਇਸ ਪੱਧਰਦੇ ਅਧਿਕਾਰ ਨਹੀਂ ਮਿਲੇ। ਇਨ੍ਹਾਂ ਮਹਿਲਾਵਾਂ ਵਿੱਚ ਬ੍ਰਿਟੇਨ ਦੇ ਪ੍ਰਿੰਸ ਚਾਲਰਸ ਦੀ ਫਾਈਨੈਂਸ਼ੀਅਲ ਅਸਿਸਟੈਂਟ ਰਹਿ ਚੁਕੀ ਲੇਸਲੀ ਜੇਨ ਫੇਰਾਰ, ਬ੍ਰਿਟੇਨ ਦੀ ਲੇਬਰ ਪਾਰਟੀ ਦੀ ਸਰਕਾਰ ਵਿੱਚ ਐਜੁਕੇਸ਼ਨ ਮਿਨਿਸਟਰ ਰਹਿ ਚੁੱਕੀ ਰੂਥ ਮਾਰੀਆ ਕੇਲੀ, ਜਰਮਨੀ ਦੀ ਸ਼ੇਰਲਾਟ ਕਰੂਟਰ ਅਤੇ ਮੈਰਿਜਾ ਕੋਲੈਕ, ਸਪੇਨ ਦੀ ਏਵਾ ਕੈਸਿਲੋ ਤੇ ਮਾਰੀਆ ਕਾਨਸੇਪਿਸਅਨ ਹਨ। ਇਹ ਸਾਰੀਆਂ ਔਰਤਾਂ ਆਰਥਿਕ ਮਾਮਲਿਆਂ ਦੀਆਂ ਜਾਣਕਾਰ ਹਨ ਅਤੇ ਉਨ੍ਹਾਂ ਨੇ ਇਸ ਦਾ ਕਾਫੀ ਤਜਰਬਾ ਹੈ।
ਪੋਪ ਨੇ 2014 ਵਿੱਚ ਵੈਟੀਕਨ ਦੇ ਇਕੋਨਾਮਿਕ ਮੈਨੇਜਮੈਂਟ ਅਤੇ ਫਾਈਨੈਂਸ਼ਅਲ ਐਕਿਟਵਿਟੀ 'ਤੇ ਨਜ਼ਰ ਰੱਖਣ ਲਈ 2014 ਵਿੱਚ ਇੱਕ ਕੌਂਸਲ ਬਣਾਈ ਸੀ, ਜਿਸ ਵਿੱਚ ਅੱਠ ਬਿਸ਼ਪ ਹਨ। ਬਾਕੀ ਸੱਤ ਮੈਂਬਰ ਵੱਖ-ਵੱਖ ਦੇਸ਼ਾਂ ਦੇ ਫਾਈਨੈਂਸ਼ੀਅਲ ਐਕਸਪਰਟ ਹਨ।ਇੱਕ ਰਿਪੋਰਟ ਅਨੁਸਾਰ ਪਿਛਲੇ 10 ਸਾਲਾਂ ਵਿੱਚ ਵੈਟੀਕਨ ਸਿਟੀ ਵਿੱਚ ਕੰਮ ਕਰਨ ਵਾਲੀਆਂ ਮਹਿਲਾਵਾਂ ਵਿੱਚ ਵਾਧਾ ਹੋਇਆ ਹੈ। 2010 ਵਿੱਚ ਜਿੱਥੇ 17 ਮਹਿਲਾਵਾਂ ਕੰਮ ਕਰਦੀਆਂ ਸਨ, ਉਥੇ ਪਿਛਲੇ ਸਾਲ ਇਹ ਅੰਕੜਾ ਵਧ ਕੇ 22 ਹੋ ਗਿਆ ਸੀ। ਪੋਪ ਫਰਾਂਸਿਸ ਨੇ ਪਹਿਲਾ ਹੀ ਔਰਤਾਂ ਨੂੰ ਡਿਪਟੀ ਮਿਨਿਸਟਰ, ਵੈਟੀਕਨ ਮਿਊਜੀਅਮ ਦਾ ਡਾਇਰੇਕਟਰ ਅਤੇ ਵੈਟੀਕਨ ਨਿਊਜ਼ ਵਿੱਚ ਵੀ ਅਹਿਮ ਅਹਦਿਆਂ 'ਤੇ ਨਿਯੁਕਤ ਕੀਤਾ ਹੈ।