ਲਖਨਊ, 3 ਅਗਸਤ (ਪੋਸਟ ਬਿਊਰੋ)- ਰਾਮ ਜਨਮ ਭੂਮੀ ਤੀਰਥ ਕਸ਼ੇਤਰ ਟਰੱਸਟ ਦੇ ਮੈਂਬਰ ਕਾਮੇਸ਼ਵਰ ਚੌਪਾਲ ਨੇ ਮਹਾਮੰਡਲੇਸ਼ਵਰ ਕਨ੍ਹਈਆ ਪ੍ਰਭੂਨੰਦਨ ਗਿਰੀ ਦੇ ਉਨ੍ਹਾਂ ਦੋਸ਼ਾਂ ਦਾ ਖੰਡਨ ਕੀਤਾ ਹੈ ਕਿ ਸੰਤ ਦਲਿਤ ਨਹੀਂ ਹੁੰਦਾ।
ਟਰੱਸਟ ਵਿੱਚ ਦਲਿਤਾਂ ਨੂੰ ਸ਼ਾਮਲ ਕਰਨ ਬਾਰੇ ਚੌਪਾਲ ਨੇ ਕਿਹਾ ਕਿ ਮੈਂ ਦਲਿਤ ਹਾਂ ਅਤੇ ਮੈਨੂੰ ਟਰੱਸਟ ਦਾ ਮੈਂਬਰ ਬਣਾਇਆ ਗਿਆ ਹੈ। ਪ੍ਰਯਾਗਰਾਜ ਦੇ ਮਹਾਮੰਡਲੇਸ਼ਵਰ ਕਨ੍ਹਈਆ ਪ੍ਰਭੂਨੰਦਨ ਗਿਰੀ ਨੇ ਪਿੱਛੇ ਜਿਹੇ ਦੋਸ਼ ਲਾਇਆ ਸੀ ਕਿ ਦਲਿਤ ਸੰਤਾਂ ਨੂੰ ਪੰਜ ਅਗਸਤ ਨੂੰ ਹੋ ਰਹੇ ਭੂਮੀ ਪੂਜਨ ਦੀਆਂ ਰਸਮਾਂ ਵਿੱਚ ਨਜ਼ਰ ਅੰਦਾਜ਼ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਸੀ ਕਿ ਕਿਸੇ ਨੂੰ ਸੱਦਾ ਨਹੀਂ ਭੇਜਿਆ ਗਿਆ। ਸਵਾਮੀ ਕਨ੍ਹਈਆ ਦੇ ਦੋਸ਼ ਲਾਇਆ ਸੀ ਕਿ ਕਿਸੇ ਦਲਿਤ ਨੂੰ ਟਰੱਸਟ ਦਾ ਮੈਂਬਰ ਵੀ ਨਹੀਂ ਬਣਾਇਆ ਗਿਆ। ਬਹੁਜਨ ਸਮਾਜ ਪਾਰਟੀ ਦੀ ਮੁਖੀ ਮਾਇਆਵਤੀ ਨੇ ਵੀ ਇਸ ਤੋਂੇ ਨਾਖੁਸ਼ੀ ਪ੍ਰਗਟਾਈ ਸੀ। ਚੌਪਾਲ ਨੇ ਕਿਹਾ ਕਿ ਇਨ੍ਹਾਂ ਦੋਸ਼ਾਂ ਪਿੱਛੇ ਭਰੋਸੇ ਦੀ ਕਮੀ ਝਲਕਦੀ ਹੈ। ਉਨ੍ਹਾਂ ਕਿਹਾ ਕਿ ਮਹਾਮੰਡਲੇਸ਼ਵਰ ਖੁਦ ਨਹੀਂ ਬਣ ਸਕਦਾ, ਇਸ ਦੀ ਨਿਯੁਕਤੀ ਅਖਾੜਾ ਕੌਂਸਲ ਕਰਦੀ ਹੈ। ਮੈਰਿਟ ਦੇ ਆਧਾਰ ਉੱਤੇ ਸਭ ਹੁੰਦਾ ਹੈ ਤੇ ਅਖਾੜਾ ਪ੍ਰੀਸ਼ਦ ਕਿਸੇ ਵੀ ਸੰਤ ਨੂੰ ਜਾਤ ਦੀ ਤੱਕੜੀ ਵਿੱਚ ਨਹੀਂ ਤੋਲਦੀ।