ਬੰਗਲੌਰ, 7 ਜੁਲਾਈ (ਪੋਸਟ ਬਿਊਰੋ)- ਅਮਰੀਕਾ ਨੇ ਆਪਣੇ ਦੇਸ਼ ਦੇ ਲੋਕਾਂ ਨੂੰ ਰੋਜ਼ਗਾਰ ਦਾ ਮੌਕਾ ਦੇਣ ਲਈ ਜੋ ਨੀਤੀ ਤੈਅ ਕੀਤੀ ਹੈ, ਉਸ ਦਾ ਅਸਰ ਭਾਰਤ `ਤੇ ਵੀ ਪੈਣ ਲੱਗ ਪਿਆ ਹੈ।
ਤਾਜ਼ਾ ਸੂਚਨਾ ਦੇ ਅਨੁਸਾਰ ਭਾਰਤ ਦੀ ਦੂਸਰੀ ਸਭ ਤੋਂ ਵੱਡੀ ਆਈ ਟੀ ਕੰਪਨੀ ਇੰਫੋਸਿਸ ਨੇ ਆਪਣੇ ਅਮਰੀਕਾ ਵਿਚ ਫਸੇ 200 ਕਰਮਚਾਰੀਆਂ ਨੂੰ ਬੰਗਲੌਰ ਯੂਨਿਟ ਵਿਚ ਸ਼ਿਫਟ ਕਰ ਦਿਤਾ ਹੈ। ਇਨ੍ਹਾਂ ਨੂੰ ਪਰਿਵਾਰਾਂ ਸਮੇਤ ਇਕ ਚਾਰਟਰਡ ਫਲਾਈਟ ਰਾਹੀਂ ਦੇਸ਼ ਲਿਆਂਦਾ ਗਿਆ ਹੈ। ਇਨ੍ਹਾਂ ਵਿੱਚੋਂ ਕੁਝ ਲੋਕਾਂ ਕੋਲ ਐਚ-1ਬੀ ਵੀਜਾ ਵੀ ਅਤੇ ਕੁਝ ਲੋਕ ਕੰਮ ਕਾਜ ਦੇ ਸਬੰਧ ਵਿਚ ਅਸਥਾਈ ਤੌਰ ਉੱਤੇ ਅਮਰੀਕਾ ਵਿੱਚ ਰਹਿ ਰਹੇ ਸਨ।
ਵਰਨਣ ਯੋਗ ਹੈ ਕਿ ਕੁਝ ਦਿਨ ਪਹਿਲਾਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਵਰਕ ਵੀਜ਼ਾ ਸਸਪੈਂਡ ਕਰਨ ਦਾ ਐਲਾਨ ਕੀਤਾ ਸੀ, ਜਿਸ ਤੋਂ ਬਗੈਰ ਕੋਈ ਵੀ ਗੈਰ ਅਮਰੀਕੀ ਉਸ ਦੇਸ਼ ਵਿਚ ਨੌਕਰੀ ਨਹੀਂ ਕਰ ਸਕਦਾ। ਏਸੇ ਨਵੇਂ ਐਲਾਨ ਕਾਰਨ ਭਾਰਤੀ ਕਾਮਿਆਂ `ਤੇ ਸੰਕਟ ਆ ਗਿਆ ਹੈ। ਭਾਰਤੀ ਕੰਪਨੀ ਇੰਨਫੋਸਿਸ ਨੂੰ ਅੰਤਰਾਸ਼ਟਰੀ ਕਾਰੋਬਾਰ ਦਾ 61.6 ਫੀਸਦੀ ਰੈਵਿਨਿਊ ਅਮਰੀਕਾ ਤੋਂ ਮਿਲਦਾ ਹੈ। ਇਸ ਨੇ ਅਮਰੀਕਾ ਵਿਚ ਪਿਛਲੇ 2 ਸਾਲਾਂ ਵਿਚ ਜੋ 10 ਹਜ਼ਾਰ ਕ੍ਰਮਚਾਰੀਆਂ ਦੀ ਭਰਤੀ ਕੀਤੀ ਸੀ, ਇਨ੍ਹਾਂ ਵਿੱਚੋਂ ਵਧੇਰੇ ਅਮਰੀਕੀ ਨਾਗਰਿਕ ਜਾਂ ਉਥੋਂ ਦੇ ਸਥਾਈ ਲੋਕ ਹਨ।