* ਪੰਜਾਬ ਵਿੱਚ ਪਹਿਲੀ ਵਾਰੀ ਇਕੋ ਦਿਨਇਕ ਹਜ਼ਾਰ ਤੋਂਵੱਧ ਕੇਸ, 29 ਮੌਤਾਂ
ਵਾਸ਼ਿੰਗਟਨ, 6 ਅਗਸਤ, (ਪੋਸਟ ਬਿਊਰੋ)- ਕੋਰੋਨਾ ਵਾਇਰਸ ਦੀ ਮਹਾਮਾਰੀ ਨਾਲ ਇਸ ਵੇਲੇ ਪੂਰੀ ਦੁਨੀਆ ਦੁਖੀ ਹੈ। ਹਾਲਾਤ ਏਨੇ ਖਰਾਬ ਹੋ ਚੁੱਕੇ ਹਨ ਕਿ ਹਰ 15 ਸਕਿੰਟ ਵਿੱਚ ਕੋਰੋਨਾ ਤੋਂ ਪੀੜਤ ਇੱਕ ਮਰੀਜ਼ ਦੀ ਮੌਤ ਹੋ ਰਹੀ ਹੈ ਅਤੇ ਇਸ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਸੰਸਾਰ ਭਰ ਵਿੱਚ ਸੱਤ ਲੱਖ ਤੋਂਵੀ ਟੱਪ ਗਈ ਹੈ।
ਅੱਜ ਭਾਰਤ ਵਿੱਚ ਛੇ ਅਗਸਤ ਵੀਰਵਾਰ ਸਵੇਰ ਹੋਣ ਤੱਕ ਸੰਸਾਰ ਭਰ ਵਿੱਚ ਕੋਰੋਨਾ ਦੇ ਕੇਸਾਂ ਦੀ ਕੁੱਲ ਗਿਣਤੀ 1,89,28,352 ਹੋ ਚੁੱਕੀ ਹੈ, ਜਦ ਕਿ ਮੌਤਾਂ ਦੀ ਗਿਣਤੀ 7 ਲੱਖ ਨੌਂ ਹਜ਼ਾਰ 318 ਹੋ ਚੁੱਕੀ ਹੈ। ਸਭ ਤੋਂ ਵੱਧ ਪ੍ਰਭਾਵਤ ਹੋਏ ਦੇਸ਼ ਅਮਰੀਕਾ ਵਿੱਚ ਮੌਤਾਂ ਦੀ ਗਿਣਤੀ 1 ਲੱਖ 61,447, ਬ੍ਰਾਜ਼ੀਲ ਵਿੱਚ 97,288 ਤੇ ਮੈਕਸੀਕੋ ਵਿੱਚ ਮੌਤਾਂ ਦੀ ਗਿਣਤੀ 48,869 ਦੱਸੀ ਗਈ ਹੈ। ਇਸ ਤੋਂ ਬਾਅਦ ਬਰਤਾਨੀਆ ਵਿੱਚ 46,464 ਮੌਤਾਂ ਹੋ ਚੁੱਕੀਆਂ ਹਨ, ਪਰ ਪਿਛਲੇ ਕੁਝ ਹਫਤਿਆਂ ਤੋਂ ਓਥੇ ਮੌਤਾਂ ਦਾ ਵਧਣਾ ਲਗਭਗ ਰੁਕ ਚੁੱਕਾ ਜਾਪਣ ਲੱਗ ਪਿਆ ਹੈ। ਪੰਜਵੇਂ ਥਾਂ ਭਾਰਤ ਵਿੱਚ ਮੌਤਾਂ ਦੀ ਗਿਣਤੀ 40,739 ਹੋ ਚੁੱਕੀ ਹੈ ਅਤੇ ਏਥੇ ਕੇਸਾਂ ਅਤੇ ਮੌਤਾਂ ਦਾ ਵਧਣਾ ਵੀ ਲਗਾਤਾਰ ਜਾਰੀ ਹੈ।
ਖਬਰ ਏਜੰਸੀ ਰਾਇਟਰ ਦੇ ਬੀਤੇ ਦੋ ਹਫ਼ਤਿਆਂ ਦੇ ਡਾਟੇ ਤੋਂ ਜ਼ਾਹਿਰ ਹੁੰਦਾ ਹੈ ਕਿ ਇਸ ਸਮੇਂ ਹਰ 24 ਘੰਟੇ ਵਿੱਚ ਔਸਤਨ ਕਰੀਬ 5,900 ਲੋਕਾਂ ਦੀ ਮੌਤ ਹੋ ਰਹੀ ਹੈ, ਇਸ ਦਾ ਅਰਥ ਹੈ ਕਿ ਹਰ 15 ਸੈਕਿੰਡ ਵਿੱਚ ਇਕ ਵਿਅਕਤੀਦੀ ਮੌਤ ਹੋ ਰਹੀ ਹੈ। ਦੁਨੀਆ ਵਿੱਚ ਕੋਰੋਨਾ ਦਾ ਸਭ ਤੋਂ ਵੱਡਾ ਕਹਿਰ ਅਮਰੀਕਾ ਵਿੱਚ ਪੈ ਰਿਹਾ ਹੈ ਤੇਏਥੇ ਕੈਲੀਫੋਰਨੀਆ, ਟੈਕਸਾਸ ਤੇ ਫਲੋਰੀਡਾ ਸਮੇਤ ਕਈ ਰਾਜਾਂ ਵਿੱਚਇਸ ਦੀ ਮਾਰ ਵਧੀ ਜਾ ਰਹੀ ਹੈ। ਅਮਰੀਕਾ ਵਿੱਚ ਇਸ ਸਮੇਂ ਰੋਜ਼ ਇਕ ਹਜ਼ਾਰ ਤੋਂਵੱਧਲੋਕਾਂ ਦੀ ਮੌਤ ਹੋ ਰਹੀ ਹੈ।
ਭਾਰਤ ਦੇ ਮਹਾਰਾਸ਼ਟਰ ਵਿੱਚ ਕੋਰੋਨਾ ਦੇ ਕੇਸਾਂ ਅਤੇ ਮੌਤਾਂ ਦੀ ਗਿਣਤੀ ਸਭ ਤੋਂ ਵੱਧ ਹੈ ਤੇ ਬੁੱਧਵਾਰ ਸ਼ਾਮ ਤੱਕ ਓਥੇ ਮੌਤਾਂ ਦੀ ਗਿਣਤੀ 16,142 ਹੋ ਚੁੱਕੀ ਹੈ, ਜਦ ਕਿ ਬਹੁਤ ਪਿੱਛੋਂ ਬੀਮਾਰੀ ਦੀ ਮਾਰ ਹੇਠ ਆਏ ਤਾਮਿਲ ਨਾਡੂ ਵਿੱਚ ਅਚਾਨਕ ਇਸ ਦੀ ਮਾਰ ਵਧਣ ਕਾਰਨ ਇਹ ਗਿਣਤੀ 4349 ਤੱਕ ਚਲੀ ਗਈ ਹੈ। ਪਹਿਲਾਂ ਬਹੁਤ ਜਿ਼ਆਦਾ ਮਾਰ ਝੱਲਣ ਵਾਲੇ ਦਿੱਲੀ ਵਿੱਚ ਮੌਤਾਂ ਦਾ ਸਿਲਸਿਲਾ ਮੱਠਾ ਪੈ ਗਿਆ ਹੈ ਤੇ ਏਥੇ ਇਹ ਗਿਣਤੀ ਇਸ ਵਕਤ 4033 ਤੇ ਗੁਜਰਾਤ ਵਿੱਚ 2533 ਹੈ, ਪਰ ਕਰਨਾਟਕਾ ਵਿੱਚ ਇੱਕ ਦਮ ਮਾਰ ਵਧ ਜਾਣ ਨਾਲ ਮੌਤਾਂ ਦੀ ਗਿਣਤੀ 2704 ਹੋ ਗਈ ਹੈ।
ਪੰਜਾਬ ਵਿੱਚਬੁੱਧਵਾਰ ਦੀ ਸ਼ਾਮ ਤੱਕ ਕੋਰੋਨਾ ਦੇ ਕੇਸਾਂ ਦੀ ਗਿਣਤੀ 20 ਹਜ਼ਾਰ ਨੂੰ ਟੱਪ ਗਈ ਹੈ। ਬੁੱਧਵਾਰ ਇੱਕੋ ਦਿਨ ਇਸ ਰਾਜ ਵਿੱਚ ਰਿਕਾਰਡ 1015 ਲੋਕਾਂ ਕੋਰੋਨਾ ਦੇ ਪਾਜਿ਼ਟਿਵ ਮਿਲੇ ਅਤੇ ਚੌਵੀ ਘੰਟਿਆਂ ਵਿੱਚ 29 ਲੋਕਾਂ ਦੀ ਮੌਤ ਹੋਈ ਹੈ। ਪੰਜਾਬ ਵਿੱਚਇਸ ਵਕਤ ਤੱਕ ਕੇਸਾਂ ਦੀ ਗਿਣਤੀ 20,518ਅਤੇ ਮੌਤਾਂ ਦੀ ਗਿਣਤੀ 496ਦੱਸੀ ਗਈ ਹੈ।