ਪੋਰਟਰ ਏਅਰਲਾਈਨ ਨੇ ਸੇਵਾਵਾਂ ਸ਼ੁਰੂ ਕਰਨ
ਦੀ ਤਰੀਕ ਅੱਗੇ ਪਾਈ

ਟੋਰਾਂਟੋ, 4 ਅਗਸਤ (ਪੋਸਟ ਬਿਊਰੋ) : ਪੋਰਟਰ ਏਅਰਲਾਈਨਜ਼ ਵੱਲੋਂ ਇੱਕ ਵਾਰੀ ਫਿਰ ਆਪਣੀਆਂ ਸੇਵਾਵਾਂ ਸ਼ੁਰੂ ਕਰਨ ਦੀ ਤਰੀਕ ਅਗੇ ਪਾ ਦਿੱਤੀ ਗਈ ਹੈ|
ਏਅਰਲਾਈਨ ਵੱਲੋਂ 31 ਅਗਸਤ ਤੋਂ ਆਪਣੀਆਂ ਸੇਵਾਵਾਂ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਗਿਆ ਸੀ ਪਰ ਹੁਣ ਇਸ ਏਅਰਲਾਈਨ ਨੇ 7 ਅਕਤੂਬਰ ਤੱਕ ਇਸ ਫੈਸਲੇ ਨੂੰ ਅੱਗੇ ਵਧਾ ਦਿੱਤਾ ਹੈ| ਕੰਪਨੀ ਨੇ ਦੱਸਿਆ ਕਿ ਕੈਨਡਾ-ਅਮਰੀਕਾ ਸਰਹੱਦ ਬੰਦ ਹੋਣ ਕਾਰਨ ਤੇ ਐਟਲਾਂਟਿਕ ਕੈਨੇਡਾ ਟਰੈਵਲ ਵਿੱਚ ਆਈ ਖੜੋਤ ਸਦਕਾ ਹੀ ਉਨ੍ਹਾਂ ਵੱਲੋਂ ਇਹ ਫੈਸਲਾ ਲਿਆ ਗਿਆ ਹੈ|
ਪੋਰਟਰ ਏਅਰਲਾਈਨ ਦੇ ਪ੍ਰੈਜ਼ੀਡੈਂਟ ਤੇ ਸੀਈਓ ਨੇ ਇੱਕ ਬਿਆਨ ਜਾਰੀ ਕਰਕੇ ਆਖਿਆ ਕਿ ਅਸੀਂ ਐਨੀ ਦੇਰ ਤੱਕ ਕਦੇ ਵੀ ਆਪਣਾ ਕੰਮਕਾਜ ਬੰਦ ਨਹੀਂ ਸੀ ਕੀਤਾ| ਮੰਦਭਾਗੀ ਗੱਲ ਇਹ ਹੈ ਕਿ ਟਰੈਵਲ ਸਬੰਧੀ ਪਾਬੰਦੀਆਂ ਕਾਰਨ ਬਹੁਤੇ ਲੋਕੀਂ ਆਪੋ ਆਪਣੇ ਘਰਾਂ ਵਿੱਚ ਹੀ ਬੰਦ ਹਨ ਤੇ ਇਨ੍ਹਾਂ ਪਾਬੰਦੀਆਂ ਵਿੱਚ ਹਾਲ ਦੀ ਘੜੀ ਛੋਟ ਮਿਲਣ ਦੀ ਵੀ ਕੋਈ ਗੁੰਜਾਇਸ਼ ਨਜ਼ਰ ਨਹੀਂ ਆ ਰਹੀ| ਉਨ੍ਹਾਂ ਆਖਿਆ ਕਿ ਹਾਲਾਤ ਨੂੰ ਧਿਆਨ ਵਿੱਚ ਰੱਖਕੇ ਹੀ ਅਗਲਾ ਫੈਸਲਾ ਲਿਆ ਜਾਵੇਗਾ| ਮਹਾਂਮਾਰੀ ਕਾਰਨ ਸੇਵਾਵਾਂ 21 ਮਾਰਚ ਤੋਂ ਹੀ ਸਸਪੈਂਡ ਚੱਲ ਰਹੀਆਂ ਹਨ|