ਰਵੀ, ‘‘ਮੇਰੇ ਪਾਪਾ ਇੰਨੇ ਹੁਸ਼ਿਆਰ ਹਨ ਕਿ ਉਹ ਜਦੋਂ ਵੀ ਮਾਚਿਸ ਖਰੀਦਦੇ ਹਨ ਤਾਂ ਡੱਬੀ ਖੋਲ੍ਹ ਕੇ ਸਾਰੀਆਂ ਤੀਲੀਆਂ ਗਿਣਦੇ ਹਨ।”
ਸੁਨੀਲ, ‘‘ਇਹ ਤਾਂ ਕੁਝ ਵੀ ਨਹੀਂ। ਮੇਰੇ ਪਾਪਾ ਤਾਂ ਇੰਨੇ ਹੁਸ਼ਿਆਰ ਹਨ ਕਿ ਉਹ ਜਦੋਂ ਵੀ ਮਾਚਿਸ ਖਰੀਦਦੇ ਹਨ ਤਾਂ ਡੱਬੀ ਦੀਆਂ ਸਾਰੀਆਂ ਤੀਲੀਆਂ ਬਾਲ ਕੇ ਦੇਖਦੇ ਹਨ।”
*********
ਮਹਿੰਦਰ ਨੇ ਕੱਪੜਿਆਂ ਦੀ ਦੁਕਾਨ ਖੋਲ੍ਹੀ। ਇੱਕ ਰਾਤ ਉਸ ਨੇ ਸੁਫਨੇ ਵਿੱਚ ਦੇਖਿਆ ਕਿ ਇੱਕ ਗਾਹਕ 20 ਗਜ਼ ਕੱਪੜਾ ਮੰਗ ਰਿਹਾ ਹੈ। ਖੁਸ਼ ਹੋ ਕੇ ਉਸ ਨੇ ਥਾਨ ਨਾਲੋਂ ਕੱਪੜਾ ਪਾੜਨਾ ਸ਼ੁਰੂ ਕੀਤਾ।
ਉਸੇ ਵੇਲੇ ਪਤਨੀ ਜਾਗ ਗਈ ਅਤੇ ਚੀਕ ਕੇ ਬੋਲੀ, ‘‘ਇਹ ਕੀ ਕਰ ਰਹੇ ਹੋ? ਮੇਰੀ ਸਾੜ੍ਹੀ ਕਿਉਂ ਪਾੜ ਰਹੇ ਹੋ?”
ਮਹਿੰਦਰ ਨੀਂਦ ਵਿੱਚ ਬੁੜਬੁੜਾਇਆ, ‘‘ਕੰਬਖਤ! ਦੁਕਾਨ ਵਿੱਚ ਵੀ ਪਿੱਛਾ ਨਹੀਂ ਛੱਡਦੀ।”
*********
ਇੱਕ ਵਾਰ ਇੱਕ ਰੇਲ ਗੱਡੀ ਵਿੱਚ ਲਿਖਿਆ ਸੀ: ਰੇਲਵੇ ਤੁਹਾਡੀ ਆਪਣੀ ਜਾਇਦਾਦ ਹੈ।
ਇੱਕ ਚੋਰ ਨੇ ਇਹ ਪੜ੍ਹਿਆ ਤਾਂ ਪੱਖਾ ਲਾਹ ਲਿਆ ਅਤੇ ਲਿਖ ਦਿੱਤਾ: ਮੈਂ ਇਸ ਜਾਇਦਾਦ ਵਿੱਚੋਂ ਆਪਣਾ ਹਿੱਸਾ ਲਿਜਾ ਰਿਹਾ ਹਾਂ।