ਵਾਸ਼ਿੰਗਟਨ, 29 ਜੂਨ (ਪੋਸਟ ਬਿਊਰੋ)- ਜਿਸ ਸੂਰਜ ਨੂੰ ਅਸੀਂ ਰੋਜ਼ ਦੇਖਦੇ ਹਾਂ, ਉਹ 10 ਸਾਲ ਪਹਿਲਾਂ ਕਿਵੇਂ ਦਿਖਾਈ ਦਿੰਦਾ ਸੀ ਅਤੇ ਅੱਜ ਤੱਕ ਉਸ ਵਿੱਚ ਕੀ ਬਦਲਾਅ ਆਏ ਹਨ, ਕੀ ਤੁਸੀਂ ਕਦੇ ਸੋਚਿਆ ਹੈ।
ਅਮਰੀਕਾ ਦੀ ਸਪੇਸ ਏਜੰਸੀ ਨਾਸਾ ਸੂਰਜ ਨਾਲ ਜੁੜੇ ਰਾਜ਼ ਖੋਲ੍ਹਣ ਦੇ ਨਾਲ ਇਸੇ ਤਰ੍ਹਾਂ ਦੇ ਸਵਾਲਾਂ ਦੇ ਜਵਾਬ ਲੱਭ ਰਹੀ ਹੈ। ਨਾਸਾ ਦੀ ਸੋਲਰ ਡਾਇਨਾਮਿਕ ਆਬਜ਼ਰਵੇਟਰੀ ਯਾਨੀ ਐੱਸ ਡੀ ਓ 10 ਸਾਲ ਤੋਂ ਸੂਰਜ ਉਤੇ ਨਜ਼ਰ ਰੱਖ ਰਹੀ ਹੈ। ਇਸ ਦੌਰਾਨ ਸਪੇਸ ਵਿੱਚ ਪ੍ਰਿਥਵੀ ਦਾ ਚੱਕਰ ਕੱਟਦੇ ਹੋਏ ਇਸ ਸਪੇਸਕ੍ਰਾਫਟ ਨੇ ਸੂਰਜ ਦੀਆਂ 42 ਕਰੋੜ ਤੋਂ ਵੀ ਜ਼ਿਆਦਾ ਹਾਈ ਰੈਜ਼ੂਲਿਊਸ਼ਨ ਤਸਵੀਰਾਂ ਖਿੱਚੀਆਂ ਹਨ। ਐੱਸ ਡੀ ਓ ਹਰ ਸੈਕਿੰਡ ਦੇ 75ਵੇਂ ਹਿੱਸੇ ਵਿੱਚ ਸੂਰਜ ਦੀ ਇੱਕ ਤਸਵੀਰ ਲੈਂਦਾ ਹੈ। ਇੱਕ ਦਹਾਕੇ ਵਿੱਚ ਇਨ੍ਹਾਂ ਤਸਵੀਰਾਂ ਦੀ ਮਦਦ ਨਾਲ ਵਿਗਿਆਨੀਆਂ ਨੇ ਅਣਗਿਣਤ ਖੋਜਾਂ ਕਰ ਲਈਆਂ ਅਤੇ ਜਾਣਿਆ ਹੈ ਕਿ ਸਾਡੇ ਸਭ ਤੋਂ ਨਜ਼ਦੀਕੀ ਸਿਤਾਰੇ ਦਾ ਸਾਡੇ ਸੋਲਰ ਸਿਸਟਮ 'ਤੇ ਕੀ ਅਸਰ ਹੁੰਦਾ ਹੈ। ਨਾਸਾ ਨੇ ਇਸ 10 ਸਾਲ ਦਾ ਇੱਕ ਟਾਈਮਲੈਪਸ ਵੀਡੀਓ ਸ਼ੇਅਰ ਕੀਤਾ ਹੈ ਜਿਸ ਵਿੱਚ ਸੂਰਜ ਦੇ 10 ਸਾਲ ਨੂੰ 61 ਮਿੰਟ ਵਿੱਚ ਦਿਖਾਇਆ ਗਿਆ ਹੈ। ਇਸ ਵਿੱਚ ਸਾਨੂੰ ਜੋ ਦਿਖਾਈ ਦੇ ਰਹੀ ਹੈ ਉਹ ਸੂਰਜ ਦੇ ਵਾਯੂ ਮੰਡਲ ਦੀ ਸਭ ਤੋਂ ਬਾਹਰੀ ਲੇਅਰ ਕੋਰੋਨਾ ਹੈ। ਇਸ ਵੀਡੀਓ ਵਿੱਚ ਸੂਰਜ ਦੀ 11 ਸਾਲ ਦੀ ਸੋਲਰ ਸਾਈਕਲ ਦੇ ਉਤਾਰ-ਚੜ੍ਹਾਅ ਦਿਸਦੇ ਹਨ। ਇਸ ਵਿੱਚ ਹੋਣ ਵਾਲੇ ਧਮਾਕੇ ਤਾਂ ਕਦੇ ਇਸ ਦੇ ਸਾਹਮਣੇ ਤੋਂ ਲੰਘਦੇ ਗ੍ਰਹਿ ਨਜ਼ਰ ਆਉਂਦੇ ਹਨ। ਐੱਸ ਡੀ ਓ ਅਤੇ ਸੂਰਜ ਦੇ ਵਿੱਚ ਪ੍ਰਿਥਵੀ ਜਾਂ ਚੰਦਰਮਾ ਦੇ ਆਉਣ ਤੇ ਲੱਗਾ ਗ੍ਰਹਿਣ ਵੀ ਦਿਖਾਈ ਦਿੰਦਾ ਹੈ।