ਅਭਿਨੇਤਾ ਤੇ ਫਿਲਮੇਕਰ ਅਜੈ ਦੇਵਗਨ ਨੇ ਗਲਵਾਨ ਘਾਟੀ ਸੰਘਰਸ਼ 'ਤੇ ਫਿਲਮ ਬਣਾਉਣ ਦਾ ਐਲਾਨ ਕਰ ਦਿੱਤਾ ਹੈ। ਟ੍ਰੇਡ ਐਨਾਲਿਸਟ ਤਰੁਣ ਆਦਰਸ਼ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੇ ਇਹ ਜਾਣਕਾਰੀ ਦਿੰਦੇ ਹੋਏ ਲਿਖਿਆ, ਇਹ ਰਸਮੀ ਐਲਾਨ ਹੈ। ਅਜੈ ਦੇਵਗਨ ਗਲਵਾਨ ਵੈਲੀ ਝੜਪ 'ਤੇ ਫਿਲਮ ਬਣਾਉਣਗੇ। ਫਿਲਮ ਦਾ ਟਾਈਟਲ ਅਜੇ ਤੈਅ ਨਹੀਂ ਹੋਇਆ। ਇਹ ਉਨ੍ਹਾਂ ਵੀਹ ਭਾਰਤੀ ਜਵਾਨਾਂ ਦੇ ਬਲਿਦਾਨ ਦੀ ਕਹਾਣੀ ਦਿਖਾਏਗੀ, ਜਿਹੜੇ ਚੀਨੀ ਫੌਜ ਨਾਲ ਝੜਪ ਦੌਰਾਨ ਮਾਰੇ ਗਏ ਸਨ। ਅਜੇ ਫਿਲਮ ਦੀ ਸਟਾਰ ਕਾਸਟ ਫਾਈਨਲ ਨਹੀਂ ਹੋਈ। ਇਸ ਦੇ ਨਾਲ ਇਹ ਵੀ ਸਪੱਸ਼ਟ ਨਹੀਂ ਹੈ ਕਿ ਅਜੈ ਫਿਲਮ ਵਿੱਚ ਐਕਟਿੰਗ ਕਰਨਗੇ ਜਾਂ ਨਹੀਂ, ਪਰ ਇਸ ਨੂੰ ਉਨ੍ਹਾਂ ਪ੍ਰੋਡਕਸ਼ਨ ਹਾਊਸ ਹੀ ਇੱਕ ਹੋਰ ਪ੍ਰੋਡਕਸ਼ਨ ਹਾਊਸ ਦੇ ਨਾਲ ਮਿਲ ਕੇ ਪ੍ਰੋਡਿਊਸ ਕਰੇਗਾ।
ਇਸ ਦੇ ਨਾਲ ਹੀ ਅਜੈ ਨੇ ਦੇਵਗਨ ਆਪਣੀ ਅਗਲੀ ਫਿਲਮ ‘ਮੈਦਾਨ’ ਦੀ ਰਿਲੀਜ਼ ਤਰੀਕ ਵੀ ਐਲਾਨ ਕੀਤੀ ਹੈ। ਇਹ 13 ਅਗਸਤ 2021 ਨੂੰ ਸਿਨੇਮਾਘਰਾਂ ਵਿੱਚ ਆਏਗੀ। ਇਸ ਤੋਂ ਪਹਿਲਾਂ 29 ਜੂਨ ਨੂੰ ਉਨ੍ਹਾਂ ਨੇ ਆਪਣੀ ਇੱਕ ਹੋਰ ਫਿਲਮ ‘ਭੁਜ : ਦ ਪ੍ਰਾਈਡ ਆਫ ਇੰਡੀਆ’ ਦੀ ਰਿਲੀਜ਼ ਬਾਰੇ ਵੱਡਾ ਐਲਾਨ ਕੀਤਾ ਸੀ। ਇਹ ਫਿਲਮ ਜਲਦੀ ਓ ਟੀ ਟੀ ਪਲੇਟਫਾਰਮ 'ਤੇ ਰਿਲੀਜ਼ ਹੋਵੇਗੀ।