ਮਲੇਰਕੋਟਲਾ, 1 ਜੁਲਾਈ (ਪੋਸਟ ਬਿਊਰੋ)- ਨੇੜਲੇ ਪਿੰਡ ਸਦਰਾਬਾਦ (ਨੌਸਹਿਰਾ) ਦੇ ਇੱਕ 17 ਸਾਲਾ ਨੌਜਵਾਨ ਦੇ ਇੱਕ ਸ਼ਾਦੀ ਸੁਦਾ ਔਰਤ ਨਾਲ ਨਾਜਾਇਜ਼ ਸਬੰਧਾਂ ਕਾਰਨ ਜ਼ਹਿਰੀਲੀ ਵਸਤੂ ਨਿਗਲਣ ਨਾਲ ਮੌਤ ਹੋ ਗਈ।
ਮ੍ਰਿਤਕ ਨੌਜਵਾਨ ਯਾਮੀਨ ਦੀ ਮਾਂ ਖਲੀਲੀਾ ਬੇਗ਼ਮ ਪਤਨੀ ਪੱਪੂੂ ਖਾਨ ਨੇ ਥਾਣਾ ਸਿਟੀ-1 ਮਲੇਰਕੋਟਲਾ ਵਿਖੇ ਦਰਜ ਕਰਵਾਈ ਸ਼ਿਕਾਇਤ ਵਿੱਚ ਦੋਸ਼ ਲਾਇਆ ਹੈ ਕਿ ਉਸ ਦਾ 17 ਸਾਲਾ ਪੁੱਤਰ ਯਾਮੀਨ ਇਰਫਾਜ਼ ਕਿਲ੍ਹਾ ਰਹਿਮਤਗੜ੍ਹ ਦੇ ਮੁਹੱਲਾ ਕਸਾਈਆਂ ਵਾਲਾ ਵਿਖੇ 10-11 ਦਿਨਾਂ ਤੋਂ ਇੱਕ ਕਿਰਾਏ ਦੇ ਮਕਾਨ ਵਿੱਚ ਰਹਿੰਦੀ ਵਿਆਹੁਤਾ ਔਰਤ ਸੁਖਵਿੰਦਰ ਕੌਰ ਪਤਨੀ ਜਗਸੀਰ ਸਿੰਘ ਵਾਸੀ ਭਸੌੜ ਨਾਲ ਉਸੇ ਦੇ ਘਰ ਵਿੱਚ ਰਹਿ ਰਿਹਾ ਸੀ ਪਰ 28 ਜੂਨ ਦੀ ਰਾਤ ਨੂੰ ਉਸ ਮਹਿਲਾ ਅਤੇ ਉਸ ਦੇ ਪਤੀ ਨੇ ਰਲ ਕੇ ਯਾਮੀਨ ਇਰਫਾਜ਼ ਨੂੰ ਕੋਈ ਜ਼ਹਿਰੀਲੀ ਚੀਜ਼ ਖੁਆ ਕੇ ਮਾਰ ਦਿੱਤਾ ਹੈ। ਮ੍ਰਿਤਕ ਦੀ ਲਾਸ਼ ਉਸ ਮਹਿਲਾ ਦੇ ਘਰੋਂ ਬੈਡ 'ਤੇ ਪਈ ਮਿਲੀ ਹੈ। ਥਾਣਾ ਸਿਟੀ-1 ਦੇ ਐਸ ਐਚ ਓ ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕ ਲੜਕੇ ਦੀ ਮਾਂ ਖਲੀਲਾ ਬੇਗ਼ਮ ਪਤਨੀ ਪੱਪੂ ਖਾਨ ਦੇ ਬਿਆਨਾਂ 'ਤੇ ਸੁਖਵਿੰਦਰ ਕੌਰ ਅਤੇ ਉਸ ਦੇ ਪਤੀ ਜਗਸੀਰ ਸਿੰਘ ਉਤੇ ਕੇਸ ਦਰਜ ਕਰਕੇ ਦੋਵਾਂ ਨੂੰ ਗ਼੍ਰਿਫ਼ਤਾਰ ਕਰ ਲਿਆ ਹੈ। ਖਲੀਲਾ ਬੇਗਮ ਦੇ ਮੁਤਾਬਕ ਉਸ ਦੇ ਪੁੱਤਰ ਦੇ ਪਿਛਲੇ 5-6 ਮਹੀਨੇ ਤੋਂ ਸੁਖਵਿੰਦਰ ਕੌਰ ਨਾਲ ਸਬੰਧ ਸਨ ਤੇ 10-11 ਦਿਨ ਤੋਂ ਉਹ ਔਰਤ ਮੁਹੱਲਾ ਕਸਾਈਆਂ ਵਾਲਾ ਦੇ ਇੱਕ ਕਿਰਾਏ ਦੇ ਮਕਾਨ ਵਿੱਚ ਰਹਿਣ ਲੱਗ ਗਈ ਸੀ। ਉਸੇ ਦਿਨ ਤੋਂ ਉਸ ਦਾ ਪੁੱਤਰ ਵੀ ਉਸ ਔਰਤ ਨਾਲ ਉਸੇ ਘਰ ਰਹਿਣ ਲੱਗ ਪਿਆ ਸੀ। ਉਸ ਨੇ ਦੋਸ਼ ਲਾਇਆ ਕਿ ਸੁਖਵਿੰਦਰ ਕੌਰ ਅਤੇ ਉਸ ਦੇ ਪਤੀ ਨੇ ਉਸ ਦੇ ਪੁੱਤਰ ਨੂੰ ਕੋਈ ਜ਼ਹਿਰੀਲੀ ਚੀਜ਼ ਖੁਆ ਜਾਂ ਪਿਲਾ ਕੇ ਮਾਰ ਦਿੱਤਾ ਹੈ।