ਸਾਨ ਫਰਾਂਸਿਸਕੋ, 5 ਅਗਸਤ (ਪੋਸਟ ਬਿਊਰੋ)- ਅਮਰੀਕਾ 'ਚ ਭਾਰਤੀ ਮੂਲ ਦੀ ਮਹਿਲਾ ਖੋਜ ਵਿਗਿਆਨੀ ਦਾ ਕਤਲ ਕਰ ਦਿੱਤਾ ਗਿਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ 43 ਸਾਲਾ ਸਰਮਿਸ਼ਟਾ ਸੇਨ ਉੱਤੇ ਉਸ ਵੇਲੇ ਜਾਨਲੇਵਾ ਹਮਲਾ ਕੀਤਾ ਗਿਆ ਜਦੋਂ ਉਹ ਸਵੇਰੇ ਕਸਰਤ ਕਰਨ ਲਈ ਦੌੜ ਰਹੀ ਸੀ।
ਪੁਲਸ ਦਾ ਕਹਿਣਾ ਹੈ ਕਿ ਕਤਲ ਦੀ ਜਾਂਚ ਦੇ ਘੇਰੇ ਵਿੱਚ ਆਇਆ ਇੱਕ ਸ਼ੱਕੀ ਗ਼੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਸਰਮਿਸ਼ਟਾ ਸੇਨ ਦੇ ਭਰਾ ਸੁਮਿਤ ਸੇਨ ਦੱਸਿਆ ਕਿ ਸਰਮਿਸ਼ਟਾ ਇੱਕ ਫਾਰਮਾਸਿਸਟ ਤੇ ਖੋਜਕਰਤਾ ਸੀ ਜਿਸ ਨੇ ਐਟਮੀ ਜੀਵ ਵਿਗਿਆਨ ਦਾ ਅਧਿਐਨ ਕੀਤਾ ਅਤੇ ਕੈਂਸਰ ਦੇ ਮਰੀਜ਼ਾਂ ਨਾਲ ਲੰਮਾ ਸਮਾਂ ਕੰਮ ਕੀਤਾ ਸੀ। ਸਵੇਰੇ ਕਰੀਬ ਸੱਤ ਵਜੇ ਕਿਸੇ ਨੇ ਸਰਮਿਸ਼ਟਾ ਦੀ ਲਾਸ ਨਦੀ ਵਿੱਚ ਤਰਦੀ ਦੇਖ ਕੇ ਪੁਲਸ ਨੂੰ ਦੱਸਿਆ। ਪੁਲਸ ਦਾ ਕਹਿਣਾ ਹੈ ਕਿ ਕਤਲ ਦੇ ਸਮੇਂ ਹੀ ਮਾਈਕਲ ਡਰਾਈਵ ਦੇ 3400 ਬਲਾਕ 'ਤੇ ਨੇੜਲੇ ਇੱਕ ਘਰ ਦੇ ਅੰਦਰ ਵੀ ਤੋੜ-ਭੰਨ ਹੋਈ ਸੀ। ਪੁਲਸ ਨੇ ਚੋਰੀ ਦੇ ਦੋਸ਼ 'ਚ 29 ਸਾਲਾ ਬੈਕਰੀ ਮਾਨਕੀਫ ਨੂੰ ਗ਼੍ਰਿਫ਼ਤਾਰ ਕੀਤਾ ਸੀ ਅਤੇ ਕਿਹਾ ਇਹ ਸਰਮਿਸ਼ਟਾ ਦੇ ਕਤਲ ਦਾ ਵੀ ਸ਼ੱਕੀ ਹੈ।