ਨਵੀਂ ਦਿੱਲੀ, 5 ਅਗਸਤ (ਪੋਸਟ ਬਿਊਰੋ)- ਆਰਥਿਕ ਸੰਕਟ ਵਿੱਚ ਫਸੀ ਟੈਲੀਕਾਮ ਕੰਪਨੀ ਵੋਡਾਫੋਨ ਆਈਡੀਆ ਅੱਗੇ ਇੱਕ ਨਵੀਂ ਮੁਸੀਬਤ ਆ ਗਈ ਹੈ। ਟੈਲੀਕਾਮ ਯੰਤਰ ਬਣਾਉਣ ਵਾਲੀ ਨੋਕੀਆ, ਏਰਿਕਸਨ, ਹੁਵਾਵੇਈ ਅਤੇ ਜੈੱਡ ਟੀ ਈ ਵਰਗੀਆਂ ਕੰਪਨੀਆਂ ਨੇ ਵੋਡਾਫੋਨ-ਆਈਡੀਆ ਤੋਂ 4ਜੀ ਯੰਤਰ ਦੇ ਆਰਡਰ ਲੈਣਾ ਬੰਦ ਕਰ ਦਿੱਤਾ ਹੈ।
ਟੈਲੀਕਾਮ ਯੰਤਰ ਬਣਾਉਣ ਵਾਲੀ ਕੰਪਨੀਆਂ ਨੂੰ ਲੱਗਦਾ ਹੈ ਕਿ ਨਕਦੀ ਸੰਕਟ ਵਿੱਚ ਫਸੀ ਵੋਡਾਫੋਨ-ਆਈਡੀਆ ਤੋਂ ਪੈਸੇ ਮਿਲਣ ਵਿੱਚ ਉਨ੍ਹਾਂ ਨੂੰ ਦਿੱਕਤ ਆ ਸਕਦੀ ਹੈ। ਇਸ ਕਾਰਨ ਵੋਡਾਫੋਨ ਆਈਡੀਆ ਦਾ ਐਕਸਪੈਂਸ਼ਨ ਪਲਾਨ ਵੀ ਪ੍ਰਭਾਵਿਤ ਹੋ ਰਿਹਾ ਹੈ। ਸੇਵਾ 'ਚ ਕਮੀ ਕਾਰਨ ਵੋਡਾਫੋਨ-ਆਈਡੀਆ ਨੂੰ ਛੱਡਣ ਵਾਲੇ ਗਾਹਕਾਂ ਦੀ ਗਿਣਤੀ ਵੀ ਲਗਾਤਾਰ ਵਧ ਰਹੀ ਹੈ। ਆਰਥਿਕ ਸੰਕਟ ਵਿੱਚ ਫਸੀ ਕੰਪਨੀ ਨੇ 22 ਸਰਕਲ ਦੇ ਕੰਮ ਨੂੰ 10 ਸਰਕਲ ਵਿੱਚ ਸਮੇਟ ਦਿੱਤਾ ਹੈ ਅਤੇ ਇਸ ਕਾਰਨ ਅੰਦਾਜ਼ਾ ਲਾਇਆ ਜਾ ਰਿਹਾ ਹੈ ਕਿ ਕੰਪਨੀ ਤੋਂ 1500 ਲੋਕਾਂ ਦੀ ਛਾਂਟੀ ਕੀਤੀ ਜਾ ਚੁੱਕੀ ਹੈ।
ਇਸ ਕੰਪਨੀ ਦੇ ਇੱਕ ਅਧਿਕਾਰੀ ਨੇ ਕਿਹਾ ਕਿ ਪਿਛਲੇ ਛੇ ਮਹੀਨੇ ਤੋਂ ਵੋਡਾਫੋਨ-ਆਈਡੀਆ ਆਪਣੇ ਕਾਰੋਬਾਰ ਦਾ ਮੁੜ ਗਠਨ ਕਰ ਰਹੀ ਹੈ। ਟੈਲੀਕਾਮ ਯੰਤਰ ਬਣਾਉਣ ਦੇ ਲਈ ਯੂਰਪ ਦੇ ਵੈਂਡਰ ਵਿੱਚੋਂ ਨਵੇਂ ਆਰਡਰ ਤੋਂ ਪਹਿਲਾਂ ਸਕਿਓਰਿਟੀ ਦੇ ਰੂਪ 'ਚ ਕੁਝ ਰਕਮ ਲੈਣ ਦਾ ਫੈਸਲਾ ਕੀਤਾ ਹੈ। ਚੀਨੀ ਵੈਂਡਰ ਦਾ ਪੇਮੈਂਟ ਪਲਾਨ ਥੋੜਾ ਫਲੈਕਸੀਬਲ ਸੀ ਪਰ ਉਨ੍ਹਾਂ ਨੇ ਵੀ ਨਵੇਂ ਆਰਡਰ ਲੈਣੇ ਬੰਦ ਕਰ ਦਿੱਤੇ ਹਨ। ਨੋਕੀਆ ਅਤੇ ਐਰਿਕਸਨ ਵਰਗੀਆਂ ਯੂਰਪੀ ਕੰਪਨੀਆਂ ਨੇ ਵੋਡਾਫੋਨ ਆਈਡੀਆ ਲਈ ਪੁਰਾਣੇ ਆਰਡਰ ਵਾਸਤੇ ਬੈਂਕ ਦੇ ਕੈ੍ਰਡਿਟ ਲੈਟਰ ਆਪਣੇ ਕੋਲ ਰੱਖੇ ਹਨ ਅਤੇ ਨਵੇਂ ਆਰਡਰ ਲਈ ਫਿਰ ਏਦਾਂ ਦੀ ਸਿਕਿਓਰਿਟੀ ਦੀ ਮੰਗ ਰਹੀਆਂ ਹਨ। ਵੋਡਾਫੋਨ ਆਈਡੀਆ ਲਈ ਇਹ ਬਹੁਤ ਮੁਸ਼ਕਲ ਕੰਮ ਹੈ। ਪਿੱਛੇ ਜਿਹੇ ਵੋਡਾਫੋਨ ਆਈਡੀਆ ਨੇ ਸੁਪਰੀਮ ਕੋਰਨਰ ਨੂੰ ਦੱਸਿਆ ਸੀ ਕਿ ਕੋਈ ਵੀ ਬੈਂਕ ਗਾਰੰਟੀ ਦੇਣ ਲਈ ਤਿਆਰ ਨਹੀਂ ਹੈ ਕਿਉਂਕਿ ਮਾਰਚ ਦੇ ਅਖੀਰ ਤੱਕ ਉਨ੍ਹਾਂ ਦਾ ਕਰਜ਼ਾ 1,12,520 ਕਰੋੜ ਰੁਪਏ 'ਤੇ ਪਹੁੰਚ ਗਿਆ ਸੀ।