ਰਾਂਚੀ, 7 ਅਗਸਤ (ਪੋਸਟ ਬਿਊਰੋ)- ਝਾਰਖੰਡ ਦੇ ਛਤਰਾ ਦੀ ਇੱਕ ਕੁੜੀ ਨੇ ਸ਼ਾਦੀ ਡਾਟ ਕਾਮ ਰਾਹੀਂ ਤਿੰਨ ਨੌਜਵਾਨਾਂ ਨਾਲ ਠੱਗੀ ਮਾਰੀ, ਪਰ ਤੀਸਰੇ ਵਿਆਹ ਦੇ ਚੱਕਰ ਵਿੱਚ ਫਸ ਗਈ ਹੈ।
ਪਤਾ ਲੱਗਾ ਹੈ ਕਿ ਇਸ ਲੜਕੀ ਨੇ ਸ਼ਾਦੀ ਡਾਟ ਕਾਮ 'ਤੇ ਜਿ਼ਲਾ ਗਿਰੀਡੀਹ ਦੇ ਨੌਜਵਾਨ ਨਾਲ ਸੰਪਰਕ ਕੀਤਾ ਅਤੇ ਵਿਆਹ ਕਰ ਲਿਆ। ਫਿਰ ਇੱਕ ਕਰੋੜ ਰੁਪਿਆ ਠੱਗਣ ਦੇ ਬਾਅਦ ਉਸ ਨੇ ਸ਼ਾਦੀ ਡਾਟ ਕਾਮ 'ਤੇ ਖੁਦ ਨੂੰ ਕੁਆਰੀ ਦੱਸ ਕੇ ਗੁਜਰਾਤ ਦੇ ਇੱਕ ਨੌਜਵਾਨ ਨੂੰ ਫਸਾ ਲਿਆ ਅਤੇ ਉਸ ਨਾਲ ਰਹਿਣ ਲੱਗੀ। ਇਸ ਨੂੰ ਉਸ ਨੇ 45 ਲੱਖ ਦਾ ਰਗੜਾ ਲਾ ਕੇ ਤੀਸਰੀ ਵਾਰ ਪੁਣੇ ਦੇ ਨੌਜਵਾਨ ਨਾਲ ਵਿਆਹ ਕਰ ਲਿਆ ਤੇ ਉਸ ਨਾਲ ਕੈਲੀਫੋਰਨੀਆ ਚਲੀ ਗਈ। ਤੀਸਰੇ ਪਤੀ ਦੀ ਮਾਂ ਨੇ ਪੁਣੇ ਵਿੱਚ ਸੀ। ਦੂਸਰੇ ਪਤੀ ਨੇ ਗੁਜਰਾਤ ਦੇ ਰਾਜਕੋਟ ਵਿੱਚ ਠੱਗੀ ਦਾ ਕੇਸ ਦਰਜ ਕਰਵਾਇਆ ਹੈ।
ਛਤਰਾ ਦੇ ਚਟਖੋਰੀ ਵਿੱਚ ਕੁੜੀ ਦੇ ਪਾਸਪੋਰਟ ਦੀ ਜਾਂਚ ਵਿੱਚ ਪੁਲਸ ਨੂੰ ਸਾਰਾ ਪਤਾ ਲੱਗ ਗਿਆ। ਪੁਲਸ ਨੇ ਪਤੀ ਦਾ ਨਾਂਅ ਲੁਕਾ ਕੇ ਫਰਜ਼ੀ ਤਰੀਕੇ ਨਾਲ ਪਾਸਪੋਰਟ ਬਣਾਉਣ ਦੇ ਕੇਸ ਦੀ ਜਾਂਚ ਕੀਤੀ ਤਾਂ ਭੇਦ ਖੁੱਲ੍ਹਾ ਕਿ ਕੁੜੀ ਨੇ ਸਭ ਤੋਂ ਪਹਿਲਾਂ 27 ਅਪ੍ਰੈਲ 2015 ਨੂੰ ਗਿਰੀਡੀਹ ਦੇ ਰਾਜਧਨਵਰ ਪਿੰਡ ਦੇ ਨਿਲਯ ਕੁਮਾਰ ਨਾਲ ਹਿੰਦੂ ਰੀਤੀ ਨਾਲ ਵਿਆਹ ਕੀਤਾ ਸੀ ਅਤੇ ਰਾਂਚੀ ਦੇ ਸਟੇਸ਼ਨ ਰੋਡ ਦੇ ਹੋਟਲ ਐਲੀਮੈਂਟ ਵਿੱਚ ਉਸ ਦਾ ਵਿਆਹ ਹੋਇਆ ਸੀ। ਦੋ ਸਾਲ ਵਿੱਚ ਹੀ ਪਤੀ ਨਾਲ ਮਤਭੇਦ ਹੋ ਗਏ। ਇਸ ਪਿੱਛੋਂ ਉਸ ਨੇ ਨਿਲਯ ਤੋਂ ਇੱਕ ਕਰੋੜ ਲਿਆ ਅਤੇ ਖੁਦ ਨੂੰ ਕੁਆਰੀ ਦੱਸ ਕੇ ਗੁਜਰਾਤ ਦੇ ਅਮਿਤ ਮੋਦੀ ਨਾਲ ਰਹਿਣ ਲੱਗੀ ਅਤੇ ਪਰਵਾਰ ਦੀ ਆਰਥਿਕ ਤੰਗੀ ਦਾ ਹਵਾਲਾ ਦੇ ਕੇ ਉਸ ਨੇ ਅਮਿਤ ਤੋਂ ਕਰੀਬ 40 ਤੋਂ 45 ਲੱਖ ਰੁਪਏ ਠੱਗ ਲਏ। ਕੁਝ ਮਹੀਨੇ ਅਮਿਤ ਮੋਦੀ ਨਾਲ ਰਹਿਣ ਪਿੱਛੋਂ ਕੁੜੀ ਭੈਣ ਦੇ ਘਰ ਜਾਣ ਦੀ ਗੱਲ ਕਰ ਕੇ ਦਿੱਲੀ ਲਈ ਨਿਕਲੀ ਅਤੇ ਫਿਰ ਨਹੀਂ ਮੁੜੀ। ਅਮਿਤ ਨੂੰ ਪਿੱਛੋਂ ਪਤਾ ਲੱਗਾ ਕਿ 29 ਦਸੰਬਰ 2018 ਨੂੰ ਕੁੜੀ ਨੇ ਪੁਣੇ ਦੇ ਸੁਮਿਤ ਦਸ਼ਰਥ ਪਵਾਰ ਨਾਲ ਵਿਆਹ ਕਰ ਲਿਆ ਹੈ। ਸੁਮਿਤ ਦੀ ਮਾਂ ਨੇ ਇਸ ਕੁੜੀ ਦੇ ਮੋਬਾਈਲ ਉਤੇ ਇਸ ਦੀ ਕਾਲ ਦੇਖੀ ਤਾਂ ਅਮਿਤ ਨਾਲ ਉਸ ਦਾ ਫੋਟੋ ਸੀ। ਉਨ੍ਹਾਂ ਨੂੰ ਸ਼ੱਕ ਹੋਇਆ। ਅਮਿਤ ਨੂੰ ਫੋਨ ਕਰ ਕੇ ਕੁੜੀ ਦੇ ਬਾਰੇ ਪੁੱਛਿਆ ਅਤੇ ਸੱਚਾਈ ਸਾਹਮਣੇ ਆ ਗਈ। ਇਸ ਪਿੱਛੋਂ ਇਹ ਕੁੜੀ ਸੁਮਿਤ ਨੂੰ ਜਾਲ ਵਿੱਚ ਫਸਾ ਕੇ ਕੈਲੀਫੋਰਨੀਆ ਚਲੀ ਗਈ।