ਸੁਨੀਲ ਸ਼ੈੱਟੀ ਦੀ ਬੇਟੀ ਅਥੀਆ ਸ਼ੈੱਟੀ ਨੇ 2015 ਵਿੱਚ ‘ਹੀਰੋ’ ਨਾਲ ਆਪਣਾ ਕਰੀਅਰ ਸ਼ੁਰੂ ਕੀਤਾ ਸੀ। ਉਹ ਇਨ੍ਹੀਂ ਦਿਨੀਂ ਭੋਪਾਲ ਵਿੱਚ ਫਿਲਮ ‘ਮੋਤੀਚੂਰ ਚਕਨਾਚੂਰ’ ਦੀ ਸ਼ੂਟਿੰਗ ਕਰ ਰਹੀ ਹੈ। ਇਸ ਵਿੱਚ ਉਹ ਪਹਿਲੀ ਵਾਰ ਨਵਾਜੂਦੀਨ ਸਿੱਦੀਕੀ ਦੇ ਨਾਲ ਕੰਮ ਕਰ ਰਹੀ ਹੈ। ਅਥੀਆ ਕਹਿੰਦੀ ਹੈ, ‘‘ਨਵਾਜ਼ ਵਰਗੇ ਵਰਸੇਟਾਈਲ ਐਕਟਰ ਦੇ ਨਾਲ ਸਕਰੀਨ ਸ਼ੇਅਰ ਕਰਨ ਦਾ ਮਤਲਬ ਹੈ ਕਿ ਤੁਸੀਂ ਹਰ ਇੱਕ ਸੀਨ ਵਿੱਚ ਕੁਝ ਨਵਾਂ ਸਿੱਖਦੇ ਹੋ।”
ਫਿਲਮ ਦੇ ਬਾਰੇ ਅਥੀਆ ਦਾ ਕਹਿਣਾ ਹੈ, “ਮੈਂ ਹਮੇਸ਼ਾ ਤੋਂ ਇਸ ਤਰ੍ਹਾਂ ਦੀ ਫਿਲਮ ਵਿੱਚ ਕੰਮ ਕਰਨਾ ਚਾਹੁੰਦੀ ਸੀ। ‘ਮੋਤੀਚੂਰ ਚਕਨਾਚੂਰ’ ਅਜਿਹੀ ਫਿਲਮ ਹੈ, ਜਿਸ ਨੂੰ ਮੈਂ ਜੇ ਬਤੌਰ ਦਰਸ਼ਕ ਦੇਖਾਂ ਤਾਂ ਇੰਜੁਆਏ ਕਰਾਂਗੀ। ਕਾਮੇਡੀ ਦੂਰ ਤੋਂ ਬਹੁਤ ਆਸਾਨ ਲੱਗਦੀ ਹੈ, ਪਰ ਲੋਕਾਂ ਨੂੰ ਹਸਾਉਣਾ ਬਹੁਤ ਮੁਸ਼ਕਲ ਕੰਮ ਹੈ।” ਇਸ ਫਿਲਮ ਵਿੱਚ ਅਥੀਆ ਨਾਰਥ ਦੇ ਛੋਟੇ ਜਿਹੇ ਸ਼ਹਿਰ ਦੀ ਇੱਕ ਮਹਿਲਾ ਦਾ ਕਿਰਦਾਰ ਨਿਭਾਅ ਰਹੀ ਹੈ।