‘ਸੁਪਰ 30’ ਅਤੇ ‘ਬਾਟਲਾ ਹਾਊਸ’ ਫਿਲਮਾਂ ਵਿੱਚ ਆਈ ਅਭਿਨੇਤਰੀ ਮ੍ਰਿਣਾਲ ਠਾਕੁਰ ਵੈਰਾਇਟੀ ਕਿਰਦਾਰਾਂ ਨੂੰ ਪਹਿਲ ਦੇ ਰਹੀ ਹੈ। ਉਸ ਦਾ ਕਹਿਣਾ ਹੈ ਕਿ ਸਾਡੀ ਫਿਲਮ ਇੰਡਸਟਰੀ ਵਿੱਚ ਕਲਾਕਾਰਾਂ ਨੂੰ ਉਨ੍ਹਾਂ ਦੇ ਪਹਿਲੇ ਨਿਭਾਅ ਗਏ ਕਿਰਦਾਰਾਂ ਦੇ ਆਧਾਰ 'ਤੇ ਕੰਮ ਮਿਲਦਾ ਹੈ। ਜੇ ਇੱਕ ਵਾਰ ਕਿਸੇ ਨੇ ਦਿਹਾਤੀ ਕਿਰਦਾਰ ਨਿਭਾਇਆ ਤਾਂ ਲੋਕ ਵਾਰ-ਵਾਰ ਉਸੇ ਤਰ੍ਹਾਂ ਦਾ ਕੰਮ ਆਫਰ ਕਰਨਗੇ। ਇਸ ਤੋਂ ਬਚਣ ਦੇ ਲਈ ਉਸ ਨੇ ‘ਬਾਟਲਾ ਹਾਊਸ’ ਅਤੇ ‘ਘੋਸਟ ਸਟੋਰੀਜ਼’ ਵਿੱਚ ਅਲੱਗ-ਅਲੱਗ ਕਿਰਦਾਰ ਨਿਭਾਏ ਹਨ। ਸਾਲ 2018 ਵਿੱਚ ਰਿਲੀਜ਼ ਹੋਈ ਆਪਣੀ ਪਹਿਲੀ ਫਿਲਮ ‘ਲਵ ਸੋਨੀਆ’ ਦੇ ਬਾਰੇ ਉਸ ਨੇ ਦੱਸਿਆ ਕਿ ਇਸ ਫਿਲਮ ਨਾਲ ਉਸ ਨੂੰ ਪਛਾਣ ਮਿਲੀ। ਇਸ ਫਿਲਮ ਨੂੰ ਇੱਕ ਫਿਲਮ ਫੈਸਟੀਵਲ ਵਿੱਚ ਦੇਖਣ ਦੇ ਬਾਅਦ ਨਿਖਿਲ ਅਡਵਾਨੀ ਨੇ ਉਸ ਨੂੰ ‘ਬਾਟਲਾ ਹਾਊਸ’ ਵਿੱਚ ਕੰਮ ਕਰਨ ਦਾ ਮੌਕਾ ਦਿੱਤਾ। ਇਹ ਫਿਲਮ ਉਨ੍ਹਾਂ ਲੋਕਾਂ ਲਈ ਕਰਾਰਾ ਜਵਾਬ ਸੀ, ਜੋੋ ਕਹਿੰਦੇ ਸਨ ਕਿ ਟੀ ਵੀ ਕਲਾਕਾਰ ਚੰਗੀ ਐਕਟਿੰਗ ਨਹੀਂ ਕਰ ਸਕਦੇ।
ਸਟਾਰ ਕਿਡਸ ਬਨਾਮ ਬਾਹਰੀ ਦੇ ਮੁੱਦੇ ਉਤੇ ਆਪਣੀ ਰਾਏ ਦੇਂਦੇ ਹੋਏ ਮ੍ਰਿਣਾਲ ਨੇ ਕਿਹਾ ਕਿ ਜੇ ਲੋਕ ਅਸਲ ਵਿੱਚ ਚਾਹੁੰਦੇ ਹਨ ਕਿ ਬਾਹਰੀ ਕਲਾਕਾਰਾਂ ਨੂੰ ਵੀ ਸਟਾਰਡਮ ਮਿਲੇ ਤਾਂ ਉਹ ਅਜਿਹੇ ਕਲਾਕਾਰਾਂ ਦੀਆਂ ਫਿਲਮਾਂ ਵੱਧ ਤੋਂ ਵੱਧ ਦੇਖ ਕੇ ਉਨ੍ਹਾਂ ਨੂੰ ਉਤਸ਼ਾਹਤ ਕਰਨ। ਮ੍ਰਿਣਾਲ ਅਗਲੇ ਦਿਨਾਂ ਵਿੱਚ ‘ਤੂਫਾਨ’ ਅਤੇ ‘ਜਰਸੀ’ ਆਦਿ ਫਿਲਮਾਂ ਵਿੱਚ ਨਜ਼ਰ ਆਵੇਗੀ। ਫਰਹਾਨ ਅਖਤਰ ਦੀ ਫਿਲਮ ‘ਤੂਫਾਨ’ ਦੀ ਸ਼ੂਟਿੰਗ ਪੂਰੀ ਹੋ ਚੁੱਕੀ ਹੈ, ਜਦ ਕਿ ‘ਜਰਸੀ’ ਦੀ ਤਕਰੀਬਨ ਅੱਧੀ ਸ਼ੂਟਿੰਗ ਬਚੀ ਹੈ। ‘ਜਰਸੀ’ ਵਿੱਚ ਉਸ ਦੇ ਆਪੋਜ਼ਿਟ ਸ਼ਾਹਿਦ ਕਪੂਰ ਹੈ।