ਦਸੰਬਰ ਮਹੀਨੇ ਵਿੱਚ ਦੋ ਫਿਲਮਾਂ ਦੀ ਰਿਲੀਜ਼ ਬਾਰੇ ਸੈਫ ਅਲੀ ਖਾਨ ਦੀ ਬੇਟੀ ਸਾਰਾ ਅਲੀ ਖਾਨ ਚਰਚਾ ਵਿੱਚ ਆਈ ਹੈ। ਉਸ ਦੀ ਫਿਲਮ ‘ਸਿੰਬਾ’ ਨੂੰ 28 ਦਸੰਬਰ ਨੂੰ ਰਿਲੀਜ਼ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ, ਪਰ ਹਾਲ ਹੀ ਵਿੱਚ ‘ਕੇਦਾਰਨਾਥ’ ਨੂੰ ਸੱਤ ਦਸੰਬਰ ਨੂੰ ਰਿਲੀਜ਼ ਕਰਨ ਦਾ ਫੈਸਲਾ ਕਰ ਲਿਆ ਗਿਆ, ਜਿਸ ਤੋਂ ਸਵਾਲ ਪੈਦਾ ਹੋ ਗਿਆ ਕਿ ਕੀ ‘ਸਿੰਬਾ’ ਦੀ ਜਗ੍ਹਾ ਸਾਰਾ ਦੀ ਪਹਿਲੀ ਰਿਲੀਜ਼ ਫਿਲਮ ‘ਕੇਦਾਰਨਾਥ’ ਹੀ ਹੋਵੇਗੀ।
ਜਦ ‘ਕੇਦਾਰਨਾਥ’ ਵਿਵਾਦਾਂ ਵਿੱਚ ਫਸੀ ਤੇ ਭਵਿੱਖ ਅੱਧ ਵਿਚਾਲੇ ਲਟਕ ਗਿਆ ਸੀ ਤਾਂ ਸੈਫ ਬੇਟੀ ਦੇ ਕਰੀਅਰ ਨੂੰ ਬਚਾਉਣ ਵਿੱਚ ਅੱਗੇ ਆਏ ਸਨ ਤੇ ਉਨ੍ਹਾਂ ਨੇ ਕਰਣ ਜੌਹਰ ਨੂੰ ਮਿਲ ਕੇ ਸਾਰਾ ਨੂੰ ‘ਸਿੰਬਾ' ਵਿੱਚ ਕਾਸਟ ਕਰਨ ਦਾ ਰਸਤਾ ਬਣਾਇਆ ਸੀ। ਇਸ ਵੇਲੇ ‘ਸਿੰਬਾ’ ਅਤੇ ‘ਕੇਦਾਰਨਾਥ’ ਦੇ ਅੱਗੇ ਪਿੱਛੇ ਰਿਲੀਜ਼ ਨੂੰ ਲੈ ਕੇ ਉਮੀਦ ਕੀਤੀ ਜਾ ਰਹੀ ਸੀ ਕਿ ਸੈਫ ਅਲੀ ਖਾਨ ਇਸ ਵਿੱਚ ਦਖਲ ਕਰਨਗੇ, ਪਰ ਸੈਫ ਨੇ ਅਜਿਹਾ ਕਰਨ ਤੋਂ ਮਨ੍ਹਾ ਕਰ ਦਿੱਤਾ।