ਮਾਊਂਟ ਰਸ਼ਮੋਰ ਨੈਸ਼ਨਲ ਮੈਮੋਰੀਅਲ, 5 ਜੁਲਾਈ (ਪੋਸਟ ਬਿਊਰੋ)- ਆਜ਼ਾਦੀ ਦਿਨ ਵੇਲੇ ਮਾਊਂਟ ਰਸ਼ਮੋਰ ਵਿੱਚ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਫਿਰ ਮੁਜ਼ਾਹਰਾਕਾਰੀਆਂ ਨੂੰ ਨਿਸ਼ਾਨਾ ਬਣਾਇਆ। ਉਨ੍ਹਾਂ ਕਿਹਾ ਕਿ ਮੁਜ਼ਾਹਰਾਕਾਰੀਆਂ ਨੇ ਸਾਡੇ ਇਤਿਹਾਸ ਨੂੰ ਮਿਟਾਉਣ ਦੀ ਇੱਕ ਮੁਹਿੰਮ ਚਲਾਈ ਹੋਈ ਹੈ। ਇਹ ਮੁਹਿੰਮ ਮਾਊਂਟ ਰਸ਼ਮੋਰ ਵਿੱਚ ਹਰ ਵਿਅਕਤੀ ਦੀ ਵਿਰਾਸਤ 'ਤੇ ਹਮਲਾ ਕਰ ਰਹੀ ਹੈ। ਕੁਝ ਖੱਬੇ ਪੱਖੀ ਵਿਚਾਰਧਾਰਾ ਵਾਲੇ ਲੋਕ ਸਾਡੇ ਨਾਇਕਾਂ ਨੂੰ ਬਦਨਾਮ ਕਰਨ ਤੇ ਸਾਡੀਆਂ ਕਦਰਾਂ-ਕੀਮਤਾਂ ਨੂੰ ਮਿਟਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਕਾਬਿਲੇਗੌਰ ਹੈ ਕਿ ਅਫਰੀਕੀ-ਅਮਰੀਕੀ ਜਾਰਜ ਫਲਾਇਡ ਦੀ ਪੁਲਸ ਹਿਰਾਸਤ ਵਿੱਚ ਮੌਤ ਤੋਂ ਬਾਅਦ ਅਮਰੀਕਾ ਸਮੇਤ ਪੂਰੇ ਵਿਸ਼ਵ ਵਿੱਚ ਵਿਰੋਧ ਪ੍ਰਦਰਸ਼ਨਾਂ ਦਾ ਸਿਲਸਿਲਾ ਸ਼ੁਰੂੁ ਹੋ ਗਿਆ ਸੀ। ਨਸਲੀ ਬੇਇਨਸਾਫੀ ਤੇ ਪੁਲਸ ਤੇ ਤਸ਼ੱਦਦ ਖਿਲਾਫ ਅਮਰੀਕਾ 'ਚ ਕਈ ਹਫਤਿਆਂ ਤੱਕ ਮੁਜ਼ਾਹਰੇ ਹੋਏ। ਕੁਝ ਮੁਜ਼ਾਹਰਾਕਾਰੀਆਂ ਬਾਰੇ ਪ੍ਰਤੀਕਿਰਿਆ ਕਾਰਨ ਆਲੋਚਨਾ ਝੱਲ ਰਹੀ ਟਰੰਪ ਦੀ ਪਤਨੀ ਤੇ ਪ੍ਰਥਮ ਮਹਿਲਾ ਮੇਲਾਨੀਆ ਟਰੰਪ ਨਾਲ ਜਦੋਂ ਮੰਚ 'ਤੇ ਪਹੁੰਚੀ ਤਾਂ ਉਨ੍ਹਾਂ ਦੇ ਸਮਰਥਕਾਂ ਨੇ ਚਾਰ ਸਾਲ ਹੋਰ ਦੇ ਨਾਅਰੇ ਲਾਏ। ਟਰੰਪ ਨੇ ਕਿਹਾ ਕਿ ਉਹ ਸੋਚਦੇ ਹਨ ਕਿ ਅਮਰੀਕੀ ਲੋਕ ਕਮਜ਼ੋਰ ਹਨ, ਪਰ ਅਜਿਹਾ ਨਹੀਂ ਹੈ। ਇੱਕ ਆਮ ਅਮਰੀਕੀ ਦੇਸ਼ ਦੀਆਂ ਕਦਰਾਂ-ਕੀਮਤਾਂ, ਇਤਿਹਾਸ ਤੇ ਸਭਿਆਚਾਰ ਨੂੰ ਨਸ਼ਟ ਕਰਨ ਦੀ ਇਜਾਜ਼ਤ ਕਦੇ ਨਹੀਂ ਦੇਵੇਗਾ।