* ਚੌਵੀ ਘੰਟਿਆਂ ਦੌਰਾਨ ਸਾਢੇ ਅੱਠ ਸੌ ਦੇ ਕਰੀਬ ਮੌਤਾਂ
* ਪੰਜਾਬ ਵਿੱਚ ਕੋਰੋਨਾ ਦੇ ਕੇਸ 19 ਹਜ਼ਾਰ ਤੋਂ ਟੱਪੇ
ਨਵੀਂ ਦਿੱਲੀ, 5 ਅਗਸਤ, (ਪੋਸਟ ਬਿਊਰੋ)-ਅੱਜ ਭਾਰਤ ਵਿੱਚ ਬੁੱਧਵਾਰ ਦੀ ਸਵੇਰ ਹੋਣ ਤੱਕ ਕੋਰੋਨਾ ਵਾਇਰਸ ਵਾਲੇ ਕੇਸਾਂ ਦੀ ਗਿਣਤੀ 19 ਲੱਖ ਤੋਂ ਟੱਪ ਗਈ ਤੇ ਸਿਰਫ ਚੌਵੀ ਘੰਟਿਆਂ ਵਿੱਚ 849 ਮੌਤਾਂ ਹੋਣ ਨਾਲ ਮਰਨ ਵਾਲੇ ਲੋਕਾਂ ਦੀ ਗਿਣਤੀ ਵੀ 39,820 ਨੂੰ ਪਹੁੰਚ ਗਈ ਹੈ। ਭਾਰਤ ਦੇ ਇੱਕ ਹੋਰ ਕੇਂਦਰੀ ਮੰਤਰੀ ਧਰਮੇਂਦਰ ਪ੍ਰਧਾਨ ਤੇ ਕਰਨਾਟਕ ਰਾਜ ਦੇ ਸਾਬਕਾ ਮੁੱਖ ਮੰਤਰੀ ਸਿੱਦਾਰਮੱਈਆ ਵੀ ਕੋਰੋਨਾ ਵਾਇਰਸ ਤੋਂ ਇਨਫੈਕਟਿਡ ਹੋ ਗਏ ਹਨ।
ਇਸ ਦੌਰਾਨ ਪੰਜਬ ਵਿੱਚ ਕੋਰੋਨਾ ਦੇ ਕੇਸਾਂ ਦੀ ਗਿਣਤੀ ਲਗਾਤਾਰ ਵਧ ਰਹੀ ਹੈ। ਬੀਤੇ ਮੰਗਲਵਾਰ 15 ਲੋਕਾਂ ਦੀ ਮੌਤ ਹੋਣ ਦੇ ਨਾਲ 492 ਨਵੇਂ ਕੇਸ ਮਿਲੇ ਹਨ, ਜਿਨ੍ਹਾਂ ਵਿੱਚ ਜ਼ਿਲ੍ਹਾ ਕਪੂਰਥਲਾ ਪੁਲਸ ਦੇ ਇਕ ਡੀ ਐੱਸ ਪੀ ਅਤੇ ਇਕ ਐੱਸ ਐੱਚਓ ਸ਼ਾਮਲ ਹਨ। ਨਵੇਂ ਕੇਸਾਂ ਵਿੱਚ ਸਭ ਤੋਂਵੱਧ 142 ਲੁਧਿਆਣਾਤੋਂ ਮਿਲੇ ਹਨ। ਤੇ ਲੁਧਿਆਣਾ ਵਿੱਚਸਭ ਤੋਂਵੱਧ ਛੇ ਲੋਕਾਂ ਦੀ ਇੱਕੋ ਦਿਨ ਮੌਤ ਹੋਈ ਹੈ। ਪਟਿਆਲਾ ਵਿੱਚ ਪੰਜ, ਜਲੰਧਰ ਵਿੱਚ ਦੋ, ਮਾਨਸਾ ਤੇ ਸੰਗਰੂਰ ਵਿੱਚ ਇਕ-ਇਕ ਮਰੀਜ਼ ਨੇ ਮੌਤ ਹੋਣ ਦੀ ਖਬਰ ਮਿਲੀ ਹੈ।
ਸਮੁੱਚੇ ਭਾਰਤ ਵਿੱਚਅੱਜ ਬੁੱਧਵਾਰ ਦੀ ਸਵੇਰ ਹੋਣ ਤੱਕ 19 ਲੱਖ, 6 ਹਜ਼ਾਰ, 613 ਲੋਕ ਕੋਰੋਨਾ ਤੋਂ ਪੀੜਤ ਹੋ ਚੁੱਕੇ ਹਨ, ਜਿਨ੍ਹਾਂਵਿੱਚੋਂ39,820 ਲੋਕਾਂ ਦੀ ਮੌਤ ਹੋਈ ਹੈ। ਦੂਸਰੇ ਪਾਸੇ ਦੁਨੀਆ ਭਰ ਵਿੱਚ 1 ਕਰੋੜ, 86 ਲੱਖ, 67 ਹਜ਼ਾਰ, 151 ਲੋਕ ਕੋਰੋਨਾ ਤੋਂ ਪੀੜਿਤ ਹੋ ਚੁੱਕੇ ਹਨ, ਜਿਨ੍ਹਾਂ ਵਿੱਚੋਂ 6,98,509 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।