ਨਿਊ ਯਾਰਕ, 7 ਜੁਲਾਈ (ਪੋਸਟ ਬਿਊਰੋ)- ਕੋਰੋਨਾ ਵਾਇਰਸ ਦੀ ਵਧਦੀ ਤ੍ਰਾਸਦੀ ਨੂੰ ਦੇਖ ਕੇ ਦੁਨੀਆ ਵਿੱਚ ਵੈਕਸੀਨ 'ਤੇ ਤੇਜ਼ੀ ਨਾਲ ਕੰਮ ਕੀਤਾ ਜਾ ਰਿਹਾ ਹੈ। ਇਸ ਕੰਮ ਵਿੱਚ ਮਦਦ ਦੇ ਲਈ ਲੋਕ ਵੀ ਅੱਗੇ ਆ ਰਹੇ ਹਨ।
ਅਮਰੀਕਾ ਦੀ ਇੱਕ ਸੰਸਥਾ ਨੇ ਮੁਹਿੰਮ ਸ਼ੁਰੂ ਕੀਤੀ ਹੈ, ਜਿਸ ਕਾਰਨ ਅਜਿਹੇ ਲੋਕਾਂ ਦੀ ਸੂਚੀ ਤਿਆਰ ਕੀਤੀ ਜਾ ਰਹੀ ਹੈ, ਜੋ ਵੈਕਸੀਨ ਟਰਾਇਲ ਲਈ ਖੁਦ ਕੋਰੋਨਾ ਇਨਫੈਕਟਿਡ ਹੋਣ ਦੇ ਲਈ ਤਿਆਰ ਹਨ। ਵਨ ਡੇ ਸੂਨਰ ਸੰਸਥਾ ਦੀ ਇਸ ਮੁਹਿੰਮ ਤੋਂ 140 ਦੇਸ਼ਾਂ ਦੇ ਤੀਹ ਹਜ਼ਾਰ ਤੋਂ ਵੱਧ ਲੋਕ ਜੁੜ ਚੁੱਕੇ ਹਨ। ਅਜਿਹੇ ਵਲੰਟੀਅਰਾਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਰਿਪੋਰਟ ਮੁਤਾਬਕ ਆਮ ਤੌਰ 'ਤੇ ਵਿਗਿਆਨਕ ਟਰਾਇਲ ਦੇ ਦੌਰਾਨ ਤੰਦਰੁਸਤ ਲੋਕਾਂ ਨੂੰ ਵੈਕਸੀਨ ਦੀ ਖੁਰਾਕ ਦਿੰਦੇ ਹਨ ਤੇ ਫਿਰ ਉਨ੍ਹਾਂ ਨੂੰ ਸਮਾਜ ਵਿੱਚ ਰਹਿਣ ਲਈ ਛੱਡ ਦਿੰਦੇ ਹਨ। ਇਸ ਦੇ ਬਾਅਦ ਇੰਤਜ਼ਾਰ ਕੀਤਾ ਜਾਂਦਾ ਹੈ ਕਿ ਉਹ ਆਪਣੇ ਆਪ ਇਨਫੈਕਟਿਡ ਹੋਣ। ਇਸ ਤੋਂ ਉਸ ਇਨਸਾਨ ਦੇ ਸਰੀਰ ਦੀ ਪ੍ਰਤੀਕਿਰਿਆ ਦਾ ਪਤਾ ਲੱਗ ਸਕੇ। ਇਸ ਪੂਰੀ ਪ੍ਰਕਿਰਿਆ ਨੂੰ ਲੰਬਾ ਸਮਾਂ ਲੱਗਦਾ ਹੈ। ਅਜਿਹੇ ਵਿੱਚ ਵੈਕਸੀਨ ਨੂੰ ਬਾਜ਼ਾਰ ਵਿੱਚ ਆਉਣ ਵਿੱਚ ਦੇਰ ਹੋ ਸਕਦੀ ਹੈ। ਸੰਸਥਾ ਦਾ ਵਿਚਾਰ ਵਿਗਿਆਨੀਆਂ ਤੋਂ ਅਲੱਗ ਹੈ। ਉਨ੍ਹਾਂ ਨੇ ਕਿਹਾ ਕਿ ਸੰਸਥਾ ਹਿਊਮਨ ਚੈਲੇਂਜ ਲਈ ਤਿਆਰ ਹਨ, ਉਨ੍ਹਾਂ ਨੇ ਵੈਕਸੀਨ ਦਿੱਤੀ ਜਾਏ। ਅਜਿਹੇ ਵਿੱਚ ਵੈਕਸੀਨ ਦੇ ਨਤੀਜੇ ਜਲਦੀ ਪਤਾ ਲੱਗ ਸਕਣਗੇ। ਸੰਸਥਾ ਨੇ ਵਲੰਟੀਅਰਾਂ ਦੇ ਲਈ ਕਈ ਸ਼ਰਤਾਂ ਰੱਖੀਆਂ ਹਨ। ਇਸ ਦੇ ਤਹਿਤ ਸਿਰਫ ਜਵਾਨ ਅਤੇ ਤੰਦਰੁਸਤ ਲੋਕ ਹੀ ਰਜਿਸਟਰ ਕਰ ਸਕਦੇ ਹਨ। ਉਥੇ ਹੀ ਵਲੰਟੀਅਰਾਂ ਦਾ ਕਹਿਣਾ ਹੈ ਕਿ ਉਹ ਸਮਾਜ ਦੀ ਭਲਾਈ ਦੇ ਲਈ ਅਜਿਹਾ ਕਦਮ ਉਠਾ ਰਹੇ ਹਨ, ਉਹ ਚਾਹੰੁਦੇ ਹਨ ਕਿ ਵੈਕਸੀਨ ਜਲਦੀ ਆਏ ਅਤੇ ਲੱਖਾਂ ਲੋਕਾਂ ਦੀ ਜਾਨ ਬਚੇ।
ਰਿਪੋਰਟ ਦੇ ਮੁਤਾਬਕ ਅਜੇ ਤੱਕ ਕਿਸੇ ਦੇਸ਼ ਨੇ ਵੈਕਸੀਨ ਟਰਾਇਲ ਦੇ ਲਈ ਲੋਕਾਂ ਨੂੰ ਜਾਣਬੁੱਝ ਕੇ ਇਨਫੈਕਟਿਡ ਕਰਨ ਦੀ ਮਨਜ਼ੂਰੀ ਨਹੀਂ ਦਿੱਤੀ, ਕਿਉਂਕਿ ਇਹ ਟਰਾਇਲ ਕਈ ਲੋਕਾਂ ਲਈ ਜਾਨਲੇਵਾ ਹੋ ਸਕਦਾ ਹੈ। ਅਜਿਹੇ ਟਰਾਇਲ ਲਈ ਅਮਰੀਕੀ ਐੱਫ ਡੀ ਏ ਤੋਂ ਮਨਜ਼ੂਰੀ ਲੈਣੀ ਹੋਵੇਗੀ। ਇਸ ਤੋਂ ਪਹਿਲਾਂ ਮਲੇਰੀਆ ਅਤੇ ਹੈਜ਼ਾ ਦੀ ਵੈਕਸੀਨ ਤਿਆਰ ਕਰਨ ਦੇ ਦੌਰਾਨ ਹਿਊਮਨ ਚੈਲੇਂਜ ਟਰਾਇਲ ਕੀਤੇ ਗਏ ਸਨ। ਟਰਾਇਲ ਦੇ ਰਜਿਸਟਰਡ ਹੋਈ 29 ਸਾਲ ਦੀ ਐਪ੍ਰਿਲ ਸਿੰਪਕਿੰਸ ਕਹਿੰਦੀ ਹੈ ਕਿ ਉਹ ਸੋਚ ਰਹੀ ਸੀ, ਇਸ ਮੁਸ਼ਕਲ ਦੌਰ ਵਿੱਚ ਮਦਦ ਕਿਵੇਂ ਕਰੇ, ਪਰੰਤੂ ਇਸ ਮੁਹਿੰਮ ਨਾਲ ਜੁੜ ਕੇ ਲੱਗ ਰਿਹਾ ਹੈ ਕਿ ਅਸੀਂ ਵੀ ਕੁਝ ਯੋਗਦਾਨ ਦੇ ਸਕਦੇ ਹਾਂ।