ਹਿਨਾ ਖਾਨ ਅੱਗੋਂ ਟੀ ਵੀ 'ਤੇ ਨਾਗਿਨ 5 ਵਿੱਚ ਨਜ਼ਰ ਆਉਣ ਵਾਲੀ ਹੈ। ਸ਼ੋਅ ਦਾ ਟੀਜ਼ਰ ਵੀਡੀਓ ਆ ਗਿਆ ਹੈ, ਜਿਸ ਵਿੱਚ ਹਿਨਾ ਖਾਨ ਦਾ ਲੁਕ ਸਾਹਮਣੇ ਆਇਆ ਹੈ। ਇਨ੍ਹਾਂ ਸਭ ਚਰਚਿਆਂ ਦੌਰਾਨ ਹਿਨਾ ਖਾਨ ਨੇ ਫਿਲਮ ਇੰਡਸਟਰੀ ਵਿੱਚ ਟੀ ਵੀ ਕਲਾਕਾਰਾਂ ਦੇ ਸੰਘਰਸ਼ 'ਤੇ ਚੁੱਪ ਤੋੜੀ ਹੈ। ਉਸ ਦਾ ਕਹਿਣਾ ਹੈ ਕਿ ਫਿਲਮ ਖੇਤਰ ਵਿੱਚ ਟੀ ਵੀ ਇੰਡਸਟਰੀ ਦੇ ਐਕਟਰਾਂ ਦੇ ਲਈ ਮੁਕਾਮ ਬਣਾਉਣਾ ਬਹੁਤ ਮੁਸ਼ਕਲ ਹੈ। ਉਹ ਕਹਿੰਦੀ ਹੈ, ਵੱਡੇ ਡਿਜਾਈਨਰਜ਼ ਤੱਕ ਛੋਟੇ ਪਰਦੇ ਤੋਂ ਸਿਤਾਰਿਆਂ ਨੂੰ ਰੈਡ ਕਾਰਪੈਟ 'ਤੇ ਪਹਿਨਣ ਦੇ ਲਈ ਕੱਪੜੇ ਨਹੀਂ ਦਿੰਦੇ।
ਦੱਸਣਾ ਬਣਦਾ ਹੈ ਕਿ ਹਿਨਾ ਉਦੋਂ ਖੂਬ ਚਰਚਾ ਵਿੱਚ ਆਈ ਸੀ, ਜਦ ਉਹ ਕਾਨ ਫਿਲਮ ਫੈਸਟੀਵਲ ਦੇ ਰੈਡ ਕਾਰਪੈਟ 'ਤੇ ਦਿਸੀ ਸੀ। ਕਿਸੇ ਵੀ ਟੀ ਵੀ ਦੇ ਸਿਤਾਰੇ ਲਈ ਇਹ ਵੱਡੀ ਗੱਲ ਹੈ, ਪਰ ਇੱਕ ਹਾਲੀਆ ਇੰਟਰਵਿਊ ਵਿੱਚ ਹਿਨਾ ਨੇ ਇਹ ਕਿਹਾ ਕਿ ਸਿਨੇਮਾ ਦੀ ਦੁਨੀਆ ਵਿੱਚ ਟੀ ਵੀ ਐਕਟਰਾਂ ਲਈ ਮੁਕਾਮ ਬਣਾਉਣਾ ਅਜੇ ਵੀ ਬੁਹਤ ਜ਼ਿਆਦਾ ਸੰਘਰਸ਼ ਦੀ ਗੱਲ ਹੈ। ਇਸ ਦੇ ਲਈ ਉਨ੍ਹਾਂ ਨੂੰ ਕਾਫੀ ਕੁਝ ਸਹਿਣਾ ਪੈਂਦਾ ਹੈ।