ਜੂਨ ਦੇ ਮੁਕਾਬਲੇ ਜੁਲਾਈ ਵਿੱਚ 6æ2 ਫੀ ਸਦੀ
ਵਧੀ ਗੱਡੀਆਂ ਦੀ ਵਿੱਕਰੀ

ਟੋਰਾਂਟੋ, 5 ਅਗਸਤ (ਪੋਸਟ ਬਿਊਰੋ) : ਕੈਨੇਡਾ ਵਿੱਚ ਜੁਲਾਈ ਦੇ ਮਹੀਨੇ ਗੱਡੀਆਂ ਦੀ ਵਿੱਕਰੀ ਦਾ ਰੁਝਾਨ ਠੀਕ ਰਿਹਾ, ਇਸ ਨਾਲ ਕੋਵਿਡ-19 ਮਹਾਂਮਾਰੀ ਕਾਰਨ ਇਸ ਸਾਲ ਦੇ ਸ਼ੁਰੂਆਤੀ ਮਹੀਨਿਆਂ ਦੇ ਮੁਕਾਬਲੇ ਰਿਕਵਰੀ ਸਥਿਰ ਹੋ ਸਕੀ|
ਡੈਸਰੋਜ਼ੀਅਰ ਆਟੋਮੋਟਿਵ ਕੰਸਲਟੈਂਟਸ ਇਨਕਾਰਪੋਰੇਸ਼ਨ ਦਾ ਕਹਿਣਾ ਹੈ ਕਿ ਜੁਲਾਈ ਦੇ ਮਹੀਨੇ 165,020 ਗੱਡੀਆਂ ਦੀ ਵਿੱਕਰੀ ਹੋਈ ਜੋ ਕਿ ਜੂਨ ਦੇ ਮਹੀਨੇ ਨਾਲੋਂ 6æ2 ਫੀ ਸਦੀ ਵੱਧ ਸੀ| ਕੰਸਲਟੈਂਸੀ ਨੇ ਆਖਿਆ ਕਿ ਭਾਵੇਂ ਇਹ ਅੰਕੜੇ ਪਿਛਲੇ ਸਾਲ ਦੇ ਇਸੇ ਅਰਸੇ ਦੇ ਮੁਕਾਬਲੇ 4æ9 ਫੀ ਸਦੀ ਘੱਟ ਹਨ ਪਰ ਫਿਰ ਵੀ ਕੈਨੇਡਾ ਦੇ ਆਟੋਮੋਟਿਵ ਇਤਿਹਾਸ ਵਿੱਚ ਇਹ ਇਸ ਪੱਖੋਂ ਸੱਤਵੀਂ ਬਿਹਤਰੀਨ ਜੁਲਾਈ ਰਹੀ|
ਡੈਸਰੋਜ਼ੀਅਰ ਨੇ ਪਾਇਆ ਕਿ ਅਪਰੈਲ ਵਿੱਚ ਗੱਡੀਆਂ ਦੀ ਵਿੱਕਰੀ ਇੱਕ ਦਮ ਹੇਠਲੇ ਪਾਇਦਾਨ ਉੱਤੇ ਆਉਣ ਤੋਂ ਬਾਅਦ, ਗੱਡੀਆਂ ਦੀ ਵਿੱਕਰੀ ਵਿੱਚ ਅਗਲੇ ਮਹੀਨਿਆਂ ਵਿੱਚ ਕ੍ਰਮਵਾਰ 147 ਫੀ ਸਦੀ ਤੇ 37æ3 ਫੀ ਸਦੀ ਵਾਧਾ ਹੋਇਆ ਤੇ ਜੁਲਾਈ ਵਿੱਚ ਤਾਂ ਸਥਿਤੀ ਕਾਫੀ ਸੰਭਲ ਗਈ|