ਦੀਪਾ ਨੇ ਆਪਣੀ ਮਾਂ ਨੂੰ ਫੋਨ ਕੀਤਾ ਅਤੇ ਬੋਲੀ, ‘‘ਮੰਮੀ ਜੀ, ਮੇਰਾ ਉਨ੍ਹਾਂ ਨਾਲ ਝਗੜਾ ਹੋ ਗਿਆ ਹੈ। ਮੈਂ ਤਿੰਨ-ਚਾਰ ਮਹੀਨਿਆਂ ਲਈ ਘਰ ਆ ਰਹੀ ਹਾਂ।”
ਮਾਂ ਬੋਲੀ, ‘‘ਝਗੜਾ ਉਸ ਕੰਬਖਤ ਨੇ ਕੀਤਾ ਹੈ ਤਾਂ ਸਜ਼ਾ ਵੀ ਉਸੇ ਨੂੰ ਮਿਲਣੀ ਚਾਹੀਦੀ ਹੈ। ਤੂੰ ਉਥੇ ਹੀ ਰੁਕ, ਮੈਂ ਪੰਜ-ਛੇ ਮਹੀਨਿਆਂ ਲਈ ਆ ਰਹੀ ਹਾਂ।”
*********
ਪਤਨੀ (ਰੱਬ ਅੱਗੇ ਪ੍ਰਾਰਥਨਾ ਕਰਦੀ ਹੋਈ), ‘‘ਰੱਬਾ! ਮੇਰੇ ਪਤੀ ਨੂੰ ਢੇਰ ਸਾਰੀ ਦੌਲਤ ਦੇ, ਸ਼ੋਹਰਤ ਦੇ। ਤੂੰ ਇਹ ਸਭ ਮੇਰੇ ਪਤੀ ਨੂੰ ਦੇ ਦੇ, ਫਿਰ ਉਸ ਤੋਂ ਸਾਰਾ ਕੁਝ ਲੈਣਾ ਮੇਰਾ ਕੰਮ ਹੈ।”
*********
ਸੜਕ ਕੰਢੇ ਇੱਕ ਮੰਗਤਾ ਦੋਵਾਂ ਹੱਥਾਂ ਵਿੱਚ ਇੱਕ-ਇੱਕ ਕਟੋਰਾ ਲੈ ਕੇ ਭੀਖ ਮੰਗ ਰਿਹਾ ਸੀ।
ਇੱਕ ਆਦਮੀ ਨੇ ਇੱਕ ਕਟੋਰੇ ਵਿੱਚ ਇੱਕ ਰੁਪਿਆ ਪਾਇਆ ਅਤੇ ਪੁੱਛਿਆ, ‘‘ਇਹ ਦੂਜਾ ਕਟੋਰਾ ਕਿਸ ਲਈ?”
ਮੰਗਤਾ, ‘‘ਜੀ ਕਾਰੋਬਾਰ ਫੈਲਾਉਣ ਲਈ ਮੈਂ ਨਵੀਂ ਬ੍ਰਾਂਚ ਖੋਲ੍ਹ ਲਈ ਹੈ।”