ਅਮਿਤਾਭ ਬੱਚਨ ਆਪਣੇ ਕਿਰਦਾਰਾਂ ਨੂੰ ਇੰਨੀ ਬਰੀਕੀ ਨਾਲ ਨਿਭਾਉਂਦੇ ਹਨ ਕਿ ਕਦੇ-ਕਦੇ ਉਨ੍ਹਾਂ ਨੂੰ ਦੇਖ ਕੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨਾਲ ਉਨ੍ਹਾਂ ਦੇ ਸਹਿਯੋਗੀ ਕਲਾਕਾਰਾਂ ਨੂੰ ਵੀ ਹੈਰਾਨੀ ਹੁੰਦੀ ਹੈ। ਫਿਲਮ ‘ਗੁਲਾਬੋ ਸਿਤਾਬੋ’ ਵਿੱਚ ਬੇਗ਼ਮ ਦਾ ਕਿਰਦਾਰ ਕਰਨ ਵਾਲੀ ਫਾਰੂਖ ਜ਼ਫਰ ਵੀ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਵਿੱਚ ਸ਼ਾਮਲ ਹਨ, ਪਰ ‘ਗੁਲਾਬੋ ਸਿਤਾਬੋ’ ਦੇ ਸੈੱਟ 'ਤੇ ਅਮਿਤਾਭ ਨੂੰ ਮਿਰਜ਼ਾ ਦੇ ਕਿਰਦਾਰ ਵਿੱਚ ਦੇਖਣ ਦੇ ਬਾਅਦ ਉਨ੍ਹਾਂ ਨੂੰ ਆਪਣੀ ਪਸੰਦ 'ਤੇ ਹੈਰਾਨੀ ਹੋਈ। ਉਨ੍ਹਾਂ ਨੇ ਦੱਸਿਆ ਕਿ ਬਚਪਨ ਵਿੱਚ ਫਿਲਮਾਂ ਬਾਰੇ ਜਾਨਣ ਪਿੱਛੋਂ ਉਹ ਦਲੀਪ ਕੁਮਾਰ ਦੀ ਪ੍ਰਸ਼ੰਸਕਾ ਸੀ, ਪਰ ਫਿਲਮ ‘ਸਿਲਸਿਲਾ' ਵਿੱਚ ਅਮਿਤਾਭ ਬੱਚਨ ਨੂੰ ਦੇਖਣ ਦੇ ਬਾਅਦ ਉਹ ਉਨ੍ਹਾਂ ਦੀ ਪ੍ਰਸ਼ੰਸਕ ਬਣ ਗਈ। ਬਿਗ ਬੀ ਦੀ ਰੋਮਾਂਟਿਕ ਹੀਰੋ ਵਾਲਾ ਅਕਸ ਉਨ੍ਹਾਂ ਦੀਆਂ ਅੱਖਾਂ ਵਿੱਚ ਵੱਸ ਗਿਆ। ਇਸ ਫਿਲਮ ਨੂੰ ਸਵੀਕਾਰ ਕਰਨ ਪਿੱਛੇ ਵੀ ਇਹੀ ਕਾਰਨ ਸੀ ਕਿ ਉਨ੍ਹਾਂ ਨੂੰ ਆਪਣੇ ਪਸੰਦੀਦਾ ਰੋਮਾਂਟਿਕ ਹੀਰੋ ਦੇ ਨਾਲ ਕੰਮ ਕਰਨ ਦਾ ਮੌਕਾ ਮਿਲ ਰਿਹਾ ਸੀ, ਪਰ ਫਿਲਮ ਦੇ ਸੈੱਟ 'ਤੇ ਪਹੁੰਚਣ ਪਿੱਛੋਂ ਉਨ੍ਹਾਂ ਨੂੰ ਕਾਫੀ ਨਿਰਾਸ਼ਾ ਹੱਥ ਲੱਗੀ, ਕਿਉਂਕਿ ਉਨ੍ਹਾਂ ਅੱਗੇ ਰੋਮਾਂਟਿਕ ਅਮਿਤਾਭ ਦੀ ਜਗ੍ਹਾ ਮੋਟੀ ਭੱਦੀ ਨੱਕ ਤੇ ਪੁਰਾਣਾ ਕੁੜਤਾ-ਪਜਾਮਾ ਪਹਿਨੇ ਹੋਏ ਮਿਰਜ਼ਾ ਦੇ ਕਿਰਦਾਰ ਵਿੱਚ ਅਮਿਤਾਭ ਖੜ੍ਹੇ ਸਨ। ਉਨ੍ਹਾਂ ਨੂੰ ਆਪਣੀ ਪਸੰਦ 'ਤੇ ਹੈਰਾਨੀ ਹੋਈ।
ਫਿਲਮ ਦੀ ਸ਼ੂਟਿੰਗ ਦੇ ਬਾਅਦ ਫਾਰੂਖ ਆਪਣੇ ਪਸੰਦੀਦਾ ਕਲਾਕਾਰ ਅਮਿਤਾਬ ਦੇ ਨਾਲ ਕੁਝ ਪਲ ਗਪਸ਼ਪ ਕਰਨਾ ਚਾਹੁੰਦੀ ਸੀ, ਪਰ ਉਨ੍ਹਾਂ ਨੂੰ ਪਤਾ ਹੀ ਨਹੀਂ ਚੱਲਦਾ ਕਿ ਸ਼ੂਟਿੰਗ ਖਤਮ ਹੋਣ ਦੇ ਬਾਅਦ ਅਮਿਤਾਭ ਕਿੱਥੇ ਚਲੇ ਜਾਂਦੇ ਸਨ। ਇਸ ਲਈ ਆਪਣੇ ਪਸੰਦੀਦਾ ਅਭਿਨੇਤਾ ਨਾਲ ਗਪਸ਼ਪ ਕਰਨ ਦੀ ਉਨ੍ਹਾਂ ਦੀ ਤਮੰਨਾ ਅਧੂਰੀ ਰਹਿ ਗਈ। ਸ਼ੁਜੀਤ ਸਰਕਾਰ ਦੇ ਨਿਰਦੇਸ਼ਨ ਵਾਲੀ ‘ਗੁਲਾਬੋ ਸਿਤਾਬੋ' ਵਿੱਚ ਅਮਿਤਾਭ ਦੇ ਨਾਲ ਆਯੁਸ਼ਮਾਨ ਖੁਰਾਣਾ ਵੀ ਮੁੱਖ ਭੂਮਿਕਾ ਵਿੱਚ ਹਨ।